မြတ်နိုးရပါသော သုံ့ပန်း[ Beloved Captive ]

YOU ARE READING

Action

"ဤသုံ့ပန်းငယ်..ဘယ်လမ်းဝယ် ပွင့်လန်းနိုင်မည်လဲ။" This fiction is my own creation. Places and names are just my imagination. I have no intention of insulting anyone and this articles are not about the Burmese military. Both Unicode and Zawgyi are ava...

#1900s #abuse #bloodlines #cruel #drama #hearttouching #lovelife #ratedspg #sliceoflife #texttospeech

Episode[ 20 ]🧡

Start from the beginning

by Ren_Thaw

အထက်လူကြီးဟု ထင်ရတဲ့ ထိုလူဟာလူသုံးယောက်ကိုထုရိုက်ကာနှိပ်စက်နေလေသည်။

"စောက်လုပ်စောက်ကိုင်မရှိ စောက်စကားများနေတဲ့ ခွေးသားတွေ...
ထစမ်း !!ထွီ ယောကျာ်းတွေဖြစ်ပြီး ပျော့ဖတ်နေလိုက်တာ"

လူတစ်ယောက်နဲ့မတန်လောက်အောင် ရိုက်နှက်နှိပ်စက်နေပြီး ပါးစပ်ကနေလည်း တချက်မပြတ်ဆဲဆိုကာ ကျိန်းမောင်းနေသည်။
လရောင်ကိုတိမ်ဖုံးထားမှုတွေ ပျောက်ကွယ်သွားချိန်မှာ အထက်လူကြီးလို့ထင်ရတဲ့ ထိုလူ့ကိုရှင်းလင်းစွာမြင်လိုက်ရသည်။
ဆံပင်တွေစုစည်းထားပြီး မျက်နှာမှာ အမာရွတ်ကြီးနဲ့ ထူထဲတဲ့မျက်ခုံးတွေနဲ့ သားရဲတစ်ယောက်လိုမျက်လုံးတွေနဲ့ လူတွေကိုအနိုင်ကျင့်နေတဲ့ ထိုလူ။

အားလုံးက ချုံခိုတိုက်ဖို့ ချည်နှောင့်အမိန့်ကိုစောင့်နေရင်းနှင့်ပင်..ချည်နှောင်တစ်ယောက် အမိန့်မရဘဲ မပြောမဆိုနဲ့ တောင်ကုန်းမြင့်ပေါ်က ကျောတိုက်လျှောဆင်းသွားကာ လက်ထဲမှာ လှံစွပ်ကို အဝတ်ပတ်ကိုင်ထားပြီး ထိုလူလေးယောက်အထဲမှ အထက်လူကြီးဟု ထင်ရသောသူကို ခုန်အုပ်ခိုက်..

"ဘာလဲဟ! ကျူးကျော်သူ-"

"သေတော့..ခွေးသူတောင်းစား!!"

ချမ်းမင်းရဲ့ ပထမဆုံးလူထုကြားထဲမှာ အော်ဆဲသံနဲ့တူတူ ထိုသူ့စကားပင်မဆုံးလိုက် လှံစွပ်အသွားကာ လည်ပင်းတစ်လျှောက်ပြေးသွားကာ သွေးများအပြင်ကို ပန်းထွက်လာလေသည်။

တပ်ခွဲတစ်ခုလုံး အုံးအုံးကြွကာ လေးယောက်တစ်ယောက်တိုက်ခိုက်နေတဲ့ ချမ်းမင်းကို ကူဖို့အမိန့်ကိုစောင့်ခိုက်မှာ..
ချည်နှောင်ဟာ အသိစိတ်မကပ် ။

"ဗိုလ်မှူး!! ဗိုလ်မှူး အမိန့်ပေးပါတော့!!!
ဗိုလ်မှူး!!!!"

Aceက ချည်နှောင့်ကို တောက်လျှောက်ခေါ်နေပေမဲ့ သူ့အသံဟာ ချည်နှောင့်ထံတွင် လေပြည်လိုသာ ဖြတ်သွားလေသည်။
ချည်နှောင့်မျက်ဝန်းထဲမှာ ချမ်းမင်းရန်သူကို ခုန်အုပ်လိုက်ချိန်ကစ အမြင်အာရုံတွေဝေဝါးလာပြီး အတိတ်လိုလို အနာဂတ်လိုလို မြင်ကွင်းတစ်ခုက သူ့ကိုစိုးမိုးသွားလေသည်။