Chapter 44 : ဘာချို့ယွင်းချက်မှ မရှိ
ညလမ်းလေး၏ ဝေဝါးမှုန်ဝေသော မှုန်းဖြရီဝေမှုသည် တစ်စုံတစ်ယောက်သောသူ၏ အပြုံးနုနုကို ဖုံးကွယ်ဖို့ရာ၊ မတတ်နိုင်ရှာ။ မြဲမြံစွာ လက်တွေကို ဆုပ်ထွေးထားမှုသည်ကား တွယ်ရစ်ထားပါသော နှောင်ဖွဲ့ကြိုးထုံးတစ်စ ရစ်ငင်ခြင်းကဲ့သို့။
မည်သည့်စကားသံမျှ မလိုအပ်ပါဘဲ ၊ ငြိမ်သက်ညင်သာသော နားလည်မှုများဟာ အချင်းချင်းကြား တည်ရှိနေလေ၏။
မိမိ ပျိုးထောင်ပေးခဲ့ပါသော လူသားလေး၏ အောင်မြင်မှုတွေက ပျိုးထောင်သူ၏ ပင်ပန်းခဲ့ရခြင်းတွေကို ပြေပျောက်စေသည့်အတိုင်း ။ မိုးမှောင်သည်ကား လင်းဒီပါအတွက်တော့ နွေလည်ခေါင်က စမ်းရေလို တည်ရှိမှုလေး။
" ရော့... ဖိနပ်ပြန်ဝတ်ထား။ ကိုယ်က ဘာမှမဖြစ်ပါဘူး"
လင်းဒီပါ မိုးမှောင် အရင်က သူ့အတွက် ချွတ်ပေးခဲ့ပါသည့် ဖိနပ်လေးကို မိုးမှောင်ခြေထောက်တွေရှိရာ ကိုင်းညွှတ်လျှက် စီးပေးလာချေသည်။ ထိုနူးညံ့ညင်သာသည့် လှုပ်ရှားမှုလေးကဆိုရင်ဖြင့်၊ လင်းဒီပါက မိုးမှောင်ကို မည်မျှလောက် တန်ဖိုးထားသနည်းဆိုတာကို ထင်ရှားစွာပင် မြင်နိုင်၏။ ကလေးပေါက်စလေး ထိခိုက်မှာဆိုး၍ ပူပန်နေသည့် ဖခင်တစ်ဦး၏ နွေးထွေးသော မေတ္တာကဲ့သို့ အပြည့်အဝ... မိုးမှောင်ကို လွမ်းခြုံမှု ပေးနေဆဲ ။
" ကျုပ် ခင်ဗျားကို ကုန်းပိုးချင်တယ်"
မိုးမှောင် ငယ်ငယ်က လင်းဒီပါ သူ့ကို ကုန်းပိုးပေးခဲ့သည့် အချိန်တစ်ခုကို အမှတ်ရကာ ပြောလာတော့၊ လင်းဒီပါက သူ့ကို အမှောင်ထဲ၌ အံ့သြစွာ ကြည့်လာတာကို မိုးမှောင် ခံစားသိရှိလိုက်ရသည်။
" မလိုပါဘူး"
မိုးမှောင်၏ တဇွတ်ထိုးဥာဉ်က ပေါ်ပေါက်လာပြီး၊ လင်းဒီပါ့အရှေ့ မြေကြီးပေါ် ဆောင့်ကြောင့်ထိုင်ချကာ၊ 'ဒီနေ့ ကုန်းပိုးပြီး အိမ်မပြန်မရမချင်း ထိုင်နေပါတော့မည်'ဆိုသည့် ဟန်လေးက စွန်းထင်းနေ၏၊
ဆွဲထူသော်လည်း မထသဖြင့်၊ လင်းဒီပါ သက်ပြင်းငွေ့ငွေ့ချကာ၊ မိုးမှောင်ကျောပေါ် ခပ်ဖွဖွ တတ်လိုက်၏။ မိုးမှောင်နှင့် သူ့အရပ်၏ ကွာဟမှုသည် မဆိုသလောက်ရှိသော်ငြားလည်း၊ လင်းဒီပါဟာ ယောကျာ်းသားတို့ရှိသင့်၊ရှိထိုက်သည့် အရပ်အတိုင်းအတာပေမို့၊ လင်းဒီပါ ခြေထောက်တို့က မြေကြီးနှင့် သိပ်မလွတ်ချင်။
YOU ARE READING
မိုးမှောင် ( Complete )
Romanceဤဝတ္ထုသည် စာရေးသူ၏ စိတ်ကူးသက်သက်သာဖြစ်ကြောင်းနှင့်၊ လူ၊နေရာ၊ အရပ်ဒေသ၊ နာမည် တိုက်ဆိုင်မှုရှိပါက တိုက်ဆိုင်မှုဟုသာ ယူဆပေးပါရန် မေတ္တာရပ်ခံအပ်ပါသည်။ Starting date - 27.5.2021 Ending date - 13.11.2021