ဇာတ္လိုက္နဲ႔ဗီလိန္အားေမြးစားပ်ိဳးေထာင္ျခင္း (Uni & Zaw) [✓]

97❇️ သူကဇာတ်လိုက်လေ!

Unicode

သို့သော် လက်တွေ့တွင် အရင်က တစ်ခါသာ ဗိုက်အောင့်ဖူးသည်။ ဒါက အလယ်တန်းတုန်းက ဖြစ်ပြီး ဟုန်ချန်းမင်း ကသူမကို စားဖို့အတွက် အိမ်သို့ကျောပိုးကာ ပြန်သယ်သွားခဲ့သည်။ နောက်ပိုင်းတွင် သူမအား အချိန်မှန်စားဖို့ မိသားစုဆရာဝန်က ပြောခဲ့သည်။ ဒီအကြောင်းကို သူက နှစ်အများကြီး ကြာပြီးတာတောင် မှတ်မိနေတုန်းပဲလား?

ထိုအချိန်တွင် ဇောင်ယုဟွမ် ကသူမနှလုံးသားတွင် နားမလည်နိုင်သည့် တစ်စုံတစ်ခုကို ခံစားလိုက်ရသည်။

သူတို့နဲ့ အချိန်အကြာကြီး နေခဲ့တာကြောင့် သူမရဲ့အကဲဖြတ်နိုင်မှုက ရှုပ်ထွေးလာခဲ့သည်။ အချိန်ကုန်လာသည်နှင့် သူတို့က သူမအား ကောင်းကောင်း ဆက်ဆံပေးတာကြောင့် သူတို့အပြုအမူတွေက ထူးဆန်းနေတာကို သူမအာရုံမစိုက်မိတာက အကျင့်လိုဖြစ်နေခဲ့သည်။

အမေက သူတို့အတွက် ဘယ်လိုချက်ပြုတ်ပေးလဲ၊ သူတို့အဝတ်တွေကို လျှော်ဖွတ်ပေးတာတွေကို မမှတ်မိနိုင်တာနဲ့ တူနေသည်။

သူမက ထိုအရာကို သတိပြုမိခဲ့သော်လည်း နောက်ပိုင်းတွင်တော့ ထူးခြားသည့် အရာလိုမျိုး မခံစားခဲ့ရပေ။

သို့သော် ဟုန်ချန်းမင်း ကတခြားလူတွေရှေ့ ကင်မရာရှေ့တွင် ပုံမှန်လို ထုတ်ပြောလာချိန်တွင် ဇောင်ယုဟွမ် ရဲ့ရင်ဘတ်က တောင့်တင်းလာပြီး ငိုချင်သလို ဖြစ်လာခဲ့သည်။

ဇောင်ယုဟွမ် ကသူမလက်နဲ့ မျက်လုံးတွေကို ပွတ်သပ်လိုက်ပြီး ဆက်ကြည့်လိုက်သည်။

လီဂျင်းယွမ် ကလည်း ထိုအင်တာဗျူးကို ကြည့်နေခဲ့သည်။

ဝေ့ကျဲ နဲ့သူ့လက်ထောက်ကလည်း တစ်ခန်းထဲ သူ့ဘေးတွင် ကြည့်နေခဲ့သည်။

“မစ္စတာဟုန် ကမစ္စဇောင် အပေါ်အရမ်းကောင်းတာပဲ” အမျိုးသမီး လက်ထောက်က ပြောလိုက်သည်။ “သူ့လို အစ်ကိုကြီးမျိုး ရှိချင်လိုက်တာ”

လီဂျင်းယွမ် ကဗီဒီယိုကို ပိတ်လိုက်ပြီး ရုတ်တရက် သူ့ခေါင်းကို လှည့်လိုက်သည်။ “ငါကကော ဟွမ်ဟွမ့် အပေါ် မကောင်းပေးလို့လား?”