အာဏာရှင်ငရဲမင်းကြီးနှင့် သူ၏အချစ်ကလေး (၁)

113. Liuli Beast

ဒါပေမဲ့ အက်ကွဲကြောင်းတစ်ခုက သူ့အရှေ့တိတ်တဆိတ် ပေါ်လာတော့သည်။ အဲ့နောက် သားရဲတစ်ကောင်က သူ့ရဲ့ ကြီးမားတဲ့ လက်သည်းနဲ့ အနက်ဝတ်လူကို ပြင်းပြင်းထန်ထန် ရိုက်လိုက်ပြီး အေးစက်စက်ပြောလိုက်သည၊ "နောက်ပြန်ဆုတ်လိုက်!"

အနက်ရောင်အလင်းတန်းဖြစ်နေတဲ့ အနက်ဝတ်လူက ချက်ချင်းပဲ မျက်နှာအမူအယာ ပျက်ယွင်းသွားပေမဲ့ အားလုံးက ရုတ်တရက် ဖြစ်ပေါ်လာတာဖြစ်တာကြောင့် သူ့မျက်နှာ အရိုက်ခံလိုက်ရတာကို သူ ကြည့်ပဲ ကြည့်နေနိုင်တော့သည်။

အနက်ဝတ်လူက ဖုန့်ရှီအရှေ့ဘက်က မြေကြီးပေါ် ပြိုလဲကျသွားပြီး သူ့ပတ်လည်က အနက်ရောင်မြူခိုးတွေက ကောင်းကင်ဖြိုဖျက်သားရဲကြောင့် ပျောက်ကွယ်သွားပြီဖြစ်သည်။ အဲ့နောက် နောက်ဆုံးတော့ သူ့မျက်နှာ ပေါ်လာ၏။ လူကြီးက လေးထောင့်မျက်နှာရှိကာ မျက်ခုံးထူထူနဲ့ ယောက်ျားပီသသော သွင်ပြင်ရှိသည်။ ဒါပေမဲ့ သူ့နဖူးပတ်လည်က အနက်ရောင်အငွေ့တွေက သူ့မျက်နှာကို မှုန်ဝါးနေစေပြီး အကျည်းတန်သွင်ပြင် ဖြစ်နေစေသည်။ သူ ဆိုးဆိုးဝါးဝါး ဒဏ်ရာရသွားပြီးနောက် သူ့မျက်နှာကလည်း လုံးဝကို ဖြူလျော်သွားတော့သည်။

"ယန်ကျန်း?" ကျင်းပါးလားက အဲ့မျက်နှာကို မြင်တဲ့အခါမှာ ချက်ချင်း ထအော်လိုက်၏။

သူ့အသံက လူတိုင်းရဲ့အာရုံကို ဆွဲဆောင်လိုက်ပြီး သူတို့အားလုံးက သိချင်စိတ်နဲ့ ကြည့်လိုက်ကြသည်။ ကြည့်ရတာ ကျန်းပါးလားက အနက်ဝတ်လူကို သိနေပုံရ၏။

ယန်ကျန်းက နတ်ဘုရားဥဿျှောင်နယ်ပယ်အဆင့် ပညာရှင်ဖြစ်ပြီး အနက်ဝတ်လူရဲ့လက်ပေါ်မှာ သေဆုံးသွားခဲ့တာဖြစ်သည်။ အဲ့အချိန်တုန်းက ယန်ကျန်းရဲ့အသားတွေ အရေခွံချွတ်ခံရပြီး အရိုးခည်းသပ်သပ် ကျန်တော့တာကို လူတိုင်း မျက်မြင်တွေ့ခဲ့ကြသည်။ အဲ့တာဆို အခု သူတို့အရှေ့က လူက ဘယ်သူလဲ?

"အဖေ၊ သူက တကယ့် ယန်ကျန်းအစစ်မဟုတ်ဘူး။ ယန်ကျန်းက သေသွားတာကြာပြီ။ ကျွန်တော် ပြီးမှ ရှင်းပြပေးမယ်။" ကာလွမ်သလာက သူ့အဖေရဲ့ သံသယကို သိပေမဲ့ အမှန်တရားကို ရှင်းပြဖို့ အချိန်ကောင်းမဟုတ်သေးပေ။