فَقيدة أنمار

بارت 15

- الضهر جنت كاعد ع المرجوحه اجتي زهراء وبيدهه كوب جاي قدمتلي ياه وكالت وهيه متوتره : انمار اريد احجي وياك بموضوع .
-اي كولي اسمعج
- كعدت يمي وحجتلي كلشي وراوتني رسائل حتى اتأكدلي ابتسمت وأخذت نفس راحه وكبرت ثقتي بيهه ،
كلتله اني ادري بالبدايه ضحكت وما صدكت بس من اتأكدت زعلت وكالت : يعني انته ما عندك ثقه بيه شنو جنت بعينك لعد ؟
-جاوبتهه بس حسيتهه بعدهه ضايجه مني كامت وكالت وهيه تباوع بعيوني : شكد اكرهك .
-ضحكت وكلت : أنه هم .
طنكرت بوجهي ودخلت للبيت ...

مرت ايام بين الشغل واهلي وزهراء إلي صارت جزء مهم بحياتي بيوم جنت نايم كعدت على صوت المنبه طفيته وجانت زهراء بحضني بستهه بخدهه حيل كعدت وهيه مبتسمه كالت : صباح الخير ، جان صوتهه مبين التعب عليه ردت اكوم بس حضنتني ورجعت تريد تنام وتكول وهيه ترجف بردانه مديت ايدي على خدهه وكصتهه جانت حاره نار خفت عليهه كمت واخذت الغطه منهه ما قبلت تكول بردانه ونعسانه بلكوه قنعته وكامت للحمام تاخذ دوش بارد بلكي تخف حرارتهه شوي ،
دخلت وطولت تقريباً ربع ساعه رحت دكيت الباب عليهه اجاني صوته يرجف شوي وطلعت لابسه تراك ضيك وبارز جسمه وشعرهه مبلل ومفتوح وخدودهه صايره حمره رحت يمهه عيونه حمره مبينه جانت تبجي سئلتهه : شبيج شنو اليوجعج ؟
جاوبتني وهيه ترجف وتباوع بعيوني : ما ادري .
راحت كعدت تمشط بلكوه تحرك ايدهه ،
دخلت للحمام اخذت دوش وطلعت لكيتهه مرتبه الغرفه وكاعده يم الميز ولازمه تلفونهه ابتسمت حتى وهيه مريضه تبقى مرتبه ونضيفه رحت يمهه انشف شعري وشفت شعرهه مبلل ما تقبل تنشفه كلتله : انشفلج شعرج ؟ ابتسمت وما رفضت ،
ضليت انشف بشعره خلصت ولزمت شعرهه وتباوعلي بصدمه ، كلت : ها شنو رأيج ؟
ضحكت وكالت : لا اصلاً كلش حلو .
عكدت حاجبي بشقه وكلت : خاف تستهزئين ولج؟
-ابتسمت وكالت : لا بالعكس وين لاكيه واحد ينشفلي شعري .
كعدت ترتب بشعرهه سوته ثنين ضفاير ومنا غرتهه مطلعتهه طفله ، كعدت يمهه ولزمت خدهه وكلت : شوفي بنيتي منا للعصر إذا ما صرتي زينه اخذج للمستشفى .
ما قبلت رفضت وهيه تكول : صرت زينه ما اريد اروح .
ما تحملت حركاتهه وتقربت عليهه وبستهه بين خدهه وركبتهه وخرت منهه ضلت صافنه وعيونهه خدرانه ضحكت عليهه وكلت : واضح انتي كلش زينه .
فزت وكامت من يمي تريد ننزل ما قبلت كلتله تنام وترتاح ضلت لازمه قميصي ما تقبل اطلع طمنتهه وكلت : ما أطول ساعه ساعتين وراجع .
ابتسمتلهه راحت نامت وطلعت ،..

نزلت صبحت على الشيخ والحجيه ورحت للمطبخ لكيت حنين كاعده كرصتهه بخدهه وكلت : صباح الكيك .
ضحكت وكالت : هلا بأخوي الزود ، جا وين زهراء اليوم ما نزلت .
-انمار : زهراء اليوم مريضه وانه اجيت حتى اكلج سوي صينيه ريوك وصعدي يمهه تريكن سوه .
-حنين : ياا خطيه شبيهه هسه اصعد اشوفه .
-انمار : مصخنه ومتأذيه ما أوصيج جبريهه تاكل حتى تشرب دوه يله انه طالع ديربالج عليهه .
-حنين : صار تدلل روح ولا تخلي بالك اني يمهه .