فلتغفري عن انتقامي

حلقه ٣٥

ارتفعت صوت طرقات عاليه على باب شقتهم لتنفزع ميرا من مكانها و يقوم اكرم بلهفه و يفتح الباب لتظهر الشغاله أمامه : في ايه

الشغاله بلهفه: اكرم باشا الحق سيليا هانم ماسكه في دكتور ايهاب تحت

ميرا بفزع : اييه ايهاب ايه اللي جابه انا لازم انزل

ارتدت حجابها سريعا و اتجهوا الأثنان اليهم

كانت سيليا بالأسفل تمسك في ملابسه بغضب و تصرخ ببكاء: انا أذيتك في ايه ليه تخدعني كل الشهور ده خلتني ليه اتعلق بيك.... انا بكره كل لحظه كدبت فيها عشانك

إيهاب بألم: سيليا اسمعيني انا كنت جاي بس والله ع

قاطعته سيليا برفض و غضب : انت اكبر كداب شوفته في حياتي

وصل إليهم الاثنان و عمر ايضا فأسرع اليها اكرم يحاول فك يدها من عليه : سيبي يا سيليا و اطلعي اوضتك

سيليا بغضب و حرقه وهي تقبض على قميصه : لا مش قبل ما اخد حق وجع قلبي و اقتله زي م قتلني

شهقت ميرا بخوف على أخيها لتردف بلهفه: ايهاب امشي.. قولها تبعد عنه يا اكرم

عمر بعنف : سبيها تعمل اللي عايزاه و تطلع غضبها فيه

نظرت سيليا الي ميرا بقهره و لوم: انتي المفروض تحسي بيا بدل ما تدافعي عنه

ميرا بحزن و دموع : حاسه والله بيكي انتي ضحيه زيي

نزع ايهاب يدها من عليه بغضب و عنف: امال لو  كنتي شوفتي ربع اللي شافته ميرا كنتي عملتي ايه.. انتي متجيش حاجة في اللي اختي مرت بي

صرخت سيليا بحيره و غضب وهي تحدق بعينيها بخذلان و كره : انت مجرم انا كان لازم افهم كدا من يوم ما جيت لندن و ضربت اخويا...بس كنت هبله مش فاهمه نفوس الناس... ربنا ينتقم منك و تموت

زفر إيهاب بضجر وهو يقول بقوه : انا مكنتش مجرم معاكي زي ما كان مجرم مع اختي.... سيليا افهمي انا مكنتش عايز أذيكي انتي ب

قاطعته سيليا بألم و صراخ وهي تدفعه بقوه في قلبه : كل ده و مكنتش عايز تأذيني.... عملتلك ايه عشان تقف في طريقي ملقتش حاجة حلوه فيا تخليك تغير رأيك

اغمض ايهاب عينيه بألم ثم قال بحزن و ضعف : سيليا في حاجات كتير حصلت شقلبت كل حياتنا في آخر لحظه اهدي و هشرحلك كل حاجة

أكرم بغضب شديد وهو يرمقه بنظرات محتقره: انا كنت رافض من البدايه اجوزها لواحد زيك لولا إصرارها مكنتش نولت الشرف و خطبتها

عاد إيهاب لملامحه القاسيه و نظر له بسخريه و عنف : طالما انت جامد اوي كدا روح سكت الناس اللي بتسأل هو العريس مجاش ليه الفرح.. لم الفضايح من حواليك

كانت مع نهايه كلمته الاخيره لكمه قويه من اكرم وجهت بشراسه في وجهه ثم قبض على عنقه بقوه و عنف : كلمه تاني منك يا إيهاب هكون قتلك بعدها