لعنة حبي الكاذب

البارت الخامس والعشرين

السلام عليكم

نور ال زياده

فيان :قررت اوافق على اوس

-كام وكف بعصبيه وكال....

حازم :شنووو ؟!!!

انتي شنو تحجين لا الضاهر تخبلتي رسمي كل عقلج؟

فيان :ماكو غير حل

حازم :لا هذا موحل هذا انتحار

وانتي تعرفين اوس ميفرق عن اخو شي

فيان :يمكن ميفرق ويمكن احسن

مومهم اصلا اني كل حياتي انتهت من يوم الي قرر والدي يزوجني غصب ويجبرني اترك دراستي

حازم :شنو هل الياس

فيان :لان ماكو حل ومااكدر اترك ابني

حازم :صدكيني حتى اذا اخذه فتره ويمل من يشوفج ماتراجعتي عن قرارج

وبالنهايه هو بنفسه يرجعه الج

فيان :انته لوسامع كلامه بالمحكمه كان عرفت اوس ميمل

لان اوس يحبني وحتى مهووس بيه تعرف شنو مهووس

يعني مراح يتنازل نهائيا

حازم :مو بكيفه

كمت من مكاني وكلت...

فيان :بكيفه موبكيفه لعبها صح

خلص ربح واني خسرت والكلام بعد ميفيد

حازم :وين رايحه ؟

فيان :اني تعبانه محتاجه ارتاح ،،،،،

تدري اكبر امنيه الي بحياتي هسه شنو

حازم :شنو؟

فيان :اتمنى اموت

اتمنى هسه تطلع روحي واخلص من هل الدنيا الي ماشفت منها شي

من رخصتك دكتور واتمنى تسامحني لان تجاوزت حدودي

طلعت واسمع صوته يصيحني بس مشيت بيئاس واحباط

احس امشي واني بغير عالم رحت للقاعه وكعدت انتضر نهايتي

سالتني فاطمه ماكدرت اجاوبها

خلص الدوام ورجعت للبيت بس اني منتهيه امشي جسد بلا روح

اتصلت عليه امي رغم تعبي فرحت من سمعت صوتها

(طبعا هي تتصل بيه من غير ميعرفون اخوتي )

نمت وماحسيت نهائيا ....

صرت  اسمع اصوات يمي بس مااكدر ارد

واحس جسمي ثكيل ومكسر افتح عيني اشوف وارجع اغمضها

مر وقت مااعرف شكد وبديت اصحى

سمعت صوت نرجس وشيماء وحازم يتكلمون

حازم :اذا ضلت هيج انقلها للمستشفى لان وضعها ماعاجبني نهائيا