لعنة حبي الكاذب

البارت الثاني عشر

السلام عليكم

نور ال زياده

فيان :فتحت عيني وانصدمت من شفت اميركدامي !!

يباوع عليه ويبتسم بس انتبهت ...

راسه ملفوف ووجها مجرح ومزرق  وايده ملفوفه
شهكت من شفته وهو بسرعه حضني بقوه

امير :حبيبتي الحمد الله على السلامه ياعمري شلونج
شلون صرتي ؟

فيان :اني زينه،، انته الي شلونك وين كنت كل هل وقت شنو الي صار وياك ،،خوفتنا عليك؟

امير : اني زين بعدين اسولفلج كل شي بس وين ابني

فيان :مااعرف يمكن يم شيماء لان هي مبتلشه بي

امير :ياعمري شلونه صحته زينه ؟

فيان :اي كلش زين لتخاف علي هاي اجى

شيماء :اموري حبيبي الحمد الله على السلامه نورت بيتك

امير :الله يسلمج ياخالتي الصاكه البيت منور بيج

شيماء : الحمد الله على سلامتك متشوف شر موتتنه خوف عليك وبالخير ماجاك ويتربى بعزك ودلالك

امير :اشكرج والله يسلمج ياطيبه

شيماء : لك علاوي اجى بابا ولك افتح عيونك وشوفه ياوجه الخير اجيت وجبت ابوك وياك

امير :علاويييي؟

فيان :اي سميته علي

امير :خير مااختاريتي والله تمنيت هل الاسم (عيونه دمعت من شافه )وكال

شيماء جيبي خلي اشوفه

شيماء :لا مو هسه روح غسل وبدل واكل واخذه
انته هسه تعبان

امير :ياتعبان كل تعبي راح من سمعت بابني اجى للدنيا ممصدك

سمعت بكل الي صار حجالي اوس وفضلج انتي وحازم مراح انسى طول عمري

شيماء :الفضل لرب العالمين واحنا هذا واجبنا قابل غربه احنا...

وبعدين انته ومرتك متلاحضون هواي تصرفون تشكرات

فيان :ههههه ولاتجوزين

امير :فدوه بس خلي بحضني خلي اشوفه مو روحي راحت علي اريد بس اشمه واملي عيوني منه خفت لااموت قبل مااشوفه

شيماء :اسم الله عمرك طويل وتزوجه وتشوف اطفاله هم ...

شوفه عيونه رمادي مثل لون عيونك...

فيان :خلته بحضنه وامير ممصدك صار عنده طفل
ميريد يفارقه نهائيا

صارت الناس تجي تباركلنا على سلامة امير وعلى
ولادتي كانت ايام حلوه رغم صعوبتها ووضع العراق
المزري

اما امير اخذ اجازه طويله بسبب الاصابه

والي صدمني هو كان مخطوف لا قصف مقر ولاشي