فلتغفري عن انتقامي

حلقه ٢٥

أكرم بإبتسامه صغيره : هي الحقيقه انا مش جاي ليا
... جاي لمراتي

نظرت له الطبيبه بإستغراب و تساؤل : طب هي فين

اعتدل في جلسته قليلا و نظر لها بوقار : مجتش هي اصلا متعرفش أن هنا... انا جاي استشاره بخصوصها
اخذ نفس عميق و هتف بضيق و حزن: كنا مبسوطين اوي و متفاهمين و فجأه حصلت بينا مشاكل كبيره جدا و مصايب وصلت ان سيبتها بعد فرحنا و اتهمتها بحاجات بشعه على أي بنت

الطبيب بفضول و تمعن: حاجات زي ايه

أكرم بخزي و بعض الارتباك : مش عايز اقول اي تفاصيل بس اللي اقدر اقوله أن بعتلها ورقتها وقتها

فهمت الطبيبه ما يقصده و أستنتجت ما تعرضت له نتيجة طلاقها يوم الفرح لتردف بسماح: تمام كمل

أكرم بسرد و صوت حزين: رجعنا بعد اكتر من سنه و نص و كان فيه طفل

- قصدك خلفت منك

أكرم بإيماء: اه بس بقي لما رجعت لاحظت ان تصرفاتها معاه غريبه جدا بترفض تديه لحد حتي انا و اهلها.... لو بس عيط تعيط معاه قبل كده انتحرت عشان بعد عنها ده غير انها اي مكان لازم يكون معاها حتي في الشغل بتاخده... تيام مبيغبش عن ميرا ثانيه واحده

الطبيبه بإستفسار: وده اصلا طبيعتها لما بتحب حد اوي بتخاف عليه للدرجة ده

- لا... و ده كمان خوف أكبر من حجمه

- كانت متوقعه انها مش هتخلف و اتفاجأت بعد الجواز بحملها

أكرم بأسف : بردو لا.. ميرا كلامها معاه كأنه ملكيه خاصه ليها من كتر حبها فيه بحس انها هتاكله انا خايف عليها و على تيمو يتعقد
ثم اكمل بأنتباه و حنق : مش هتصدقي خوفها بيوصل انها بتربطه بكلبش قبل م تنام

عقدت جبينها بإستغراب : كلبش!! .. بتاع المساجين

- ايوه هو للأسف

الدكتوره بفضول أكبر و تعجب: لا معلش احكي تفاصيل اكتر عنها

بالفعل بدء يقص عليها كل ما تفعله ميرا في تعاملاتها مع الطفل و تعلقها الكبير به لكن لم يخبرها بأي شئ عن سبب خلافهم فقد أخبرها بالأشياء المهمه و انها تعرضت للضرب و المكوث فتره في الشارع

كانت تستمع له بأهتمام شديد و تأثرت بكلامه عنها لتستنتج حجم المعاناه التي مرت بها فقالت بتنبيه: بص انا لازم اعد معاها ضروري اراقب افعالها

أكرم بإدراك: هترفض نهائي و خصوصا أنها شايفه ان ده طبيعي

الدكتور بتفسير: بس ده مريضه فعلا عندها حاله صدمه من فقدان الثقه و الامان للي حواليها لما وقعت في مشكله كانت من اكتر واحد حبيته و آمنت له و كان لسه قبلها بيخططوا لأحلامهم.... طبعا اتصدمت و اللي زاد اكتر ان ملقتش حد جمبها من اهلها كله سابها و مشي يعني الامان من ناس كانت ضامنه وجودهم اتكسر لأن في لحظه اختفيتوا كلكوا من حياتها..... ملقتش قدامها غير ابنها