لعنة حبي الكاذب

البارت الثالث والعشرين

السلام عليكم

نور ال زياده

حازم :شوفي فيان المفروض تاخذين كلام اوس على محمل الجد

فيان :انته موكلت علي جبان؟

حازم :هو هذا الي بالضبط خايف منه

الشخص الجبان ميواجه وانما يغدر ويطعن بالضهر

واضن جربتي هل شي منهم

فيان :اي حسبي الله عليهم

حازم :الكلام بعد ميفيد الي صار ،صار

والماضي راح والي مات ميرجع

وانتي هسه المفروض تصيرين اقوى وتحاربين حتى تعيشين الحياة الي تستحقيها

فيان :هاي شنو الدكتور حازم يشوفني استحق حياة زينه؟

لاوتكلي مصخنه ....

بديت اشك انته الي بيك شي مدااعرفك نهائيا

حازم :ههه بعدين نتجاذل ونتراشق الكلام بينا

خلي هسه اوضحلج الامر الي دااحجي بي

فيان :اسفه قاطعتك كمل..

حازم :الشخص الجبان يغدر بالضهر

ولهذا اوس من كلج حضري نفسج راح اخذ ابنج معناها فعلا راح ياخذه

فيان :شنووو ؟!لامستحيل!!

حازم :هو ميكدر لان الحضانه الج وانتي اولى

لكن في حال كدر يثبت انتي غير مؤهله لتربيته يكدر ياخذه

فيان :يعني شلون ؟

حازم :يعني اذا اثبت انتي متكدرين تصرفين علي ماديا ولا تقدميله مكان مناسب للسكن وهوايه اسباب

بهيج حاله يكدر ياخذه منج

فيان :بس اني ماكاعده بالشارع وكنت اشتغل ومامقصره على ابني بشي

حازم :هذا الكلام ميقنع المحكمه في حال شكك بوضع المعيشه الي موفرته اله

فيان :زين ليش نسبق الاحداث مااتوقع اوس بهل النذاله

وخصوصا هو هم عنده مواقف زينه ويايا ماانساها يجوز مجرد كلام وخلص

حازم :لو كلام ماكان خلوهم يرفضوج من عملج

فيان :شنووو؟!!

حازم :مع الاسف شكيت وتابعت الموضوع واكتشفت هو ورا هل شي

حتى تئيسين من الحياة وترجعين توافقين على شروطه

وهسه اذا راد يرفع قضيه هم ماعندج عمل تصرفين منه على ابنج

وهل شي موبصالحج

فيان :لا يالله شنو هل البشر واني اكول علي زين شسوي هسه ؟

حازم :ازيدج من الشعر بيت

اذا المحكمه عرفوا كعدتج ويا ناس غربه بهل طريقه هم هل شي ضدج