အပိုင်း ၁၅၀။ ငါ့သတ္တုတွင်း ဘယ်သူထိတာလဲ
အဲ့စကားကိုပြောလိုက်ရင်း လူအုပ်ထဲကနေ လူငယ်တစ်ယောက် လျှောက်လှမ်းကာ ထွက်လာ၏။
သူက ကောင်းကင်ပြာရောင်အဝတ်တို့ကို ဝတ်ဆင်ထားကာ အတော်ကိုကြည့်ကောင်းနေပြီး သူ့မျက်နှာကလည်း အလွန့်အလွန် ခန့်ညားကာ နူးညံ့သိမ့်မွေ့လှ၏။ သူ့ရဲ့ ပင်လယ်လိုနက်ရှိုင်းလှတဲ့ မျက်လုံးအစုံတို့က လှိုင်ဂူအဝမှာ ရပ်နေတဲ့ ကာလွမ်သလာကို ကြည့်နေလျက်ပင်။ ဒီလူက ချောမောခန့်ညားပြီး နှစ်လိုဖွယ််ကောင်းတဲ့သူဖြစ်သင့်ပေမဲ့ သူ့ရဲ့ ကောက်ကျစ်တဲ့မျက်လုံးအစုံတို့က သူ့ရဲ့သွင်ပြင်ကို အတော်ကြီး မှုန်မှိုင်းသွားစေ၏။
သူထွက်လာတာကို လူအတော်များများက အံ့အားသင့်သွားကြပေမဲ့ ဒါမျိုးတွေ့ကြုံဖူးသလို ခံစားသွားမိကြသည်။
"သူပဲ!" သူ့ကို အတန်ကြာအောင် သေချာကြည့်နေပြီးနောက် ဒီလူငယ်က ဘယ်သူလဲဆိုတာကို နောက်ဆုံးတော့ တစ်ယောက်က တွေးမိသွားကာ ထူးထူးဆန်းဆန်းအကြည့်ဖြင့်ပြောလိုက်၏။
"သူက ဘယ်သူကြီးလဲ?" တစ်ခြားတစ်ယောက်ကလည်း ဒီလူငယ်ကို အတော်ကို ရင်းရင်းနှီးနှီးသိနေသလိုဖြစ်နေတာမို့ သူ့အသံက စိတ်လောနေသံပေါက်နေမှန်းတောင် သတိမထားမိဘဲ မေးလိုက်သည်။
လူငယ်ကို အကြာကြီး စိုက်ကြည့်ပြီးနောက် ပထမပြောလိုက်တဲ့လူက တုန့်ဆိုင်းနေကာ အသံနိမ့်နိမ့်ဖြင့် "နတ်ဘုရားနဲ့မိစ္ဆာနိုင်ငံတော်မှာ ဖြစ်သွားခဲ့တဲ့ တကယ့်အကြီးစား အမွှေကြီးတစ်ခုကို မင်း မှတ်မိလား? အဲ့မှာ ငရဲသားမိသားစုလို့ သူတို့ကိုယ်သူတို့ခေါ်တဲ့ ဂုဏ်သရေမြင့် မိသားစုတစ်ခုရှိတယ်။ တကယ်လို့ ငါမှန်းတာမမှားဘူးဆိုရင် ဒီလူက ငရဲသားမိသားစုဝင်တစ်ယောက်ပဲ။"
"ငါ မှတ်မိတာပေါ့။ ဘယ်လိုလုပ်မေ့နိုင်ပါ့မလဲ? အဲ့ဖြစ်ရပ်က ဖြစ်ရပ်ဆိုးကြီးတစ်ခုပဲလေ။ ငရဲသားမိသားစုက တစ်ရက်တည်းနဲ့ကို သူတို့ရဲ့ ပါဝါတွေ တစ်ဝက်လောက် ဆုံးရှုံးသွားခဲ့တယ်လို့ကြားတယ်၊ မျိုးရိုးမြင့်အမှတ်အသားတစ်ခုဖြစ်တဲ့ သူတို့ရဲ့ နဖူးပေါ်က ကျောက်မျက်ရတနာတွေအားလုံးလည်း ပျောက်ကွယ်သွားခဲ့တယ်။ နောက်ပိုင်းကျတော့ ငရဲသားမိသားစုရဲ့ ဂုဏ်သရေမြင့်မိသားစုဆိုတဲ့အမှတ်အသားကို ငရဲမင်းကြီးက ပြန်ယူသွားခဲ့တယ်လို့ ပြောကြတယ်။ သူတို့ ဘုရင်ကြီးကို ဘယ်လိုများ သွားပြီး စော်ကားမိလိုက်ကြသလဲဆိုတာတော့ ငါမသိဘူး။"
YOU ARE READING
အာဏာရှင်ငရဲမင်းကြီးနှင့် သူ၏အချစ်ကလေး (၁)
Fantasyစာသင်သားဖုန့်ရှီ -အပျော်တမ်းသူခိုး၊ ရည်မှန်းချက် -တစ်ကမ္ဘာလုံးရှိ ပစ္စည်းတွေခိုးဖို့၊ သေပြီးတာတောင် အငြိမ်မနေနိုင်တဲ့ဖုန့်ရှီ။ အကျိုးဆက်ကတော့ သူ ခိုးခဲ့တဲ့ပစ္စည်းတစ်ခုက နတ်ဘုရားတွေနဲ့ မိစ္ဆာတွေကြား စစ်ပွဲကြီးတစ်ခု အစပြုသွားစေခဲ့သည်။ ဤအမှန်တရား သိပြီ...
