Unicode🧡
ကလေးတွေအရှေ့မှာတင် အလောင်းတွေကိုချပြီး မီးရှို့ဖို့ပြင်နေကြပြီ။ပုံပျက်ပန်းပျက် အလောင်းတွေဆိုတာ ဘယ်နှစ်လောင်းမှန်းမသိ။အကုန်လုံးတိတ်ဆိတ်စွာကြည့်နေချိန်တွင်..
"ဗိုလ်မှူးမင်းချည်နှောင်ကြိုး ရှိပါလား"
တပ်တွင်းမှာ စက်ဘီးတစ်စီးနဲ့ သတင်းအသယ်အပို့လုပ်နေရတဲ့ တပ်သားက ချည်နှောင့်အားလာရှာလေသည်။
ထရပ်ကားနားမှာ ရပ်နေတဲ့ချည်နှောင်က..သူဖြစ်ကြောင်းအချက်ပြကာ
"ငါပဲ ဘာကိစ္စရှိလို့လဲ"
"ဗိုလ်မှူးချုပ်က ခေါ်နေပါတယ် အရေးကြီး code redပါတဲ့"
အနီရောင်ကုဒ်အဆင့်တဲ့...
သေချာပြီ ဗိုလ်မှူးတွေ ဗိုလ်မှုးကြီးတွေ ဗိုလ်မှူးချုပ် တွေ စုရုံးကာ အစည်းအဝေး စရတော့မည်။"အေး သွားလိုက်မယ်"
သူ့ရဲ့ တပ်သားအသစ်တွေကို aceထံ လွှဲကာ ပင်မအဆောင်ကို တန်းသွားလိုက်တော့...
ထင်တဲ့အတိုင်း အောက်ထပ်ကခန်းမမှာ လူစံနေပြီ။ယူနီဖောင်းထက်က အပွင့်တွေအထပ်ထပ်နဲ့ လူကြီးများ။ချည်နှောင့်ကိုမြင်တော့ အရင်လူကြီးဖြစ်တဲ့ သူ့အဖေကိုပြေးမြင်ကြပြီး တီးတိုးပြောနေကြသည်။အဝင်ဝက လွတ်ရာခုံကို ဝင်ထိုင်လိုက်ကာ အစည်းအဝေးစမည့်အချိန်ကို စောင့်စားနေသည်။
သိပ်ပင်မကြာလိုက်...
စားပွဲကို Generalက ဒုန်းကနဲ မြည်အောင် ထုလိုက်တော့..ဟောခန်းထဲက အပ်ကျသံတောင်ကြားနိုင်နေပြီ။တိတ်ဆိတ်ငြိမ်သက်နေတဲ့ နေရာမှာ Generalရဲ့ ချောင်းဟန့်သံတချက်ကြားလိုက်ရပြီး..."အနောက်ဘက်က ဒေးရန်း(Dayren)က အပိုင်သိမ်းခံလိုက်ရပြီ..
ဘယ်ကသိမ်းလဲဆိုတာကတော့ အားလုံးသိကြမှာပါ (၃)နှစ်ကျော်ကြာဆင်နွှဲလာတဲ့..
ရူးလ်(wrule)နိုင်ငံကပါ..
ကျတော်တို့ အနောက်လမ်းပေါက်သွားရင် ဘာတွေဆုံးရှုံးရမလဲဆိုတာ လူကြီးမင်းတို့သိပြီးသားပါ""ကျောက်မီးသွေးတွင်း..ရေနံတွင်း မီးရထားလမ်း..
ဒါတွေအများစုက အနောက်ဘက်ကနေဖြစ်လာတာ ရူးလ်နိုင်ငံက ဒီအကြောတွေသာမိသွားရင်..."
JE LEEST
မြတ်နိုးရပါသော သုံ့ပန်း[ Beloved Captive ]
Actie"ဤသုံ့ပန်းငယ်..ဘယ်လမ်းဝယ် ပွင့်လန်းနိုင်မည်လဲ။" This fiction is my own creation. Places and names are just my imagination. I have no intention of insulting anyone and this articles are not about the Burmese military. Both Unicode and Zawgyi are ava...