السلام عليكم
نور ال زياده
فيان :سمعت صوت اوس ورايا وتوقفت من كال
اوس :اني اسف
فيان :انداريت علي واني معصبه وكلت
--على شنو اسف؟
على تجاوزك عليه واتهامك الي....
لو على التقليل من شئني من تكلي ماعندج اهل ؟
اوس :اسف على كل شي،،، بلحضة غضب اتجاوزت حدودي واني اعترف بهل شي
فيان :شكد سهله تكسرون كلب وخاطر شخص
والاسهل منها تتاسفون ....
وتتوقعون هل كلمه تمسح كل الجروح وتنسي الالم الي يحس بي الشخص من تجرحوا
اوس :اعرف هل كلمه متمسح كلامي بس على الاقل تفهمج اني نادم
فيان :ماكو فائده بعد للندم تدري ليش
اوس :ليش؟
فيان :لان توقعت الكل يسمعني هل الكلام وماتوقعته منك وصدمتي بيك اكبر من انو انساها ابو هاجر
من رخصتك ...
عفته ومشيت واني اجر بحمودي الي من شاف عمه يريد يروح ويا لان متعلم دائما ياخذه يشتريله
رحت للماركت اشتريت الاغراض الي محتاجتها
ومن طلعت صار بوجهي نفس الشخص الي دائما يعاكسني...
باوعت علي بغضب وطلعت ومع ذلك مابطل الى ان تدخل شخص عنده محل ملابس اطفال مرات اشتري منه لحمودي
رزله رزاله ناشفه وهذاك مارضى وكله انته شعليك وتالي فر ايده وراح اتشكرت منه بس انتبهت نضراته غريبه عفته ورجعت للبيت
ورا كم يوم اتصل عليه اوس مارديت...
كرر مره ثانيه هم مارديت ...
ورا دقائق سمعت صوت الباب ينطرق بقوه
كلت منوو؟
اجاني صوت اوس بس بغضب
فتحت الباب بدون سلام
اوس :انتي ليش متردين عليه ؟
فيان :نعم ابو هاجر خير صاير شي ؟
اوس :انتي الي خير شبيج؟
شنو الي غيرج؟
غلطت واعتذرت ،،وانتي بعدج مثكله عليه شدعوه
ادري شنو الانسان ميغلط؟
نمسح كل الزين مالته علمود تصرف واحد بدر مني بلحضة غضب
فيان :اني ماناسيه افعالك الزينه ويايه....
بس انته نسيت اخلاق الانسانه الي عاشت وياكم سنين ...
واعتبرتني حالي حال بنات الشوارع بلا اخلاق وادور سوالف ويا الزلم واني ارمله ..
اوس :اني موخوش ادمي موزين تعالي فسريلي شنو سالفة هذا ابو محل الملابس ليش سائل عليج ويدور وراج وكايل يريد يتقدملج
YOU ARE READING
لعنة حبي الكاذب
Romanceشكيت بيك من يوم الي شفت الدم بقميصك بس كلت لا مومعقوله .... كنت متصوره امير لعنتي ،،طلعت انته لعنتي الحقيقيه ،،تصورتك ملاك ،طلعت شيطان . . حبيتج الى درجه اذا حبي تحول الى مطر يغرك الكون كله . . هل سمعتم يوما باللعنه ؟ وهل ممكن ان يصاب بها الانسان...
