أيسر
اباوعلة ومثل واحد خانكني وصوتي ميطلع بقيت
اصرخ بعلو صوتي أيسر، أيسر، أيسسسسر
حسيت على وجهي تبلل باوعت عماد وسليم واكفين يم راسي
سليم: اشبيج خرعتينه شكو اصيحين
عماد: لا تخافين حلم حلم كومي غسلي وجهج
بقيت صافنة اباوعلهم ادور على أيسر
عماد: عليمن دورين شبيج احجي
ذكرت انا ما اكدر احجي صحت بصوت
_أيسر، أيسر
سليم: والله ذبحتينه بهذا الناقص شرايدة منه
_يعني سمعوني يعني اكدر احجي
عماد: اششش انت شوفها شلون مخترعة وجاي اصيح عليها
سليم: انت ما شوف كل شوي صاحت أيسر
عماد: سليم اششش كافي، امونة حبيبتي بس كولي شبي أيسر وياج احجي
_صفنت شحجي، هاا شبي أيسر مابي شي
سليم: اللهم صبرج يا روح ولج نايم بعز نومي
وحلمان ذاك الحلم حلو ما اسمع الا صوت هل نعال
ايسر احجي شبي صخام
عماد: جانت حلمانة روح نام وكافي اصيح،
سليم: اووف خربتي عليه حلم خرب حظي حتى
بلحلم ما اتهنى بي
عماد: شنو هو حلمان بي بلااا
سليم: لك لو شوف مشتري ذاك ديج رومي ونافخ
ريشه وافتر بي بالمنطقة وما خلى ديج ما كتله
بس شلون ديج خرب عرضة شحلاته عندة عرج
احمر ايخبل وقوي
_اباوع على عماد وغم روحه
عماد: روح كمل حلمك بلكت تشتري دجاجة ويه
ديج وصير عدكم كتاكيت صغار، وهم بالمرا
تفتحلك معمل مال دجاج
سليم: اي هم صدك اروح ليش لا، اكمل حلم
احسلي من صخام أيسر، وانتي هييي كعدي صبح وكت سوينه لكمة
عماد: ولي ولي ابو ضروك حتى احلامك مابيها خير مثلك
سليم: على اقل احسن من صخامووو أيسروو،
باجر اذا ما كلتيلي حلم اله اطبع العصا بظهرج
عماد: سوا روحة البطل روح ولي، بعد هي حلمانة
تلكاها تلعب هي وأيسر واكيد غلبها وكلشي ولا
واحد يغلب ام لسان مو هيج آمنة
YOU ARE READING
جُمِّلْت... أخلاقها //باللهجة العراقية //
מתח / מותחןهناك من يتحمل كل اهات الزمن ويرضى بالذي مكتوب، وهناك من يمشي متفتحاً حتى ينال صاعقات الزمن ولا يرضى بلمكتوب.. بل يسيطر على عالمه بحقد، ويكبر ذلك حقد، فيظلم الصغير قبل الكبير.. ويسمى ذلك بالوجع، انه وجع يا سادة يملي عالماً... ويفتح ابواباً...
حلقة( 1) جزء الثاني
Start from the beginning