Unicode
ဟုန်ချန်းမင်း ရဲ့မျက်လုံးတွေက ပြောင်းလဲသွားသည်။
“သူက ထူးချွန်နေတဲ့ လူဆိုရင်တော့ လီဂျင်းယွမ် နဲ့ငါက သူ့ကို တားမှားမဟုတ်ဘူး။ ဒါပေမဲ့ မင်းကကော?”
ဝမ်ယောင်ချန်း ကလည်ချောင်းထဲကို သွေးတွေရောက်လာသလို ခံစားလိုက်ရသည်။
သူက လုံလောက်အောင် မထူးချွန်သေးဘူးလား?
သူက “အကောင်းဆုံး သရုပ်ဆောင်” ဆိုတဲ့ ခေါင်းစဉ်ကိုတောင် လက်ခံရခဲ့ပြီး ရှိုးပွဲ၊ ဇာတ်ကားတွေ၊ ဖန်တွေဆီကနေ ရခဲ့တယ်။
သူက မထူးချွန်ဘူးလား?
ဝမ်ယောင်ချန်း ကသူ့နှလုံးသားထဲမှ ဒေါသတွေကို မဖိနှိပ်နိုင်ပေ။
“ဒါကို မနေ့တုန်းက လီဂျင်းယွမ် နဲ့ပြောပြီးသွားပြီ၊ ဒီနေ့ကျတော့ မစ္စတာဟုန် နဲ့ထပ်ပြောရပြန်ပြီ။ ငါက ထူးချွန်တဲ့ လူတစ်ယောက် မဟုတ်ဘူး။ ငါက ယုဟွမ် အတွက်လုံလောက်အောင် မကောင်းပေးနိုင်ဘူး။ ဒါဆို ဘယ်သူလဲ? မစ္စတာဟုန် မင်းကိုယ်တိုင်လား၊ ဒါမှမဟုတ် သူ၊ လီဂျင်းယွမ် လား?”
ဒါက အဓိကဖြစ်သည်။
ဟုန်ချန်းမင်း ကသူ့ခါးမှ ပစ္စတိုကို ထုတ်လိုက်သည်။
ဝမ်ယောင်ချန်း ကရုတ်တရက် သူ့ကျောက ချွေးစေးတွေ ထွက်လာတာကို ခံစားလိုက်ရသည်။
ဇောင်ယုဟွမ် ကလန့်သွားပြီး အော်လိုက်သည်။
“အစ်ကိုချန်းမင်း၊ မလုပ်နဲ့!”
သို့သော် ထိုစကားကို ကြားလိုက်ချိန်တွင် ဟုန်ချန်းမင်း ကပိုဒေါသထွက်သွားသည်။ ယုဟွမ် ရဲ့အတွေးတွေကို သူ မစဉ်းစားနိုင်ပေ။
သူမက တကယ်ပဲ ဝမ်ယောင်ချန်း ကိုသဘောကျနေတာလား?
ဟုန်ချန်းမင်း ရဲ့အကြည့်တွေက ရုတ်တရက် ပိုအေးစက်လာပြီး သေနတ်ကို ကိုင်ထားရင်း ဝမ်ယောင်ချန်း ရဲ့ခေါင်းကို ချိန်လိုက်သည်။
ဇောင်ယုဟွမ် ကတခြားလူ တစ်ယောက်အတွက် တောင်းပန်လာမှာကို သူကြောက်သည်။
ဝမ်ယောင်ချန်း ရဲ့စကားတွေက ဇောင်ယုဟွမ် ရဲ့သံသယတွေကို နှိုးဆွမိမှာလည်း ကြောက်သည်။
CZYTASZ
ဇာတ္လိုက္နဲ႔ဗီလိန္အားေမြးစားပ်ိဳးေထာင္ျခင္း (Uni & Zaw) [✓]
Romansေဇာင္ယုဟြမ္ ကဝတၳဳဇတ္လမ္းထဲ ကူးေျပာင္းသြားခဲ့ၿပီး ေၾကကြဲဖြယ္ဇာတ္လမ္းနဲ႔ အဆံုးသတ္သြားခဲ့တဲ့ ဇာတ္ပို႔အမ်ိဳးသမီး ဇာတ္ေကာင္ေနရာကို ေရာက္႐ွိခဲ့သည္။ ဇာတ္လိုက္က ေအာင္ျမင္တဲ့သ႐ုပ္ေဆာင္ျဖစ္လာၿပီး ဗီလိန္ကေတာ့ အင္အားေတာင့္တင္းတဲ့ စီပြားေရးလုပ္ငန္း႐ွင္ ျဖစ္လာခဲ့...