ဇာတ္လိုက္နဲ႔ဗီလိန္အားေမြးစားပ်ိဳးေထာင္ျခင္း (Uni & Zaw) [✓]

99❇️ ကိုယ့်အနမ်းက မကောင်းတာလား?

Unicode

ဇောင်ယုဟွမ် ကတံခါးလက်ကိုင်ကို ကိုင်လိုက်သည်။

ဟုန်ချန်းမင်း ကသူမလှုပ်ရှားမှုနောက်ကို လိုက်ကြည့်ရင်း ပြုံးလိုက်သည်။ “တံခါးကို ကိုယ်လော့ခတ်ထားတယ်”

ဇောင်ယုဟွမ် : “!!!”

ဒါကဘာလဲ?

ရုတ်တရက်ကြီး သူရူးသွားတာလား?

သို့သော် ဟုန်ချန်းမင်း ကသူ့အရင်စကားကို ဆက်မပြောပဲ အတွေးထဲကအတိုင်း မေးလိုက်သည်။ “အဲ့ဒါရိုက်တာလီ က ဟွမ်ဟွမ့်ကို ဘာပြောခဲ့လဲ? အဲ့ဒါတွေက ချီးကျူးတာနဲ့ ကောင်းတဲ့စကားတွေပဲ ဖြစ်လိမ့်မယ်၊ ဘာကြောင့်ဆို လီဂျင်းယွမ် ကိုချော့ဖို့အတွက် ဟွမ်ဟွမ် ပဲရှိတာကို”

ဟုန်ချန်းမင်း ကဂီယာထိုးလိုက်သည်။ သူက ရှေ့ဘက်ကိုသာ ကြည့်နေရင်း တည်ငြိမ်စွာဖြင့် မောင်းလိုက်ကာ ပြောလိုက်သည်။ “ဟွမ်ဟွမ့် ကိုကိုယ့်ဆွေမျိုးတွေဆီ ခေါ်သွားရင် သူတို့က ဆိုးရွားတဲ့အရာတွေပဲ ပြောလိမ့်မယ်၊ သူတို့ကို လွှတ်ပေးဖို့အတွက် မင်းဆီက ငွေတောင်းတာ၊ ဒါမှမဟုတ် သူတို့အတွက် မင်းကိုအသနားခံတာတွေပဲ လုပ်လိမ့်မယ်”

အသနားခံတာ?

ဇောင်ယုဟွမ် ကထိုစကားကြောင့် တွေးသွားခဲ့သည်။

ဟုန်ချန်းမင်း ကသူတို့ကို တစ်ခုခုလုပ်ခဲ့လို့လား?

ဇောင်ယုဟွမ် ကအံ့ဩသလို မခံစားရပေ။

မူလဇာတ်ကြောင်းတွင် ဟုန်ချန်းမင်း ရဲ့ဆောင်ပုဒ်က ‘မျက်လုံးအတွက် မျက်လုံး၊ သွားအတွက် သွားပဲ’

အရင်က ဟုန်ချန်းမင်း ကသူ့မိဘတွေ သေသွားပြီး သူ့ဆွေမျိုးတွေက သူ့ကိုမိဘမဲ့ဂေဟာဆီ စွန့်ပစ်လိုက်တယ်လို့ ပြောခဲ့သည်။ သူတို့ရလဒ်က ဘယ်လိုပဲဖြစ်ဖြစ် သူတို့လုပ်ရပ်ကြောင့် ထိုက်တန်သည်။

ထို့ကြောင့် ဇောင်ယုဟွမ် ကပေါ့ပါးစွာ ရယ်လိုက်သည်။ “အင်း၊ ရှက်စရာပဲ။ တစ်နေ့မှာ သူတို့နဲ့သာ တွေ့ခဲ့ရင် သူတို့အတွက် သနားပေးမှာမဟုတ်ဘူး”

ဟုန်ချန်းမင်း ရဲ့အမူအရာက အနည်းငယ်လျော့သွားပြီး မေးလိုက်သည်။ “ဘာကြောင့်လဲ?”