အာဏာရှင်ငရဲမင်းကြီးနှင့် သူ၏အချစ်ကလေး (၁)

124. Feng Xi's Luck

ဟွာမိသားစုအနေနဲ့ ဆူးလားမိသားစုက ဒီဖြစ်ရပ်ကနေ ဒီလောက် နာမည်ဂုဏ်သတင်း ကြီးသွားလိမ့်မယ်လို့ တွေးတောင်မတွေးထားမိခဲ့။

သူတို့သာ သိခဲ့မယ်ဆိုရင် သူတို့ သေလုမတတ် သွေးအန်သွားမှာဖြစ်သည်။ သူတို့တွေ တကယ်ကို သေချာမဆန်းစစ်ပဲ အလောသုံးဆယ် ဆုံးဖြတ်ချက် ချခဲ့မိပြီး ဆူးလားမိသားစုကို သွားတိုက်မိတာပဲ!

ပြင်ပမှာတော့ သတင်းက တောမီးပမာ ပျံ့နှံ့သွားပေမဲ့ ဆူးလားမိသားစုအတွင်းမှာတော့ အတော်ကို ငြိမ်သက်နေသည်ပင်။ အကြောင်းရင်းကတော့ အခြားမဟုတ်၊ ဖုန့်ရှီက ကြီးမြတ်တဲ့ပုဂ္ဂိုလ်ကို ပင့်ဖိတ်ခဲ့တာကြောင့်ပဲဖြစ်သည်။ ကောင်းကင်နယ်ပယ်ဆင့်လူတွေတောင်မှ သူ့ကို မဖိတ်ကြားနိုင်ပေမဲ့ သူကတော့ ဒီတောင်ကြားသေးသေးလေးတစ်ခုအတွင်း ကြွချီသက်ဆင်းလာခဲ့သည်။ အကြီးအကျယ် အံ့အားသင့်စရာပင်!

အကျိုးဆက်အနေနဲ့ ဆူးလားမိသားစုက အောင်နိုင်သူဖြစ်သွားပေမဲ့ တောင်ကြားထဲမှာ ဘယ်သူကမှ မပျော်ပါးရဲကြ။ ပျော်ရွှင်မှုစိတ်ခံစားချက်တွေ ဆောင့်တက်နေတဲ့လူငယ်လူရွယ်တို့အဖို့တော့ အဲ့တာက အရမ်းကို ခက်ခဲလှတာဖြစ်သည်။ သူတို့အနေနဲ့ နဂိုပုံမှန်လျောက်နေကြလိုမျိုးတောင် လမ်းရဲရဲမလျောက်ရဲကြ၊ ငရဲမင်းကြီးကို မပျော်မရွှင်ဖြစ်အောင် ပြုမိမှာစိုးတာကြောင့် သူတို့မှာ အသံကျယ်ကျယ်တောင် မဟရဲကြဘဲ အချင်းချင်း တစ်ယောက်နား တစ်ယောက် တီးတိုးသာ တွတ်ထိုးရဲကြ၏!

ကာလွမ်သလာနဲ့သူ့အဖွဲ့တောင်မှ ဒီအခြေအနေမျိုးမှာ ဘာမှမကူညီနိုင် ဘာမှမလုပ်နိုင် ဖြစ်နေကြတာဖြစ်သည်။ အဆုံးမတော့ ငရဲမင်းကြီးကို သူတို့မြင်ထားတဲ့အမြင်က အလွန့်အလွန်ကို ခမ်းနားကြီးကျယ်မြင့်မြတ်တယ်လို့ ခံယူထားတာကြောင့ သူတို့ လူကိုယ်တိုင် ဖူးတွေ့ခွင့်ရတဲ့အချိန်မှာတော့ အစစ်အမှန်လို့ ခံစားလို့မရဖြစ်နေတော့သည်။ ဒဏ္ဍာရီလာ ဘုရင်မင်းကြီးအရှေ့မှာ သူတို့အလုပ်ကို သူတို့ ဂရုတစိုက် စိုးတရွံ့ရွံ့နဲ့သာ လုပ်နေရဲကြတော့သည်။ အဲ့လိုအခြေအနေမျိုးမှာ သူတို့အားလုံး ထိတ်လန့်အံ့အားသင့်နေကြတာမို့ ဘယ်သူကမှလည်း သူတို့ကို အပစ်မတင်နိုင်!