فَقيدة أنمار

بارت 15

باسني بين خدي وركبتي ما انطيت اي ردة فعل لأن الخمول مسيطر علي ، باوعلي وابتسم وكال : واضح انتي احسن .

كمت وكلت : يلا خلي ننزل تأخرنه .
- لا انتي وين نازله روحي نامي ارتاحي شوي .
: تمام بس انت وين رايح ، ولزمته من ردان قميصه وكلت ؛ ضل يمي حباب ):
- ما أطول عليج ساعه ساعتين وراجعلج بنيتي انتي .
: اوك ديربالك ع نفسك ولا تتأخر هواي .
-انشالله ويله روحي إرتاحي يبعد عيوني الاثنين ..
-ابتسمت وبادلني الابتسامه وطلع واني رجعت تمددت احاول انام ،.
شوي واندك الباب دخلت حنين بيدهه صينيه ريوك دخلت وكالت : صبااحوو .
:صباح الخير هلا نورتي .
-حنين : بنورج قلبي شنو سلامتج انمار كال مريضه ؟
: عمري الله يسلمج بس شويه تعبانه لا تخلين بالج .
- ياا سلامتج ما تشوفين شر ان شاءالله .
: عمريي .
- يله عيني كعدي حتى تاكلين انمار وصاني تاكلين هاي الصينيه كُلهه .
- هههه حبيبتي شكراً
-تدللين ام الزوز .
كعدت يمي وتريكنه سوه ضلينه نسولف ونضحك جبرت نفسي اكل وبالأصح حنين جبرتني ضلت تسويلي لفات صغار وتنطيني وإذا ارفض تهددني بأنمار :)

-حنين : يله قلبي اني نازله بس تحتاجين شي صيحيلي .
-تمام عمري أُخذي راحتج .
نزلت حنين ضليت وحدي بالغرفه فتحت تلفوني ضليت اتصفح بي واني متممده لحد ما غفيت ...
.
.
.
.
.
نرجع للماضي وي انمار ...
-انمار : نازل واجب جنه كاعدين انه وجماعتي ،
بين سوالف وضحك وبين تعب وهلاك نفسي وجسدي كملت شغلي ورحت ارتاح شوي ،.
بعدني ما غافي ودك تلفوني جانت ساره متصله فتحته بسرعه خاف اكو شي مهم ، سلمت عليه وكالت ..
-ساره : انمار اريد اكولك شي بس لا تعصب اني ماإلي دخل .
-انمار : كولي شصاير ؟
= اني مساع رحت للمطبخ وشفت زهراء واكفه بباب الشارع صار عندي فضول طلعت وجانت مبينه تحجي وي شخص سمعته يكول ( احبج وما اتخلى عنج ) ومن هذا الحجي ،
-طكن عروكي وعقل ماضل عندي ،
كلت : انتي شنو جاي تحجين ساره تعرفين شجاي تحجين متأكده من كلامج لو لأ وسمعتي اسم او اي دليل حتى اعرف اتصرف .
=لا تعصب بس اهدئ خلي احجي
-شنو اهدئ فضيهه يله احجيي
= شوف اني ما متأكده بس يمكن اسمه ثامر مدري ثائر هيج شي ..
- ضغطي عَلك أخذت نفس وكلت : انتي سدي الموضوع وأنسي ، وأصلاً لا تدخلين نفسج بأي شي انه اتصرف خوش حجي ؟
= خوش بس ديربالك ع نفسك مع السلامه .
:- سديت الخط وركعت التلفون اعصابي تلفت وضلت سالفه تجيبني وسالفه توديني ساعه اكول لا زهراء خوش بنيه ما تسوي هيج شي ،
وساعه اكول لا انه بعدني ما اعرفهه وما عندي ثقه كامله بيهه ، عِلكت جكاره وضليت صافن افكر بالي جاي يصير .

مَرن اسبوعين بين يوم ويوم اتصل عالبيت اتطمن عليهم وأسده لو حنين تتصل وتكول زهراء تريد تحجي وياك وأتذكر الموضوع وأسده بحجة عندي شغل لو مشغول ،
طول الأسبوعين زهراء كل يوم تتصل وغير الرسائل بس ما جاوبت ،
خلص الواجب مالتي وصار لازم ارجع لأهلي ، نزلت من الواجب ووصلت للبيت تقريباً ٦ الصبح البيت هدوء
كلهم نايمين دخلت لغرفتي شفت زهراء نايمه وشعرهه نازل على وجهه ابتسمت بس اتذكرت استغفرت ودخلت خليت السويج ع الميز واجه صوت زهراء وهيه تكول
: وآخيراً اجيت ..
- اجت وحضنتي حيل شميت عطرهه ردت ابادلهه الحضن بس ما بادلتهه ، وخرت من حضني وباوعتلي بتساؤل بعدهه كالت بعتب : ليش اختفيت حتى ما سئلت او اتصلت علي؟
- جنت مشغول وما كدرت .
= جاوبتني وهيه مبتسمه : يله عادي المهم هسه اجيت الحمدلله على سلامتك .
كلت : الله يسلمج بنيتي ، رجعي نامي بعد وكت .
= اوك تريد شي قبل لا انام .
- بس حضري الحمام .
هزت راسهه وكالت : تدلل وراحت حضرت الحمام ونامت ،.
دخلت للحمام اخذت دوش راح بي تعبي ورحت تمددت يمهه وكلت : تقربي علي ..
تدنت يمي تقربت عليهه جانت لابسه تراك ضيك ونص ردن وشعرهه مفتوح وعطرهه إلي يفوح ماكدرت اصيطر على نفسي حضنتهه وبستهه حيل وضليت اتجرأ حاولت تمنعني ما كدرت ، كالت بصوت عالي : انماار كافيي .
-صوتج ما يعلى علي زهرااء .
شفتهه برطمت والدمعه صارت بعيونهه درت وجهي عنهه ونمت للعصر ،
كعدت وهيه نايمه بحضني ملامحه ناعمه وبريئه طردت الفكره من راسي وكلت اتأكد قبل لا اسوي اي شي ، بستهه بخدهه وضليت اوزع بوسات خفيفه على وجهه وكمت غيرت لبسي وطلعت ..