لعنة حبي الكاذب

البارت الاول

السلام عليكم
لعنة حبي الكاذب
نور ال زياده

اسمي فيان راح اروي عليكم قصتي اللي بدت من كان عمري 15 سنه

تبدا قصتي بزمن نضام صدام قبل السقوط

اني طالبه اعداديه تسجلت مدرسه قبل اواني لان نولدت بشهر ال 12

من سكنة بغداد ابا عن جد امي تركمانية الاصل
ووالدي بغدادي ترجع جذوره لمحافضة ديالى

تربيت بدلال من كنت صغيره لان اني اصغر وحده بالعائله

عندي اخوان 2 واخوات 2 كلهم اكبر مني احنا من عائله حالتها الماديه متوسطه بس تعتبر ميسوره نوعا ما وضعنا تمام الى ان

صار تغير العمله على اثرها والدي خسر خساره كبيره وصارت عنده ديون واضطر يبيع كل شي

مابقى بس البيت اللي ساكنين بي على اثرها والدي تمرض وحياتنا تخربطت صار كل شي علينه حسره

احنا ترتيبنا اكبر اخ وسام عمره كان 25 سنه

وبعده رنا عمرها 23 سنه

وبعدها نرجس عمرها 21

وبعدها ميثم عمره 19 سنه

واني اخرهم

من بعد اللي صار اخواتي انخطبن وحده لابن عمي

والثانيه لابن عمتي وكان الاتفاق ابن عمي ياخذ رنا
واخته وفاء ياخذها وسام

ماكنا مقتنعين بالاتفاق بس خواتي ميعارضن والدي

وامي هادئه وفقيره من اهل الله ماالها كلمه

اني مااقتنعت بهل شي بس اذا خواتي سكتن ووافقن كلامي مااله لزوم

وفعلا تم الزواج مثل ميكولون كصه بكصه اخذوا رنا وبعدها احنا اخذنا وفاء

وبعد فتره قصيره بيت عمتي اخذوا نرجس لابن عمتي

اني بديت اكبر وخلصت ال 15 سنه ودخلت بال 16 سنه وبدت معالم الجمال والانوثه تبرز عندي وكل اللي يشوفني يستغرب من تغير شكلي وصاروا هوايه يخطبوني

وليش اكذب هل شي خلاني انغر بيت عمي اللي اخذوا رنا ابنهم علاء خلى عينه عليه واجى خطبني بس رفضته

ورا فتره اجى ابن عمي الثاني بهاء وهم رفضته وصارت مشاكل بسبب رفضي لاولاد عمامي

حاولوا اهلي يجبروني بس اني مومثل خواتي متمرده وماارضى بهيج عيشه ومااقبل ينفرض عليه شي

كان طموحي اخلص دراسه على عكس خواتي خلصن سادس اعدادي وكعدن بالبيت

اني اريد ادخل طب لهذا طول الوقت ادرس حتى احقق طموحي

وصراحه عمامي حالتهم تعبانه واختي متبهذله وياهم واني مااريد هل شي خصوصا اني مدلله من كنت صغيره