لعنة حبي الكاذب

البارت الخامس عشر

السلام عليكم
نور ال زياده

كنت دائما اسمع بالخساره والكسران الى ان عرفتهم

كل الخسارات تحتمل ...

الا خسارة جزء منا من روحنا

فلذة كبدنا لايمكن احتماله ،،،

هنا عرفت معنى الانكسار الحقيقي وان كل مامررت به في حياتي كان لاشيء امامه ...

فيان:الي شفته اكبر من طاقتي علي ممدد على الارض ووجها ورقبته كلها دم رقبته منحوره ومغمض عيونه الحلوه

ماكو شي بالحياة ممكن اوصف بي هذه اللحضه
وماكو مشاعر تعبر عنها..

الشي الوحيد الي كدرت اسوي من حركت كلبي وروحي المشتعله هو الصراخ

حسيت شخص بضهري واكف سد عيوني بيده وبالثانيه حضن جسمي وشالني

صرت ادفع واحاول افلت نفسي بس بدون فايده
الى ان طلعني للكراج نزلني

انداريت شفته حازم من حركت كلبي بقبضة ايدي صرت اضربه على صدره وهو يحاول يهدئني

الى ان تعبت وحسيت قدمي بعد متشيلتي كعدت على الارض منهاره كل هل الشي ولادمعه نزلت مني
بس نار وشابه بداخلي

ثنى نفسه وكمبص كدامي وباوع عليه بحزن وعطف
وكلي

حازم :اهدئي ،اهدئي ولج راح تموتين فكري بابنج

فيان :بصراخ)عن ياابن تحجي ياهو ابني ولك ابني وجها مليان دم عوفني خليني اشوفه اخاف بي شي
يمكن متعور وخر خلي الحك علي قبل ليموت والله اموت ورا اذا صار بي شي

تنهد بحسره وقهر وكلي

حازم :كولي ياالله يابنت الناس ادري صعبه والله ادري بس انتي مؤمنه وهذا قضاء الله وقدره وكلنا على هل الطريق

فيان :متحملت كلامه خليت ايدي على اذني اسدها حتى لااسمعه

وكتله

اسكت ،اسكت ،..

مااريد اسمع ..

ابني عايش مامات..

افتهم مامات ..

بعده صغير ماشاف شي بحياته...

بعده ماداوم مدرسه ولاجابلي شهادته...

ولكم ياناس بعدني ما فرحت بتخرجه...

ولازوجته بعد كلشي ماعشت ويا..

كلشي ،،ممعقوله ميعوفني هو متعلق بيه ميعوفني

باوعلي وهز راسه متاسف على وضعي وكال

حازم :يابنت الناس اهدئي راح يوكف كلبج راح تموتين  ...

موهين الي دتعيشي  والله اعرف بس احمد محتاجج

فيان :هنا بديت استوعب الي صار باوعت عليه

وكتله

يعني شنو هاهيه؟ ابني راح؟!