The Opposite of Hate (Upper Crust #1)

Chapter 7

"Pwede ka bang ka-date bukas?"

Tinaasan ko siya ng kilay.

"Sungit talaga," aniya.

"Fuck off."

He laughed. "Subok lang, e. Wala pa akong planong ma-kick out." Nilagpasan niya na kami.

Nagkatinginan kami ni Arth. Napailing na lang siya. Naglakad-lakad na kami at tumingin-tingin kung may bago.

Ang mga booth ay ganoon pa rin naman sa last year. Nagpalit-palit lang yata. Naningkit ang mga mata ko nang mapasadahan ng tingin ang isa sa mga booth. Pulang-pula ito at may mga hearts na ilaw.

"Really, a kissing booth?" I uttered. "Bawal yan, ah."

"Sa pisngi lang, Laviña," si Arth ang sumagot.

Well, for sure may gusto rin niyan. Hindi naman siguro sila magpapagod ng ganyan kung walang papasok besides this is a competition. Ang may pinakamaraming kita ay mananalo maliban sa best dressed booth.

"Arth, ha, pumayag ka na," sabi no'ng nakatirintas ang buhok na abala sa pag-aayos ng karatula.

I turned to Arth, surprised. Tumango siya sa babae. I looked at him with a ridiculed face.

"What the?"

"I've decided to have fun, Laviña. This will be our last year so..."

"Malulugi sila sa'yo, 'no. Hindi ka tatangkilikin. You're boring kaya. Mas gusto nila the athletic kung hindi man, 'iyong nagbabanda," tudyo ko.

"What a hater."

He grabbed my neck at inipit ako sa kilikili niya. Pinaghahampas ko siya.

"My uniform!" tili ko.

"Uwian naman na."

"I hate you, Arth!"

Ginulo niya pa ang buhok ko lalo. Kakasuklay ko lang kanina kasi mahangin!

"Mas hate mo pa rin si Aris." He chuckled.

Tinigilan niya lang ako nang makasalubong namin si Hency at mga alipores niyang bitbit ang gamit niya.

Masama ang tingin sa akin ni Hency. Wala naman akong pakealam. Abala ako sa pag-aayos ng blouse kong nalukot at sa buhok kong nagulo.

What? She's jealous of me?

Umayos si Arth at tinitingan pabalik ang nakataas na ang kilay na si Hency. Umirap siya bago umikot, pabalik sa dinaanan nila. Gano'n din ang ginawa ng mga alipores niya.

"Hindi mo susundan?" sabi ko kay Arth nang pinanuod niya lang ito. Nagawa pang ilagay ang mga kamay sa magkabilang bulsa ng pants niya.

"Let her."

Naguguluhan naman ako. Ano bang klaseng manliligaw ang isang 'to?

"Why?" Arth shifted his gaze to me.

"Babastedin ka no'n!"

He shook his head. How confident! Naningkit ang mga mata ko. May namumuo tuloy na theory sa utak ko. There must be really going on deeper with these two!

Siniko ko si Arth. Napadaing siya.

"How long have you been flirting with her?"

Umangat ang sulok ng labi niya. Hinampas ko ang tiyan niya. Dumaing ulit siya. I don't know if I hit hard or he is just trying to be dramatic.

"No'ng summer pa," he said coolly.

"You didn't tell me!" I felt so betrayed. Betrayal is really only applicable to those who are close to you.