Beauty and the Beast

#36: Friendly Kiss

Sorry po for super late update. Stress po kasi ako this month.

***

Kabanata 36: Friendly Kiss

 

-Saerin Gail's POV-

 

"Hello, sorry kung nalate ako ng dating" hinihingal na sabi ko kay Darryl ng makarating ako sa harapan niya. Bahagya siyang ngumiti at tumango bago siya umayos ng tayo at kinuha yung isang bag na dala ko.

"Ayos lang, kakarating ko lang din halos" sabi niya at tumingin sa bandang likuran ko. "Hinatid ka ba ni Jared dito?" tanong niya sa akin. Umiling ako bilang sagot sa tanong niya.

"Hindi ko na siya ginising, mamaya pa naman yung pasok nun" sabi ko.

Tumango naman siya at binuksan yung likuran ng sasakyan niya at inilagay doon yung bag ko na naglalaman nung mga pinabili niya sa akin para doon sa volunteer work na gagawin namin ngayong araw.

Sa totoo lang namimiss ko na talaga sila Darryl. Ang tagal ko rin silang hindi nakita, nakasama at nakausap, at hindi ko talaga maikakailang kahit na nagka-problema kaming tatlo in the end they are still my best friends. I can't stay angry at them for a long time. Sila pa eh hindi ko sila matitiis pareho. Although I still have my questions to them but maybe I can ask about them next time.

"Ahhh, so tara na?" yaya sa akin ni Darryl. Tumingin naman ako at tumango habang nakangiti.

"Sige" sabi ko at sumakay na ako sa sasakyan niya.

Aayusin ko na sana yung seatbelt ko nung bigla kong naramdaman yung pag-vibrate ng phone ko kaya naman kinuha ko ito at tinignan kung sino yung nagtext.

'You leave me here alone :('

 

Halos manlaki yung mata ko sa gulat nung makita ko yung text ni Jared. Anong problema niya? Mabilis din naman akong nagreply sa kaniya.

'Hindi na kita ginising kasi mamaya pa naman ang pasok mo. Huwag ka na ngang magdrama diyan, nagluto naman ako ng almusal mo. Good morning :)'

Pagkasend ko nung message na yun ay ibinaba ko na yung phone ko at umayos ng upo. Bumuntong hininga ako at doon ko lang narealize na nakatingin pala sa akin Darryl habang nakakunot yung noo. I suddenly looked at him consciously.

"Hindi pa ba tayo aalis?" nagtatakang tanong ko sa kanya.

He smiled at shook his head. Mas lalo lang tuloy akong nagtaka sa biglang inakto niya. Magsasalita pa sana ako nung bigla siyang lumapit sa akin dahilan para mapatahimik ako. Halos mailing naman ako nung halos magkalapit na ang mukha namin. Napaiwas naman ako ng tingin sa kanya dahil medyo kinabahan ako sa malalim na tingin niya sa akin sa mga sandaling 'to.

"U-uhm, ano..." hindi ko na matuloy yung sasabihin ko.