لعنة حبي الكاذب

البارت الحادي عشر

السلام عليكم
نور ال زياده

فيان : خوفه صارت بداخلي كلت اكيد وصل خبر على امير

اطرافي ثلجت من الخوف والتوتر

اريد انزل واشوف شنو الي صاير ماعرفت حيلي كله
صار يرجف صار هدوء ماسمعت صوت احد بعد

كمت من مكاني ورجع عندي الالم من جديد ،،صارت
مثل السكاكين تقطع بضهري من الاسفل واحس قدمي متشيلني بس قويت نفسي ونزلت

كل ماانزل درجه الالم يتضاعف اكثر شفت بنات اوس صحت هاجر الكبيره

اجتي ساعدتني انزل

كعدت شويه وبدى الالم يروح ارتاحيت

سالتها

اكلج شنو الي صاير سمعت صوت عياط وهوسه ؟

هاجر :عمه بيبي تخربطت وجسمها تجمد متكدر تتحرك وصارت متكدر تتنفس

وبابا وماما وعماتي اخذوها للمستشفى

فيان :يعني هسه ماكو احد بس احنا وخواتج بالبيت ؟

هاجر :اي

عمه بابا وصانا عليج قبل ليروح وكال ابقوا يمها لان تعبانه ،تريدين اكل اكيد جوعانه ؟

فيان :لا حبيبتي تسلمين ،،،فدوه لكلبج انتي وابوج شكد حنينين ...

هاجر :وانتي هم حبابه ،،،عمه لتزعلين من امي ترا هيه تحبج بس ضاجت منج لان راح تجيبين ولد
واحنا ماعدنا اخو والا هيه تحبج

فيان :لاحبيبتي ماازعل منها واحبها لامج وان شاء الله ،،الله يرزقكم باخو وتفرحون بي

هاجر :بس بابا ميريد بعد اطفال هو لمى وجنى مرادهن وكلها نزلي الطفل بس امي تمسكت بيهن
واجني تدرين هنه توام ،،

بابا ميحبنا ولايريدنا

فيان :ابوج اكيد يحبكم بس يجوز ميعرف يعبر عن مشاعره ....

صدكيني ماكو اب ميحب اطفاله !

هاجر :لاعمه اكو ،،بابا ميحبنا ،،ولايحب امي،، لان جدو الله يرحمه جبره يتزوجها هسه مو عمو امير ويا

صح بعده مااجه  الطفل ،،بس من هسه متعلق بي
ويداريج ويخاف عليج

ومنتضر ابنه ويوميه يجيب ...

غراض وملابس اله وهو بعده ماجاي للدنيا

فيان :يعني ابوج قابل ميشتريلكم ولايصرف عليكم ؟

هاجر :لا يشتريلنا ويصرف علينا بس ينطي اللفلوس لامي وهي تشتريلنا

فيان :يعني منقص عليكم شي ؟

هاجر :لا بس ميدخل للغرفه ويكعد يمنه ويسولف ويانا ويحسسنا بحبه !

فيان :بس اني اشوفه دائما هنا كدامنا يعاملكم زين
ومامقصر وياكم ولايوم شفته مد ايده عليكم