فلتغفري عن انتقامي

حلقه ٣٢

أولا : متنسوش تصوتوا على البارت 🌟🌟و تعرفني رأيك
ثانيا : الناس اللي عماله تسألني علي النهايه و بيستعجلوني اوي😂😂 هي النهايه هتيجي ان شاء الله هتروح فين يعني 😂🙄المهم انا مش بحب اكروت الاحداث و في تفاصيل لازم اوضحها عشان أبين العلاقه بين كل شخصيه ماشيه ازاي.... بس في نفس الوقت انا مش نخليها طويله بشكل اوفرررر
يعني ممكن اقصي حد ليها من ٤٥- ٥٠ و يمكن أقل الله و اعلم... و لسه في أحداث كتير هتحصل متستعجلوش و تستعجلوني معاكوا عشان النهايه تكون بنفس مستواها من البدايه ❤️
أخيرا : تسلم عيون اي حد بياخد من وقته و يكتبلي كلمه حلوه على البارت ده بيفرق معايا و بيشجعني جدا ❤️❤️😘
   ***********************************
في صباح يوم الزفاف استيقطت سيليا على رنين هاتفها لتتأفف بكسل و تفتح نصف عين و تجيب على الهاتف : نعم

— انتي فين يا هانم ازاي تسيبي بيت جوزك و تباتي عند اهلك
هتف بها ايهاب بمرح و مشاغبه

اعتدلت سيليا بلهفه و خضه وهي تفتح عينيها بإتساع : جوزي مين و بيت ايه... انا مش فاكره حاجة

انفجر ايهاب في الضحك و هو يقول بخفه و رقه: كمان نستيني احنا لحقنا من اولها يا هانم امال لما اتجوزك بليل هتعملي ايه

ضحكت سيليا و هتفت بتعجب: انت بتهزر يا ايبو على الصبح و انا عايزه انام... باي

إيهاب بلهفه: استنى يا هبله تنامي ايه و فرحنا قومي يلا اجهزي ورانا حاجات كتير اوي

طرقت الشغاله باب غرفتها و دخلت قائله : صباح الخير يا هانم في مدام تحت بتقول قريبتك

— اوكي انا نازله
ثم تابعت حديثها مع ايهاب على الهاتف: مش كنت جيت لبست معايا في نفس الفندق ليه العند

إيهاب بجديه : كدا عشان اخوكي هو اللي اقترح عليا اجهز في الفندق و انا مش هسمع كلامه

سيليا بتوعد و قوه : اوكي اول لما نتجوز هخليك تسمع كلام اي حد غصب عنك

إيهاب بمزح : هي عافيه ولا ايه

سيليا بعدم فهم : يعني ايه عافيه... بص مش مهم اقفل خليني اجهز

إيهاب بحب و صوت ملهوف: انا مستني اللحظه ده من بدري عشان بعدها هصحي على احلى وش في العالم كله. و شكلي هترفد من الشغل عشان مش هيهون عليا اسيبك

خجلت سيليا بشده و احمرت وجنتيها وهي تستمتع بكلامه الشجن : انا متوتره اوي متزودش توتري يا حبيبي ... بحبك... باي
اغلقت الخط  و قامت بسرعه و لهفه من مكانها الي الحمام توضأت و انهت صلاتها ثم نزلت لأسفل لتري الضيفه

اتجهت سيليا الي مكان الضيوف بالصالون و رأت امرأه في أوائل الخمسينات و فتاه في العشرينات ذي ملامح اجنبيه

سيليا بإبتسامة :  hi

قامت المرأه و قدمت نفسها بإبتسامة بشوشه: hi Celia , Iam nately