အာဏာရှင်ငရဲမင်းကြီးနှင့် သူ၏အချစ်ကလေး (၁)

156. The Evolution of a Robber

"ဟမ့်! အောင်နိုင်သူဘယ်သူဆိုတာ မဆုံးဖြတ်ရသေးပါဘူး။ မင်းတို့ နှစ်ယောက်တည်းနဲ့ ငါတို့အားလုံးကို အနိုင်ယူနိုင်မယ်လို့ မင်းပြောချင်နေတာလား? အိမ်မက်မက်နေတာပဲ!" ကောင်လေးရဲ့ 'ရူးမိုက်မိုက် စကား' တို့ကို ကြားပြီးနောက် တောင်အကြီးအကဲ ယင်ရဲ့ ကျဉ်းမြောင်းတဲ့ မျက်လုံးတို့က ချက်ချင်းပင် ဒေါသတို့ဖြင့် ပြည့်နှက်သွားတော့သည်။ သူ့ရဲ့မှေးတေးတေးမျက်လုံးတို့က အပစ်သားမြေခွေးတစ်ယောက်လိုမျိုး သဏ္ဍာန်တူကာ သူ့နောက်ကျောက မှောင်မိုက်တဲ့ညအရောင်တို့ကြောင့် သူ့ကို ပိုလို့တောင်မှ ကြောက်မက်ဖွယ်ဟန်ပန် ပိုပေါက်သွားစေ၏။

"တောင်အကြီးအကဲ ယင်၊ အဓိပ္ပါယ်မရှိတာတွေ တော်သင့်ပြီ။ သူတို့ကို အရင် သတ်လိုက်ကြစို့။" ချင်းမင်က ကောင်းကင်သို့ ဆတ်ခနဲ ထပျံသန်းလိုက်ကာ တောင်အကြီးအကဲ ယင်ရဲ့အနောက် ခြေလှမ်းအနည်းငယ်အကွာမှာ ရပ်လိုက်ပြီး ဖုန့်ရှီကို အေးစက်စွာ စိုက်ကြည့်လိုက်သည်။ အေးစက်မှုတို့အပြင် သူ့မျက်နှာထက် ဒေါသရိပ်တို့ကလည်း သမ်းစွက်လို့နေ၏။ သူ့အမူအယာကို ထိန်းတဲ့နေရာမှ အတော်ကြီးကို တစ်ဖက်ကမ်းခတ်နေတယ်ဆိုတာ ရှင်းရှင်းလင်းလင်း သိနိုင်သည်ပင်။

"စိတ်မပူပါနဲ့ မစ်စတာချင်းမင်၊ ငါ သူတို့ကို အပြေးမခံပါဘူး။"

တောင်အကြီးအကဲယင် ပြောပြီးသည့်နောက် သူ့နားအနား ရုတ်တရက် အသံတစ်သံ ထွက်ပေါ်လာ၏။ ချင်းမင်က သူ့ထံ တိတ်တဆိတ် အသံဖြင့် ဆက်သွယ်ပြောကြားလိုက်ခြင်းဖြစ်သည်၊ "တောင် အကြီးအကဲယင်၊ ကျွန်တော်တို့ စတိုက်ပြီဆိုတာနဲ့ ဟိုတစ်ယောက်ကို ချုပ်ထားပြီး အနီနဲ့ကောင်လေးနဲ့ လူချင်းကွဲသွားအောင် လုပ်လိုက်။ အဲ့အချိန် ကျွန်တော်က ကောင်လေးကို ဝင်သတ်မယ်။ ခင်များအတွက် အကျိုးအမြတ် မလျော့နည်းစေရပါဘူး။"

"ကောင်းပြီလေ" တောင်အကြီးအကဲ ယင်က တုံ့ဆိုင်းမှုမရှိဘဲ တုန့်ပြန်လိုက်သည်။ ဒီအခြေအနေကို သူ ဝင်စွက်ပြီးမှတော့ သူဘာပဲလုပ်လုပ် ရလဒ်ကတော့ အတူတူပဲဖြစ်မှာပင်။

နှစ်ဦးသား အစီအစဉ်ကို တိတ်တဆိတ်တိုင်ပင်ဆွေးနွေးလိုက်ကြကာ သူတို့ပြောတာ ဘယ်သူမှ မကြားဟု ထင်လိုက်ကြသည်။ သူတို့မသိသည်က ငရဲမင်းကြီးထံကနေ အသံကူးပြောင်းဆက်သွယ်ချက်ကို ဖုံးကွယ်ထားလို့မရနိုင်ဘူးဆိုသည်ပင်။ သူ့သိစိတ်ကို အနည်းငယ်လောက်လေးပဲ ဆန့်ထုတ်ဖို့လိုအပ်ပြီး သူတို့ပြောသမျှအကုန်လုံး လုံးစေ့ပတ်စေ့ အပ်ကျမတ်ကျ အကုန် သိနိုင်၏။