السلام عليكم
نور ال زياده
~~~~~~~~~~~
نرجس :لشوكت راح تضلين على هاي كعدتج كومي تعشي من اجينا لسه وانتي سارحه بغير عالم
الي ردتي نفذتي وتركتي بيتهم شكو بعد شايله هموم الدنيا فوك راسج
فيان :ما اريد موو جوعانه
نرجس :وتضلين بلا اكل ؟ ياعيني هذا قضاء الله وقدره الله ماكاتبلج واطفالج طيور جنه الله يعوضج بغيرهم ان شاء الله
فيان :من وين يعوضني مين اني حياتي اتدمرت خسرت كل شي حياتي انتهت
نرجس :كولي ياالله وحازم وين راح ترا حازم كلش يحبج ومستعد كل شي يسوي حتى يسعدج كملي حياتج ويا وكوني عائله جديده
فيان :واني مااريده ولااريد اي شي واذا وجودي هنا مضوجج اتحمليني هل يومين لحد ماارتب وضعي واطلع ماكو داعي تدفعيني على حازم وغيره
نرجس :الله يسامحج ليش هيج تكولين ؟
انتي اختي وما الي غيرج ولاانتي الج غيري
اصلا وجودج ويايا بالبيت مونسني ومخفف عني الوحشه
مره ثانيه اذا كلتي هل كلام صدك ازعل عليج وانسي عندج بعد اخت
صدكيني كل كلامي غايتي منه مصلحتج واذا هل شي يضوجج مااحجي ولاكلمه بعد
فيان :اعذريني يمكن تجاوزت حدودي بس صدكيني اعصابي تعبانه ومامتحمله اي ضغط
نرجس :حقج حبيبتي والله يلوم الي يلومج الي مريتي بي موسهل صدكيني كلنا حاسين بيج بس ماكو شي بئيدنا قدر ومفروض علينا
شنو رئيج نروح لكركوك نغير جو بلكي ترتاحين من تتغير نفسيتج؟
فيان :عود ليش لكركوك بالتحديد؟
نرجس :يم بيت جدي
فيان :وشذكرج بيهم ؟
نرجس :ها موانتي متدرين صدك....
بوقتها من ردنا نرجع نتواصل وياج ونرجع العلاقه وامير رفض
ابويه انقهر وامي تعاركت ويا وضلت تلومه وحتى كلتله بسببك افترقت عن اهلي وهسه بسببك خسرت بنتي بوقتها ابويه انبه ضميره وحس شلون شعور الاهل من يبتعدون عن بناتهم وقرر يرجع العلاقه بينا
اخذنا ورحنا لكركوك وتصالحنا احنا وبيت جدي ورجعت العلاقه وضلينا على تواصل دائم بينا وبينهم
فيان :بسبب عقليته المتزمته والمتسلطه خسرنا هوايه بحياتنا لوما الي سوا وطردنا وخلى امير يستفرد بيه كان رجعت من زمان قبل لا يصير عندي اطفال وقبل لايتزوج.عليه ويخوني ويدمر حياتي وقبل لااخسر ولدي وقبل لااخسر حب حياتي وقبل لاتدمر احلامي وحياتي وكل جزء بيه قبل لااتحول الى حطام
CZYTASZ
لعنة حبي الكاذب
Romansشكيت بيك من يوم الي شفت الدم بقميصك بس كلت لا مومعقوله .... كنت متصوره امير لعنتي ،،طلعت انته لعنتي الحقيقيه ،،تصورتك ملاك ،طلعت شيطان . . حبيتج الى درجه اذا حبي تحول الى مطر يغرك الكون كله . . هل سمعتم يوما باللعنه ؟ وهل ممكن ان يصاب بها الانسان...
