My Lost Husband (Cousinhood Series 4)

CHAPTER FIVE

🌷🌷🌷

"PINEAPPLE JUICE for a beautiful lady." Ibinaba ni Alex ang isang baso sa mesa na malapit sa beach bed na kinahihigaan niya.

Tumingin siya sa pinsan at ngumiti. "Thanks."

"Don't mention it." Umupo sa katabi niyang beach bed ang pinsan. May hawak din itong baso na fruit shake.

"Where's Cole?" Iniikot niya ang tingin sa paligid.

"Bumalik siya ng hotel room. Nandito din pala ang best friend niya." May ininguso ang pinsan.

Tumingin siya sa itinuro nito. May nakita siyang isang babae na nakatayo di kalayuan sa kanila kasama ang isang lalaki. Kung tama ang pagkaka-alala niya ay si Maria Clara Alonzo ang babae at ang kasama nitong lalaki ay si Kurt Adam Lopez. Walang nakaka-alam sa mga dating kaklase ng pinsan na bumalik na ito ng bansa. Na dalawang taon lang naman ito sa U.S. Cole been hiding to Clara ever since. Kahit sila ay iyon din ang gustong gawin ng pinsan dahil isa si Clara sa mga naging dahilan ng pagkakasakit nito.

"Hays! Si Cole na naman ang mag-aadjust para sa kanya." Inalis niya ang tingin sa dalawang taong hindi niya gusto at uminum na lang ng pineapple juice niya.

Isang malalim na paghinga ang ginawa ni Alex. "Akala ko talaga ay magiging masaya si Cole sa bakasyon natin na ito. Kaya nga pinilit ko siyang manatili kahit isang linggo lang dito sa Pilipinas at ipagpaliban muna niya ang pagpunta ng America. Iyon din pala ay hindi."

Hind siya nagsalita. Muli lang siyang napatingin sa dalawang tao. Mamaya pa ay may pumasok sa kanyang isipan. Inilapag niya ang hawak na juice sa mesa. Tumayo siya at inayos ang sarong na nakatali sa kanyang baywang. Two-piece swim suit na kulay brown ang suot niya. Pansin na pansin ang hugis ng kanyang katawan. Iyong maliit na abs niya ay pansin na pansin din. Kahit na nasa kolehiyo pa lang ay talagang nasa ayos na ang hubog ng kanyang katawan.

Inalis niya ang pagkakatali ng kanyang buhok. Hinayaan niyang tangayin ng hangin ang mahaba at brown. Tumingin siya sa pinsan.

"I play with the waves," aniya.

Salubong ang kilay na tumingin sa kanya si Alex. Hindi ito nagsalita at hinayaan lang siya. Naglakad na siya papunta sa dagat. She walks like a runway model. Nasisigurado niyang nakatingin sa kanya ang lahat ng kalalakihan. Binaliwala niya iyon at pinunto ang taong nais niyang makapansin sa kanya. Nang malapit na siya sa mga ito ay sabay na tumingin sa kanya ang mga ito. Nang umiwas ng tingin ang babae ay pinakatitigan niya ang lalaki.

Isang mapang-akit na ngiti ang ibinigay niya. Lalong hindi maalis ng lalaki ang tingin sa kanya. She flips her hair and come closer to the man. Nang dumaan siya sa harap nito ay isang mapang-akit na tingin ang ginawa niya. She wanted him to know that she is interested to him. Ashley feels so satisfied when she touch the hands of the man. Tingnan natin kung anong susunod na gagawin ng isang Kurt Adam Lopez. Nilampasan niya ang dalawa na parang hindi nagkadikit ang katawan nilang dalawa ng lalaki.

Nakatatlong hakbang palang ang layo niya sa kay Clara at Kurt ng may humawak sa kamay niya. Sisinghalan na sana niya ang pangahas ng makita na si Lorenzo ang nakahawak sa kamay niya. Binuhusan ni Lorenzo ang kamay niya ng mineral water na hawak.

"Ano ba?" singhal niya dito ng maramdaman ang tubig sa kamay niya.

"No one should flirt with my wife." Malakas ang boses na sabi nito. Tumingin pa ito sa direksyon ni Clara at Kurt.

Nanlaki ang mga mata niya. Anong sabi nito? Wife. Tinawag siya nitong asawa? Nababaliw na ba ang lalaking ito. Napahakbang pa-atras si Ashley ng inilapit ni Lorenzo ang katawan sa kanya pero mabilis na hinawakan nito ang magkabilang braso niya. Pigil ang hininga na tumingin ang dalaga sa binata na ngayon ay sobrang lapit sa kanya.