[Zawgyi]
အပိုင္း ၁၃၅ (အကင္းပါးေသာ)
႐ုံ႐ႊမ္ေက်ာင္းေတာ္ တည္ေထာင္ကတည္းက ယြမ္စီန်န္ရဲ႕အတန္းေတြမွာ တက္ေရာက္ခဲ့ၾကတဲ့ တပည့္ေပါင္းမ်ားစြာရွိေပမယ့္ တကယ္တမ္းေျပာရရင္ သူအသိအမွတ္ျပဳတဲ့ တပည့္ရင္းက သုံးေယာက္သာရွိသည္။ အခုဆိုရင္ တစ္ေယာက္က တရား႐ုံးမွာ အႀကီးတန္းအရာရွိျဖစ္ေနၿပီး ေနာက္တစ္ေယာက္က ေတာ္ဝင္ေက်ာင္းေတာ္မွာ အႀကီးအကဲ တစ္ေယာက္ျဖစ္ေနၿပီ။ က်န္တစ္ေယာက္ကေတာ့ ႏိုင္ငံေရးကို စိတ္မဝင္စားတာေၾကာင့္ သူလိုပဲ ပညာရွိႀကီးတစ္ေယာက္ ျဖစ္ေနၿပီျဖစ္သည္။ သူ႔ရဲ႕ တပည့္ရင္းအျဖစ္ အသိအမွတ္ျပဳခံရတဲ့သူေတြက ေအာင္ျမင္တဲ့ အနာဂတ္ကိုရမွာ ေသခ်ာေပါက္ပင္!
ယြီေရွာင္ေခ်ာင္းက မရည္႐ြယ္ဘဲ သူမေမာင္ေလးအတြက္ ေအာင္ျမင္မႈလမ္းေၾကာင္း ေဖာက္ေပးလိုက္တယ္ဆိုတာ သတိမျပဳမိေပ။ သူမက သူမပတ္ဝန္းက်င္က အေလးထားရမယ့္ လူေတြအေပၚ စစ္မွန္တဲ့စိတ္ထားနဲ႔ ဆက္ဆံေနျခင္းသာျဖစ္သည္။
ဘဲသားေပါင္းလုပ္နည္းအတြက္ေတာ့တတိယသခင္ေလး အႀကဳံျပဳတဲ့အတိုင္းပဲ လုပ္ၾကတာေပါ့၊ ကြၽန္မက အက်ိဳးအျမတ္ကို ဆယ္ႏွစ္အထိပဲ ယူမယ္၊ ဆယ္ႏွစ္ျပည့္ရင္ က်ိန္ရႈံစားေသာက္ဆိုင္က ဘယ္ေလာက္ရရ သခင္ေလးတို႔အပိုင္ပဲ!
ယြီေရွာင္ေခ်ာင္းက နိဂုံးခ်ဳပ္လိုက္တယ္။
အစက သူတို႔သူေဌးေလးရဲ႕ ကမ္းလွမ္းခ်က္ဟာ က်ိန္ရႈံစားေသာက္ဆိုင္ကို အရႈံးေပၚေစမွာပဲလို႔ ေတြးေနမိတဲ့ ဆိုင္တာဝန္ခံႀကီးက ေရွာင္ေခ်ာင္းရဲ႕စကားကို ၾကားၿပီးတဲ့အခါမွာေတာ့ လက္သင့္ခံႏိုင္သြားတယ္။ အနာဂတ္မွာ က်ိန္ရႈံစားေသာက္ဆိုင္က ဆိုင္ခြဲေတြအမ်ားႀကီး ရွိလာတဲ့အခါက်ရင္ ၾကက္သားကင္နဲ႔ ဘဲေပါင္းတို႔ရဲ႕ ေရာင္းအားက မခန႔္မွန္းႏိုင္ေလာက္ေအာင္ ႀကီးမားလာမွာပင္။ တကယ္လို႔သာ သူတို႔က ယြီမိသားစုကို ဆိုင္ခြဲတစ္ခုစီက ရတဲ့ဝင္ေငြရဲ႕ ဆယ္ရာခိုင္ႏႈန္းကို ေပးမယ္ဆိုရင္ ယြီမိသားစုက က်ိန္ရႈံစားေသာက္ဆိုင္ကို ဂုတ္ေသြးစုပ္မယ့္ေမွ်ာ့ေတြ ျဖစ္မလာႏိုင္ဘူးလား။ ၿပီးေတာ့ ဘယ္လိုမွလည္း ဖယ္ရွားလို႔မရႏိုင္ဘူးမလား ဒီတစ္ခါမွာေတာ့ တာဝန္ခံႀကီးက သူေဌးေလးရဲ႕ စူးရွတဲ့ လူကဲခတ္ႏိုင္စြမ္းကို ယခင္ကထက္ပိုၿပီး ေလးစားသြားေတာ့တယ္။ မိန္းကေလးယြီက တတိယသခင္ေလးအတြက္ ေကာင္းျမတ္တဲ့ အက်ိဳးျပဳသူပဲ!
YOU ARE READING
သက်တန့်ရောင် မိန်းမပျို Book 1 (MMTranslation)
Fantasyခေါင်းစဉ် - သက်တန့်ရောင် မိန်းမပျို (ဘာသာပြန်) မူရင်းခေါင်းစဉ် - Fields of Gold အမျိုးအစား - သဘာဝလွန်၊ စိတ်ကူးယဉ်၊ အချစ်ဇာတ်လမ်း၊ ဘဝအတွေ့အကြုံ အပိုင်းရေ - ၇၃၂ ပိုင်း မူရင်းရေးသားသူ - ကွေ့ဟွားချင်းယွီ ဘာသာပြန်ဆိုသူ - The 8Black Hands