ام ضاري: لعد خوش اخذها وياي
نرجس: شوفي شلون تكيف ما اطيقها كلش
ام ضاري: تكبر وتلعب وياها وتحبها
نرجس: والله مااظن مثل ما آمنه شابعتها ضرب هاي تشبع اختها ضرب
ام ضاري: بعد ما تعلمين يلا اترخص كعدتكم حلوة وما اوصيج لا تعتبين للفاتحة حافظي على بنيتج خطيه
نرجس: اي ان شاءلله
راحت ام ضاري سالم بالشط يصيد وعماد اليوم نزل وتعبان وابوي يشتغل ما ندري شنو شغله كله ايكول على باب الله ، للعصر شفت مرت ابوي ضايجة
_خيرج مرت ابوي
_ولا تبطلين هاي كلمه
_بعد تعلمت
_هاي زغيرة جسمها حار
_خاف مرتفعه حرارتها
_اي
_روحي ل ام ضاري
_مو هي دكتور خلي يجي ابوج واوديها
_هاا
بقت تنتظر ابوي ماكو صار مغرب يلا اجه كال خليها على باجر
شوي دخل عماد
_يباا اليوم عدنه خطار عزمته
ابو سالم: هلا بالخطار حياهم
عماد: كال هسه شوي ويجي ما تتوقع منو
كلنا اخذنه الفضول ورا شوي
اندك الباب
_طريق طريق وصل الخطار
نرجس: ها يعني ندخل
_لا مو غريب خطارنه منا وبينا
راح فتح الباب تفضل تفضل
دخلو ولد اثنين واحد يطلع مكد سالم مدري اكبر وثاني شوي اكبر من سليم هيج عمرا ب 14مدري 13 كله باوعتله مستغربه هذول منو وليش ما خلانه ندخل
عماد: هاا يباا عرفت هذول منو
ابو سالم: شكلهم مملوح مو غريب عليه هل وجوه
_اي يابه هذول ايمن وأيسر
ابو سالم:ولد الغالي
_اي يباا ولده
حضنهم ابوي وانا اكول وين شايفهم لك صاير شاب وانت أشر على أيمن اخوي كبالي واكف افيش يا ريحة اخوي،ولكم كل هل سنين ما سألون على عمكم لو امكم ما تخليكم، وينك يا اخوي تعال شوف شتارك وراك تعال صارو زلم ابوي حضنهم ويبجي وايكول اخخخخخ يا خويه كسرت ظهري بروحتك بس ما متت الي خلف ما مات الله جمعني بأولادك قبل لا اموت،
ايمن:اسم الله عليك عمي واحنه هم مقصرين بحقك ما اجينالك
الله يشهد شكد انكول امي ودينه عمامنه وهي ادكول ما يردونكم،
ابو سالم:الله سامحها وليش ما نريدكم انتم اعزاز مثل ما اعز اخوي انتم من دمي ولحمي
ايمن:تسلم عمي انريدك ذخر النه
_تعالو تفضلو لا تستحون بيت
YOU ARE READING
جُمِّلْت... أخلاقها //باللهجة العراقية //
Mystery / Thrillerهناك من يتحمل كل اهات الزمن ويرضى بالذي مكتوب، وهناك من يمشي متفتحاً حتى ينال صاعقات الزمن ولا يرضى بلمكتوب.. بل يسيطر على عالمه بحقد، ويكبر ذلك حقد، فيظلم الصغير قبل الكبير.. ويسمى ذلك بالوجع، انه وجع يا سادة يملي عالماً... ويفتح ابواباً...
حلقة 20
Start from the beginning
