စုန့်အန်းရန်က နောက်ကို ခေါင်းပြန်လှည့်လာပြီး ထိုအခိုက်အတန့်လေးအတွင်းမှာ သူမနောက်က လူကို အနည်းငယ်ပြုံးပြလိုက်တယ်။
ထိုအပြုံးရိပ်လေးက အဓိကဇာတ်လိုက်မင်းသားရဲ့ စိတ်ထဲမှာ စွဲထင်ကျန်ရစ်သွားမဲ့ အပြုံးလေးတစ်ခုပင်။
ထိုအပြုံးက ချောင်ရိကျင်ကိုပါ အလွန်နှုတ်ဆိတ်သွားစေတဲ့ အပြုံးတစ်ခုလည်း ဖြစ်လေတယ်။
"ထန်းရှောင်, ငါသာ မူချောင်ဆိုရင် မင်းအခုပြုံးနေတဲ့ အချစ်နာကျနေသလို ငခူပြုံးကြီးကို မြင်ပြီး ငါ မင်းကို ကောင်းကင်ဘုံကို ပို့ပေးလိုက်မှာ"
ထန်းရှောင်:....
မူချောင်:....
"ထန်းရှောင်, အရမ်းကြီး အမူအရာမဲ့မနေနဲ့လေ။ မင်းကိုယ်မင်း လေဖြတ်နေတဲ့သူလို သရုပ်ဆောင်ရမယ်လို့များ ထင်နေတာလား? လေဖြတ်နေတဲ့သူတွေတောင် အနည်းဆုံး ဦးနှောက်တော့ ရှိသေးတယ်။ ဘယ်မလဲ မင်းရဲ့ဦးနှောက်က?"
ထန်းရှောင်:.....
"ထန်းရှောင်, မင်းတကယ်ကို တော်တာပဲ။ မင်းကို မြင်နေရုံနဲ့တင် ငါ့ကို ဘဝမှာ မျှော်လင့်ချက်ဆိုတာ မရှိအောင် လုပ်သွားနိုင်တာပဲ။ ငါကို အမှန်တိုင်း ရိုးရိုးသားသားနဲ့ ပြောနိုင်မလား, အဖွဲ့မှူးနင်က ငါ့ကိုနှောင့်ယှက်ဖို့ မင်းကို ဒီပို့လိုက်တာမလား?!"
ထန်းရှောင်:....
ချောင်ရိကျင်က ဒါရိုက်တာလား ဟာသပြဇာတ်သရုပ်ဆောင်များလားလို့တောင် သူမ မေးခွန်းထုတ်ချင်သွားတယ်။
အကြိမ်ရေတော်တော် ပြီးတဲ့နောက်မှာတော့ ချောင်ရိကျင် လက်မြောက်လိုက်ရတယ်။
"မူချောင်, သူမကို နောက်ပြန်လှည့်ကြည့်ပြီး အပြုံးရိပ်လေး ဘယ်လိုပေးရမလဲဆိုတာ ဉပမာပြပေးလို့ရမလား?"
မူချောင်က လက်တွေကို ဆန့်ထုတ်လိုက်ပြီး ထန်းရှောင်ကိုကျော်ကာ ရှေ့တည့်တည့်ကို လျှောက်သွားလိုက်တယ်။
သူမရဲ့စိတ်ပိုင်းဆိုင်ရာကိုတောင် မပြင်ဆင်လိုက်ရသေးခင် သူက သူမရှိရာဆီ နောက်ပြန်လှည့်ကြည့်လာပြီး အပြုံးနုနုလေးတစ်ချက်ကို ဖော်ပြလိုက်တယ်။
YOU ARE READING
အရှင်မင်းကြီး ကောင်းကင်ဘုံကို မကြွသေးဘူးလား
הומורUnicode# ထန်းရှောင်မှာဆန္ဒနှစ်ခုပဲရှိတယ်။ ပထမတစ်ခုက မူချောင်ကိုအထောက်အပံ့ပေးနိုင် တဲ့ကောင်းကင်ထောက်တိုင် မိခင်ကြီးဖြစ်လာဖို့။ ဒုတိယတစ်ခုကတော့စုမူကျိကို အနိုင်ကျင့်တဲ့ရန်သူမှန်သမျှကို ဆော်ပလော်တီးလွှတ်ဖို့။ Female Player: "မိန်းမရေ ...ယောက်ျားတော့ ...
Chapter 41.1
Start from the beginning
