السلام عليكم
نور ال زياده
~~~~~~~~~~~~
فيان :ضلينه مصدومين من كلامه
يسار :دتسمعوني موو ؟
اني موقصدي اخرب عرسكم وفرحتكم بس هل شي لضمان سلامتكم
من غير ضجه وشوشره لتحسسون احد خلي نتوجه لبيتكم
حازم :انته تكول نحميكم منو بالضبط انته جاي بسياره مدنيه ووحدك ؟
يسار :حتى لا الفت الانتباه واخرب العرس اجيت بيها ودتشوف هذيج السيارات كلها ويايا بس مدني حتى لنحسس احد سوينا هيج منريد الناس تشتل علينه
خليكم طبيعين وعوفوها علينه راح نمشي كدامكم ووراكم وانتو غيرو طريقكم للبيت
حازم :تمام بس من نوصل تفهمنا
يسار :من نوصل وتنصرف الناس نحجي بالموضوع
فيان :جسمي لاارادي صار يرجف والدمعه وكفت بطرف عيني حتى باسعد يوم بعمري هم لازم تصيرلي سالفه تنغصه
مسك ايدي حازم انداريت اله
حازم :لتشيلين هم حبيبتي ان شاء الله خير بس لتتوترين وخلي ثقتج برب العالمين
فيان :ااامنت بالله،،،، بس خايفه
حازم :لتخافين ان شاء الله يعدي هل يوم على خير
فيان :اجوي ولد عمه وسالوا شكو ....ابتسم بوجهم وكلهم ...
حازم :ماكو شي بس السياره مو زينه وراح اتوجه للبيت
خالد :نبدل السياره اذا تريد
حازم :لابعد متسوى هاي السياره بيها زينه العرس
صادق :عريسنا كول مستعجل وتريد نزفك شنو هل الافلام ؟
حازم :امشي لك،،، منو خبصنه بعرسه ماريد العشا زفوني انته لوغيرك ؟هسه جاي فاتح حلكك عليه
انته شهر تاخر عرسك كعدت تسب بالموتى صارلي ١٠ سنوات انتضرها عوفوني بحالي
فيان :ياطلابة ال ١٠سنوات
حازم :،ها فيان بدينا ؟؟حقج قابل انتي الي صبرتي عليه
فاروق :امشوا يمعودين راح تبدي نكرتهم ويتعاركون والله مااعرف هذوله شلون واحد حب الثاني وهمه عبالك رويسيه
فيان :راحوا كلمن الى سيارته وتوجهت الزفه للبيت دخلنا ذبحوا بالعتبه ودخلوني فتنه وبعدنا دخلت كل الهوسه
وحتى تكمل المغثه اول مادخلت وكعدت شفت تمارا وانتصار وزينب باركلي بحقد وزينب ماقصرت ذبت سمها
زينب :مبروك عليج ولو متستاهلين حازم بس يله فتره ويمل ويرجع يعوفج
فيان :انغثيت بس جاوبتها باستفزاز وابتسامه
YOU ARE READING
لعنة حبي الكاذب
Romanceشكيت بيك من يوم الي شفت الدم بقميصك بس كلت لا مومعقوله .... كنت متصوره امير لعنتي ،،طلعت انته لعنتي الحقيقيه ،،تصورتك ملاك ،طلعت شيطان . . حبيتج الى درجه اذا حبي تحول الى مطر يغرك الكون كله . . هل سمعتم يوما باللعنه ؟ وهل ممكن ان يصاب بها الانسان...
