إسكريبت
أغلال الشهوات
ضيق فِكري مُجتمعي يؤدي للهلاك
قُصي : أنتِ لسه مبطلتش القرف ده يا داغر ؟
اعتدل في جلسته وهو يغلق اللاب توب ويردف بعجز
داغر : مش قادر يا قصي بجد .
قُصي : متخليش نفسك تغلبك فكر في ربنا فكر في صحتك الي أنتَ بتعمله ده لي أضرار كبيرة عليك نفسياً وجسدياً .
داغر : باللَّه عليك يا قُصي أنا مش حِمل أي كلام دلوقتي .
تركه صديقه متمنياً أن يهديه اللَّه ويبعد عنه كل شر ، وفي اليوم التالي ذهبت قُصي لصديقه فوجده يبكي
قُصي : مالك يا داغر بس ؟؟!
داغر : أنا تبعت يا قُصي تعبت أوي ، قرفت من إلي أنا فيه ده نفسي أبطل ومش قادر .
قُصي بصوت باكي : أهدى يا داغر باللَّه عليك وإن شاء اللَّه خير ، أنتَ مادام أعترفت أنه في مشكلة فحلك سهل إن شاء الله .
داغر : سهل إزاي يا قُصي بس ؟!
قُصي : هتروح لدكتور نفسي يساعدك تخرج من إلي أنتَ فيه ده ، أنتَ محتاج حد جمبك يساعدك وأنا كمان في ضهرك يا داغر متقلقش .
أحتضن داغر صديقه وهو يود حقاً أن يُشفى و يتعافي مما هو فيه .
__________________
في اليوم التالي ذهبوا للطبيب ، أنتظر قُصي في الخارج بينما دخل داغر بعد انتظار دام لـ ٢٠ دقيقة
الطبيب : أتفضل يا أستاذ داغر او ممكن نخليها داغر بس احنا سننا قريب من بعض ، احكيلي يا داغر إيه مشكلتك ؟
داغر بوجع : مشكلتي إني مدمن إباحية وعادة سيئة من وقت ما كان عندي ١٥ سنة .
الطبيب : وأنتَ عندك كام سنة دلوقتي ؟
داغر : ٢٤
الطبيب : بقالك تسع سنين ، طيب إيه سبب الإدمان ده أو مين إلي عرفك على الطريق ده ؟
داغر : صاحبي في إعدادي كان عنده كومبيوتر ، كان أبوه بيحمل الأفلام دي ، وخدني أنا و واحد صاحبنا مرة اتفرجنا عليها ومن وقتها بقينا كل أسبوع نروحله البيت ونتفرج معاه كنا صغيرين ولسه بنكتشف أساساً يعني إيه علاقة بين راجل وست و بنكتشف شهواتنا وكل الكلام ده
وللأسف بدأنا بداية غلط وأثرت علينا كتير .
الطبيب : أثرت عليكوا من ناحية إيه ؟
داغر : يعني مثلا كان كل صحابنا يروحوا يلعبوا كرة إلا إحنا وكل صحابنا كانوا بيذكروا إلا إحنا مكنش عندنا طاقة لأي حاجة لدرجة أنه إحنا شي سقطتنا في أولى ثانوي ، وكبرت شوية شوية فبقيت أحس إني بقيد نار ومش عارفة أطفيها جوايا وطبعاً مكنش في مقدرتي اني أتجوز في وقتها ولا كان حد هيقبل بيا أصلاً ، حياتي اسودت فشلت في كل حاجة في حياتي دراسة وشغل وعلاقتي بأهلي كل حاجة حرفياً وتعبت ومبقتش عارف أعمل إيه .
الطبيب : أنتَ يا داغر عندك العزيمة إنك تتغير وده دليله وجودك هِنا ، فأحنا هنبدأ بأول حاجة انك لازم تعرف أنه ده حرام وأظن انك عارف ده .
داغر بخجل من نفسه فهو يعلم هذا و مستمر في ممارسته : أيوة .
الطبيب : يبقى هنبدأ بأنك تبعت عن أي مُثيرات ، زي الأفلام والصور أو أي حد بيتكلم معاك كلام خارج عن بنات وكده ، تمام ؟ أنا عارفه أنه الموضوع هيبقى صعب جدا في الأول بس أنتَ قدها إن شاء الله ، وكمان هتدخل عادات جديدة ليومك وتستغل الفراغ لأنه قاتل " نفسك إن لم تشغلها بالحق شغلتك بالباطل" ، العب رياضة وأتعلم عن دينك اكتر ، انتظم على الصلاة ، اقرأ قرآن ، اتعلم مهارة جديدة اشغل وقت فراغك بأي طريقة ممكنه يا داغر .
داغر : حاضر يا دكتور .
الطبيب : وأنا إن شاء الله معاك وهفضل متابعك بالموبايل و كمان في جلسات أسبوعية أو شهرية زي ما تحب ، بس عندي سؤال أنتِ لي سكت على نفسك كل ده ، ليه محاولتش تطلب مساعدة حد ؟
داغر بسخرية : مساعدة مين بس يا دكتور وحَد اللَّه ، ده أهلي إلي هما أهلي لكَ أن تتخيل رد فعلهم مش بعيد يتبورا مني عشان معرهمش و طبعاً صحابي والمجتمع كله هيكرهني لو طلبت مساعدة حد وهيشوفوني وحش ، إحنا في مجتمع مش بيرحم ما بيصدقوا تغلط بس غلطة عشان يطلقوا أحكامهم عليك و يثبتولك إنك شيطان مينفعش تعيش في وسطهم .
الطبيب : للأسف أنتَ معاك حق ، خلاص كده إن شاء الله حدد ميعاد الجلسة وكلمني
داغر : إن شاء الله
خرج داغر من غرفة الطبيب
قُصي : ها عملت إيه
داغر : هحكيلك
قص عليه كل شئ فـ شجعه قُصي قائلاً : وأنا كمان مش هسيبك يا داغر هساعدك وهقف جمبك لحد ما تتعالج إن شاء الله .
نظر داغر لصديقه بإمتنان وهما يعودا إلي المنزل
_______________
مر أسبوع كام على داغر دون أن يمارس أياً من تلك الأشياء ، ولكنها كان أسبوع قاسي اتصل به الطبيب ليطمئن عليه
الطبيب : عامل إيه يا داغر ؟
داغر : الحمد لله يا دكتور.
الطبيب : ها إيه الاخبار ؟
داغر : كويس ، بس حاسس اني قربت أضعف تاني مش قادر بجد !
الطبيب : بص يا داغر أبعد أي وسيلة تقدر توصل بيها للحاجات دي لابتوب موبايل أي حاجة ومتقعدش لوحدك نهائي ، وكل ما تحس إنه أنتَ عايز تعمل حاجة كده أستنشق المياة من أنفك لحد ما تحس بصداع كده الموضوع ده بيطفي الشهوة أو خد شاور ، صحيح منتظم على الصلاة ؟
داغر : اه الحمدلله .
الطبيب : يبقى تمام جداً ، خليك دايماً متوضي لإنك هتتكسف تعمل حاجة من الحاجات دي طول مانت متوضي وعلى طهارة ،وأسمع دايماً حاجات تفكرك بربنا وخلي المصحف جمبك كل ما شيطانك يوزك إفتحه ، خليك قوي يا داغر وهتقدر إن شاء الله.
داغر : أنا مُتشكر ليك جداً يا دكتور .
الطبيب : تشكرني على إيه بس ده واجبي .
_________________
وبعد مرور ١٠٠ يوم من التعب والشقاء قد تعافى داغر تماماً من إدمان العادة السرية والإباحية
الطبيب : دلوقتي تقدر تعتبر نفسك تعافيت رسمي يا داغر ، مُبارك .
داغر : اللَّه يبارك في حضرتك يا دكتور .
خرج يستنشق الهواء الحُر هو الآن حُر لا تُكبله شهواته أو عادات قاسية تمتلكه صار إنسان جديد نقي وطاهر .
" تمت بحمد الله "
#رُميساء_عمرو
