My Lover With Split Personalities [မြန်မာဘာသာပြန်]

၂၆ ။ ဟတ်စကီး အချစ်

ကျန်းချန်ဖေး ထိတ်လန့်သွား၏။
"မင်းအဖေကို အပြင်လူအဖြစ် သတ်မှတ်ထားတာလား"

"အာ အဲဒါက..."

ဒီလူက ဘယ်လိုလုပ် အဓိကအချက်တွေကိုမှ အဲလောက်အာရုံစိုက်နေရတာလဲ! ငါ ဒါကိုဘယ်လိုရှင်းပြသင့်လဲ။

ကျောင်းချီ အကြောင်းရင်းရှာမရခင် ကျန်းတာ့တျောင်းက အင်မတန်ပျော်ရွှင်နေလေပြီ။
"မင်းပြောတာမှန်တယ်‌၊ သူက မင်းကို အရင်းအမြစ်တွေအတွက် ဖလှယ်ခဲ့တာ၊ သူကအဖေကောင်းမဟုတ်ဘူး၊ သူကအပြင်လူလေ!"

ကျောင်းချီ : "..."

ဒီတော့ ဒီတစ်ခေါက်က လောင်းကစားကြွေးမဟုတ်ဘူးပေါ့။ ကျောင်းမိသားစုကိုကယ်တင်ဖို့ အရင်းအမြစ်တွေရအောင်တဲ့လား။ သူ့အဖေ ဒါကိုကြားသွားမှာထက်စာရင် ကျောင်းချီ သူကိုယ်ဝန်ရှိနေပြီဟုသာ ပြောမိလောက်သည်။

သို့သော်ငြား သူ့ကိုပြောရန်က နေုက်ကျသွားခဲ့ပြီ။ ဓာတ်လှေကားက သူ့အဖေကို တံခါးဆီ  ခေါ်ဆောင်လာခဲ့ချေပြီ။

သူ့သား အလုပ်မသွားတာ တစ်ပတ်ကြာပြီဖြစ်သလို ခရီးလည်းသွားတာမဟုတ်ဟု ကြား၍ ကျောင်းကျို့ရန် ဒီနေရာတွင် ဘာဖြစ်နေလဲ ကြည့်ချင်ခဲ့သည်။ သူ့သားက အရွယ်ရောက်ပြီးဖြစ်၍ ကိုယ့်အချိန်ကိုယ် စီမံသင့်သည်ဟုထင်သော်ငြား သူ့ဇနီး၏တတွတ်တွတ်ပြောဆိုနေမှုကို မခံနိုင်ပေ။

နောက်ထပ်တစ်မြို့တွင် ရုပ်ရှင်ရိုက်နေသည့် မစ္စကျောင်းကြားချိန် သူ့သားဖျားနေသည်ဟု  ခိုင်ခိုင်မာမာပြောကာ သူ့ခင်ပွန်းကိုဆူ‌ပြီး သားဆီသွားလည်ရန် တိုက်တွန်းခဲ့သည်။

တစ်ထပ်ဆီတွင် တိုက်တစ်ခန်းဆီရှိပြီး  တိုက်ခန်းတစ်ခန်းချင်းစီအတွက် ဓာတ်လှေကားသတ်မှတ်ထားသည်။ ထိုအခါမှ သူ့အထပ်ကိုရောက်ချိန် တံခါးအလိုအလျောက်ပွင့်ရန် ဓာတ်လှေကားကို ကြိုတင်ချိန်ကိုက်ထားနိုင်၏။ ကျန်းချန်ဖေး အားနည်းနေသောသူ့ဇနီးလေးကို ချီပြီး ဆိုဖာပေါ်ပြန်တင်ကကာ စောင်ခြုံပေးလိုက်သည်။
"ဒီမှာပဲနေဦး၊ တစ်ခုခုလိုချင်ရင် ကိုယ့်ကိုအသိပေး၊ ကိုယ်သွားယူပေးမယ်"