အာဏာရှင်ငရဲမင်းကြီးနှင့် သူ၏အချစ်ကလေး (၁)

131. Who's Right and Who's Wrong

"နတ်ဘုရားခေါင်ချုပ်မိုလန်း? ဘာလို့ အဲ့အဘိုးကြီးက ဒီရောက်နေတာလဲ?" ဟွမ်ရဲ ချက်ချင်း နှာခေါင်းရိုးကို ဖြစ်လိုက်ကာ စဉ်းစားလိုက်သည်။ အဲ့တာက ရှေးကျတဲ့သွေးဆက်မျိုးဆက်ထဲက မှော်သားရဲတစ်ကောင်ပဲဟာကို၊ သီနိုမိသားစုက မိုလန်းအဘိုးကြီးကိုတောင် ဒီပို့လိုက်တယ်? သူတို့က ကိစ္စသေးသေးလေးအတွက် ဇာချဲ့ပြီးအမွှေကြီးမွှေမလို့လား?

"မိုလန်းကိုတောင် ဒီပို့လိုက်တယ်ဆိုတော့ ငါတို့မသိတာတစ်ခုခုများ သူတို့ အစီအစဉ်ဆွဲနေကြတာလား?" ကျုံးဝူချင်းကလည်း ဟွမ်ရဲနဲ့ ထပ်တူ တွေးမိသည်။ သီနိုမိသားစုက နတ်ဘုရားခေါင်ချုပ်နယ်ပယ်ဆင့်တစ်ယောက်ကို ဒီမှော်သားရဲလေးတစ်ကောင်အတွက် စေလွှတ်မှာမဟုတ်။ ဒီအခြေအနေကြီးက သံသယဝင်စရာကောင်းနေပြီ။

"ဟမ့်! မြို့တံခါးမှာတုန်းက ဖြစ်သွားခဲ့တဲ့ မျှော်မှန်းမထားတဲ့ကိစ္စကြောင့်သာ မဟုတ်ဘူးဆိုရင် အဘိုးကြီး မိုလန်း ကောင်းကင်အနားသတ်မြို့ထဲမှာ ပုန်းအောင်းနေတာကို အဆုံးထိ သိိလိုက်ရမှာမဟုတ်ဘူး။ သူ အခု ကိုယ်ယောင်ထွက်ပြရတယ်ဆိုတော့ ယောင်ကျုံးကြောင့်ဖြစ်မယ်။ သီနိုမိသားစုရဲ့ သခင်လေးက မိုလန်းကို တော်တော်စိတ်ဆိုးသွားလို့သာ ဖြစ်ရမယ်၊ အဲ့တာကြောင့် သူက ကျူးလွန်သွားတဲ့သူကိုရှာဖို့အတွက် သူ့ကိုယ်သူ ကိုယ်ယောင် ထွက်ပြရတော့တာ။ အဲ့ဒီ့အဘိုးကြီးက သီနိုမိသားစုရဲ့ အတော်ဆုံးကျင့်ကြံသူတွေထဲက တစ်ယောက်ပဲ။ သူ လှုပ်ရှားလာပြီဆိုတော့ ကောင်းတာတွေတော့ ဖြစ်လာမှာမဟုတ်တော့ဘူး။" ဟွမ်ရဲရဲ့ မျက်နှာအမူအယာက ပိုလို့နက်မှောင်လာ၏။ အဲ့တာကြောင့်လည်း သူတို့က ကောင်းကင်စိတ်ကူးမိသားစုရဲ့ပိုင်နက်ထဲကို ဝင်စွက်ရဲတာ၊ ဘာလို့လည်းဆိုတော့ အဘိုးကြီးမိုလန်း ရှိနေတာမို့ပဲ။

"သူတို့က ငါတို့ကို ရှာနေတာလား?"

ဖုန့်ရှီက ရုတ်တရက် ရှေ့ထွက်လိုက်တာကြောင့် ဟွမ်ရဲနဲ့ ကျုံးဝူချင်းတို့ လန့်သွားရသည်။ ကံကောင်းတာက သူတို့က သာမာန်လူတွေမဟုတ်တာမို့ ခပ်မြန်မြန် ပြန်သတိဝင်လာ၏။ ဖုန့်ရှီဆိုတာ သူတို့ သိသွားတော့ သူတို့ရဲ့ မကျေနပ်တဲ့အမူအယာကို ချက်ချင်း ပြန်ထိန်းလိုက်သည်။