မြတ်နိုးရပါသော သုံ့ပန်း[ Beloved Captive ]

YOU ARE READING

Action

"ဤသုံ့ပန်းငယ်..ဘယ်လမ်းဝယ် ပွင့်လန်းနိုင်မည်လဲ။" This fiction is my own creation. Places and names are just my imagination. I have no intention of insulting anyone and this articles are not about the Burmese military. Both Unicode and Zawgyi are ava...

#1900s #abuse #bloodlines #cruel #drama #hearttouching #lovelife #ratedspg #sliceoflife #texttospeech

Episode[ 16 ]🧡

Start from the beginning

by Ren_Thaw

"ချမ်းမင်း .."

"ဗျာ အကို "

"ဒီစစ်ဆင်ရေးအောင်ခဲ့ရင် မင်းမွေးရပ်မြေက အိမ်ကိုပြန်လို့ရလောက်ပြီ"

"ကျွန်တော့်ရဲ့မွေးရပ်မြေက အိမ်က မမကြီးနိုရာရှိတဲ့ နှောင်အိမ်တော်ပါပဲ"

"ဟုတ်လား.."

"အကို .."

"အင်း ပြော"

"အဲ့စာတမ်းပေးဖတ်လို့ရမလား"

ကျွန်တော်အစကတည်းက သူဖတ်ချင်နေမှန်းသတိထားမိတယ်။သူ့လက်နှစ်ဖက်ကို လိမ်ကျစ်နေပြီး စဥ်းစားနေတာကိုလည်း မြင်တယ်။ချမ်းမင်းက တကယ့်အဆိုးလေး။

"ဖတ်လို့ရတယ် ဘယ်သူ့ကိုမှပြန်မပြော-
ဟုတ်သားပဲ မင်းကဘယ်သူ့ကိုမှစကားမပြောဘူးပဲ...ရော့ "

ကျွန်တော့်ဘေးကခုံမှာ ထိုင်လိုက်ပြီး စာတမ်းကိုစိတ်ဝင်တစားဖတ်နေလေရဲ့။

' Delta ဗိုလ်မှူးထံသို့ လေးစားစွာရေးသားလိုက်ပါသည်။
ဘာရီယာမြို့ စစ်ဆင်ရေးကို နှစ်ပိုင်းခွဲဆောင်ရွက်စေလိုပြီး ပထမတစ်ပိုင်းစစ်ဆင်ရေးမှာ ကျုပ်တို့က အစောပိုင်းဆွေးနွေးမှုအတိုင်း တံတိုင်းခတ်မည်ဖြစ်ပြီး မြေမြှုပ်မိုင်းအတွက်လည်း အသင့်ဖြစ်နေပြီ။ဒုတိယစစ်ဆင်ရေးအပိုင်းမှာ ကျုပ်တို့က ဗိုလ်မှုးတို့နှစ်ယောက်ရဲ့စွမ်းရည်ကို အားကိုရမှာဖြစ်တယ်။
တစ်နိုင်ငံပတ်လည်လုံးနေရာအစုံမှာ ပုန်ကန်ထကြွမှုနဲ့ ဝင်ရောက်တိုက်ခိုက်မှုတွေရှိတာကြောင့် တပ်ခွဲထပ်မလွှတ်ပေးနိုင်တာကို ကျုပ်အင်မတန်မှ အားနာမိပါတယ်။တော်ဝင်မိသားစုကလည်း ဗိုလ်မှူးရဲ့ကောင်းသတင်းကိုသိရှိပြီး ဖြစ်တာကြောင့် ပြန်ရောက်လာတဲ့အခါ ကျုပ်တို့တပ်မကြီးရဲ့ ဒုတိယဗိုလ်ချုပ်မှူးနေရာကို လက်ခံပေးဖို့ ကျုပ်ကို တိုက်တွန်းထားပါတယ်။
နောက်ပြီး ဗိုလ်မှူးရဲ့အထက်အရာရှိအနေနဲ့မဟုတ်ပဲ ဗိုလ်မှူးအဖေရဲ့သူငယ်ချင်းအနေနဲ့ပြောပါစေ...သေချာပေါက်ပြန်လာပေးပါ
ကျုပ်ဘဝမှာ ကျုပ်အနားကရဲဘော်ရဲဘက်တွေကို ဆုံးရှုံးရခဲ့ပေါင်းများပြီ ဒါ့ကြောင့်
ချည်နှောင်..မင်းလိုအရည်အချင်းရှိတဲ့ ကလေးကိုမဆုံးရှုံးချင်ဘူး။မင်းသာတစ်ခုခုဖြစ်သွားရင် ကျုပ်ကမင်းအဖေပေါ်မှာ အရှက်ဆင့်ရချည်ရဲ့။မင်းသာပြန်လာရင် ကျုပ်နေရာကိုဖယ်ပေးဆိုလည်း ဖယ်ပေးမှာမို့ ဆက်ဆက်ပြန်လာခဲ့ပါချည်နှောင်။
စစ်ဆင်ရေးကတော့ နဂိုကတိုင်ပင်ထားတဲ့အတိုင်းပဲ မပြောင်းလဲတာမို့ ဒီစာကို ဒီမျှပါပဲ။
ဒန်ဒယ်အခြေစိုက်တပ်မှ
ဗိုလ်မှူးချုပ်ထွန်းထင် '