" انا الي عمري ما اتهددت ولا مخلوق قدر يقف قصادي حتى والدي الله يرحمه ، جيه ابوكي وكسرني يا غيداء ولو اول مره اتجبر على حاجه وهي أنتِ ، وادفع تمن غلط مش غلطي واشيل ذنب مش ذنبي ، وطز في احلامي وحياتي عشان خاطرك أنتِ وابوكي يا غيداء هانم ، حقيقي انا مكرهتش حد في حياتي قده وربنا ما يسامحه على الي هو عمله فيا "
سرحت في اليوم من أوله كان يوم عادي ، سواق عند سليمان باشا رجل الأعمال وبقبض مرتب كويس كل شهر يكفيني انا ووالدتي ويساعدني افتح مشروعي الي انا نفسي في ، يوم عادي خالص لحد ما لقيت كامل ، وكامل يبقى ابن اخو سليمان باشا ، ودخل الفيلا وكان سليمان باشا مش موجود وغيداء بنته بس جوا ، مهتمتش لكن بعد فترة وسمعت صوت صريخ دخلت اجري جوا الفيلا وادور على مصدر الصوت ، لحد ما وصلت ولقيت كامل فوق غيداء وكل هدومها متقطعه وبيحاول يعتدي عليها ،
المنظر فور الدم في عروقي ومسكت كامل وضربته زي المجنون لحد ما هرب وجري ، وفي الوقت ده الحراس كانوا كلموا سليمان باشا وكان على وصول لأنهم سمعوا الصوت ، بصيت على غيداء لقيتها متكومه على نفسها وبتعيط وبتداري جسمها بملايه السرير ، وأدركت أنه اعتدى عليها فعلا وكان مكممها ولما عرفت تبعد صرخت وانا سمعتها
_ ابويا هيقتلني ابويا هيقتلني
لقتها اتشنجت وفضلت تقول " ابويا هيقتلني "
حاولت اطمنها
= يا آنسه غيداء اهدي مفيش حاجه وأنتِ ملكيش ذنب هو ابن عمك الحقير ده السبب وانا شوفته لما دخل وشوفته وهو بيعتدي عليكي والقانون في صالحك وتقدري ترفعي قضيه والحراس كمان تشهد و ...
• انت عايزها ترفع قضيه على ابن اخويا
= ايوه ده حقها ابن حضرتك اعتدى عليها ولازم يتعاقب .
اتكلم بغضب وانفعال
• ابن اخويا مش هيتحبس ولا شغلي انا وهو هيتأثر عشان خاطر الهبل الي انت بتقوله .
قرب من غيداء وبدأ يضربها بعنف ويجرها من شعرها وانا مقدرتش اسكت ، فزفيته بعيد عنها حتى لو هخسر شكلي مقدرش اسيبها كده
= ابعد عنها هي ذنبها ايه ؟!
• ذنبها انها بنت وانا هكرهها في اليوم الي اتولدت في .
= حضرتك المفروض انسان متحضر وبنتك اتعرضت لاغتصاب ، انا مش فاهم ايه القسوه والبرود ده .
• يا حنين ، طب ما مادام انت قلبك رهيف اوي كده اتجوزها .
= نعم ؟! اتجوز مين ؟؟!
• تتجوز غيداء انت الوحيد الي شوفت الي حصل ومش هسمح أنه مخلوق يعرف .
= وانا مش قذر عشان افضح عرض بنت !
• جو المثاليه ده انا مش بقتنع بي ، اخلص عايز كام ؟!
= انا ولا عايز فلوس ولا هتجوز بنتك ولا عايز اشتغل معاك حتى .
وجيت امشي فسمعته بيضحك بخبث وبيقولي
• طب وبالنسبه للست الوالده مستغني عن حياتها ؟
= ابقى فكر تقرب لامي وانا هوريك .
ضحك
• لا تصدق خوفت يلا ، انت لو منفذتش واتجوزت بنتي انا هخلص على امك عشان انا مفيش حد يقولي لأ
= الي عندك اعمله الله هو خير حافظ وهو ارحم الراحمين
• يعني ده اخر كلام عندك
