لعنة حبي الكاذب

البارت الثالث

السلام عليكم
لعنة  حبي الكاذب
نور ال زياده

الي فوك بالصوره اشباه فيان وامير

فيان : فتحت عيني واحس نفسي تعبانه ودايخه اباوع اني وين نايمه على سرير وايدي ملفوفه ومعلكيلي مغذي

استغربت من مكاني !

الممرضه : الحمد الله على السلامه اروح اصيح الطبيب واجي

فيان : من الدوخه ما اكدر افتح عيني،، واعيه عليهم بس تعبانه سمعت صوت طبيب اجى

الطبيب: الحمد الله على السلامه شلون صرتي ؟

فيان : ما اكدر ارد رجعت نمت او اغمى عليه مااعرف

ضليت يومين اسمع اصوات اهلي والاطباء بس افتح واغمض عيني

ما اعرف شنو بيه واصلا مامتقبله اي احد احس كلهم كرهتهم

ثالث يوم فتحت عيني دنيا صبح وامي نايمه يمي على القنفه

احس نفسي احسن وبديت استوعب اللي صار

ام وسام : فيان يمه الحمدا لله على سلامتج شلون صرتي وشدتحسين ؟

فيان :بتعب )زينه ،،احسن ،شنو صار ؟

ام وسام : يمه بنيتي كان رحتي مني الله لطف بحالنا
صار حادث دعمتج سياره بس الولد ابن حلال نقلج للمستشفى والحمد لله الله لطف

فيان :شبيها رجلي ؟

ام وسام : انكسرت وايدج انجرحت وخيطوها وبراسج هم جرح بس لتخافين تصيرين زينه كال الطبيب

فيان : اريد اطلع اختنكت من المستشفى

ام وسام : يجي الطبيب وهو يسجلج خروج

فيان : يله صيحي

ام وسام : مو هنا الطبيب من يرجع

فيان : واني اكعد انتضر حتى يرجع اريد اطلع هسه بعد ما اتحمل لو ماصدكتوا تخلصون مني

ام وسام : لا يمه لتكولين هيج اصلا تخبلنه من سمعنه بيج

حتى ابوج تخربط وضل يلوم بروحه بس كلناله قدر وصار

فيان : ياقدر، ياقدر، فهموني من وراكم لاتعشيت ولاتريكت

ولااخذت مصروفي ومن مغثة اللي صار دخت وصرت مااشوف كدامي

ا تخربطت ماشفت الشارع ولا السياره كله بسببكم

ام وسام : لايمه لتكولين هيج احنا نحبج ونريد مصلحتج

فيان : يامصلحه هاي؟ وانتو تريدون تذبوني بالنار

تريدون تخلصون مني وتنطوني لهذا التافه علاء

ياريت لوميته احسن الي ياريت حتى اخلص وانتو هم تخلصون ( نزلت دموعي من قهري اهلي حنينين عليه ودللوني بس هسه يريدون يدمرون حياتي )