ထို့ကြောင့် ကြည့်ပြောစရာစာရွက် မလိုအပ်ခဲ့ဘဲ စီမံချက်အကြောင်း အပြည့်အစုံကို ဟန်ကျိုးလီအား တစ်ခုမကျန် စီစဥ်တကျ ရှင်းပြနိုင်ခဲ့သည်။
သူမပြောတာတွေကနေ ဘယ်လောက်အားစိုက်ကြိုးစားထားကြောင်းကို ဟန်ကျိုးလီ သိနိုင်၏။
" မဆိုးပါဘူး၊ ကိုယ်လည်း ပထမအစီအစဥ်ကို သဘောကျတယ် "
ဟန်ကျိုးလီက ခေါင်းညိတ်ပြီး လုမန်ကို ကြည့်လိုက်သည်။ သူ့မျက်ဝန်းထဲမှာလည်း လေးစားသဘောကျခြင်းတွေပဲ တိုးတိုးလာခဲ့၏။
သူ့အကူအညီမပါလျှင်တောင် လုမန်က ကိုယ့်အရည်အချင်းနှင့်ကိုယ် ဟန်ကော်ပိုရှေးရှင်းကို ဝင်ရောက်နိုင်မှာပဲဖြစ်သည်။
ဒါ သူသဘောကျရတဲ့ မိန်းကလေး..
ဟန်ကျိုးလီ ကျန့်ထျန်းမင်ကို လှမ်းခေါ်လိုက်ပြီး
" တုလင်းဆီ ဖုန်းဆက်လိုက်ပါ "
ဟု ပြောကာ လုမန်ဘက်ကို ပြန်လှည့်၍..
" တုလင်းကို ပြောပြလို့ ဖြစ်တယ်မို့လား "
" ဟုတ်ကဲ့ ကိစ္စမရှိပါဘူး "
" မင်း ခုနကပြောသလိုမျိုး အသေးစိတ်ရှင်းပြဖို့မလိုဘူး၊ ပလန်နှစ်ခုက ဦးတည်ချက္မတူညီတဲ့အတွက် လိုရင်းကိုပဲ သူနားလည်အောင် ပြော "
တုလင်းမှာလည်း ဒီကို လာပြီးတော့ နားထောင်ရလောက်အောင် အချိန်ရှိမှာမဟုတ်ပေ။
" ပြီးတော့မှ သူ ဘယ်တစ်ခုကို ဖြစ်ချင်သလဲ မေးကြည့်ပါ "
ဖုန်းဝင်သွားပြီး သိပ်မကြာသည့်အချိန်မှာပဲ တုလင်းသည် ဖုန်းကိုင်၏။
နောက်တော့ လုမန်က အစီအစဥ်နဲ့ပတ်သက်ပြီး အကျဥ်းချုံ့ရှင်းပြလိုက်ကာ တုလင်းကလည်း ပထမအစီအစဥ်ကို ရွေးချယ်ခဲ့လေသည်။
" အခု မင်း ပြန်သွားပြီးတော့ အစီအစဥ်ကို အသေးစိတ်ချလို့ရပြီ၊ အခုကစပြီး တုလင်းရဲ့မန်နေဂျာ ကူချင်းဖန်နဲ့ တိုက်ရိုက်ဆက်သွယ်ပါ "
ဒီကိစ္စကို ကိုယ်တိုင်လုပ်ဆောင်ဖို့ တာဝန်ပေးခံရလိမ့်မည်ဟု မထင်ထားခဲ့ခြင်းတွင် ကြောက်စိတ်တော့နည်းနည်းမှမဖြစ်ပေ။ သူမအတွက်တော့ ဒါသည် စိန်ခေါ်မှုတစ်ရပ်သာဖြစ်ပြီး တွေးကြည့်လိုက်ရင် ပိုပြီးတော့တောင် စိတ်လှုပ်ရှားရသည်။
YOU ARE READING
ထိုမှစခဲ့သော အချစ်များစွာသည်
RomanceTranslation of ❛ The Long-awaited Mr. Han『韩先生，情谋已久』❜ written by the author As If Dawn『恍若晨曦』. Story Cover is not mine. Full Credit to relevant Owners. " ခေါ်ထားပါနော် ဘာမဆိုလုပ်ပေးပါ့မယ် " သူမ၏ယခင်ဘဝမှာ သစ္စာဖောက်ကောင်နှင့် ညီမဖြစ်သူ၏ မတရားအမှုဆင်မှ...
