كسر كل حاجه في الاوضه
_ ابعدي عني يا شيخه حرام عليكي ، هو أنتِ قاصده توجعيني ، انا أتعبت كل حاجه تقارنيني بأي مذكر ماشي على الأرض ، غيرتي بتخنقك ، حبي ليكي تملك
كمل بصوت عالي وهو بيزقني
_ اتجوزتيني ليييه مادام انا مش عاجبك كده ، ليه يا مريم حرام عليكي ليه تجرحيني كده ، أنتِ حبيبتي الي اخترتها بين كل البنات مراتي الي متجوزها بقالي تلت سنين ، أنتِ واحده معرفهاش ولا حابب اعرفها واحده طماعه مش مُقدرة للظروف مش مريم الي اتجوزتها الي كانت بتراعي ظروفي و راضيه ، يا ستي اتسحملتي كتير بس مش كده
لو حياتي مش مناسبه ليكي متكمليش معايا لكن متوجعيش قلبي حرام عليكي .كسر الفازه بإيده
= إيدك يا قُصي اتجرحت !
مسك ايدي وحطها على قلبه
_ متجيش حاجه جمب الجرح الي هنا .
دموع نزلت ، قُصي إنسان حساس مش عارفه انا ازاي قلت له الكلام ده ، مسكت وشه بين أيدي وانا بمسح دموعه
= عشان خاطري متعيطش ، انا مستحقش تعيط عشاني انا غبيه والله العظيم انا غبيه مش فاهمه ازاي قلت كلامي ده انا والله مضغوطه و ..
_لا يا مريم أنتِ متغيره معايا بقالك فترة مش من انهارده أو امبارح ، انت مبقتيش شيفاني كفايه شكلك مبقتش املى عينك .ضحك بسخريه و انا ببصله بتوهان وبعيط دمرت بيتي بإيدي بسبب ماديات فارغه ، سند رأسه على الحيطه وهو مغمض عينه ، قمت جبت شنطه الاسعافات وقعدت جنبه على الأرض ومسكت ايدي وضمتد جروح أيده خلصت و بوست أيده وفضلت مسكاها ، وأدركت اني فعلا بعيد بعيد عنه اوي ، وفي الفترة الأخيرة ممسكتش ايده زي في أول جوازنا ولا بقيت بحضنه اول ما يرجع من الشغل زي ما اتعود، اديته الحب والحنان وفاجأة سحبتهم منه ، وهو استحمل معايا كتير واستحمل طيشي وعدم نضجي ، وعدم رغبتي في الخلفه ، وكان الملاذ الي بستخبى في من العالم كله ، ازاي اهجر وطني بالقسوة دي ازاي اول ما ابدء اكون شخصيه يكون هو أول واحد يتئذي منها ازاي قُصي حبي حياتي اعمل في كده ، انا امتى بقيت قاسيه بالشكل ده ، انفجرت من العياط لاني مش قادرة استحمل كم البشاعه الي انا بقيت فيها
= انا وحشه اوي يا قُصي انا وحشه اوي .
_ أنتِ هبلة يا مريم اي حد يقدر يلعب بعقلك ويوديكي ويجيبك ، هو أنتِ مفكره لو انا عارف أنه كلامك ده قصداه أو نابع منك كان زماني قاعد جمبك وسايب لك ايدي وحالي ، أنتِ بنتي الي ربتها من وهي في ابتدائى وفاهمك وفاهم دماغك ، أنتِ بالنسبه لي كتاب مفتوح يا مريم حافظه زي مانا حافظ اسمي .كملت عياط ، وافتكرت كلام صحابي وانه اي بنت تستحق أنها تعيش في مستوى كويس ، وكل أمنيتها لتحقق ، ولعنت غبائي لانه دول بيدورا على ماده مش على راجل وقُصي عندي بكل الرجاله الي في الدنيا ، حضنته وانا بعيط وسندت راسي على كتفه عنده قلبه ، دموعي غرقت هدومه
= أنت عندك حق انا غبيه ووحشه انا بهبلي جرحت كل حياتي ، وسبت شويه بنات تافهه تأثر عليا واول ما اجرح حد يبقى أنت الي استحملتني في اسوء حالاتي ، انا غبيه اوي بس بحبك والله بحبك يا قُصي .
_ مبقتش عارف اقولك وانا كمان يا مريم
مبقتش عارف !بصيت لعينه وانا بعيط ، لقته بيبصلي بانكسار ووجع
غطيت ايدي بوشي وانا بعيط وكأن الدموع بتخرج من روحي_ ممكن تبطلي عياط المفورض انا الي زعلان وانا الي مجروح منك مش العكس !
= انت بقيت بتكرهني يا قُصي مش كده ؟!
_ مين قال كده ؟
= أنت قلت لي مش عارف اقولك وانا كمان معناها انك مش بتحبني ، خلاص كرهتني يا قُصي انت كرهتني خلاص .
كملت عياط
_ طفله الله الوكيل طفله .
مسح دموعي بايده
_ مكرهتكيش يا مريم ، بس انا موجوع منك وأنتِ جيتي على كرامتي فمش قادر اقولك بحب بالسهولة دي .
= طب ممكن نتفق اتفاق ؟
_ طيب .
= ايه رأيك تديني فرصه اسبوعين اصلح الي كسرته ؟
_ الي اتكسر مش بيتصلح يا مريم .
= هيصلح يا قُصي صدقني .
طول الاسبوعين مسبتش طريقه تعبر عن حبي الا وعملتها من كلام لافعال ، حاولت اثبتله أنه انا الي حصلي كانت مجرد كعبله بس انا مريم بنت عمته الي حبها من ابتدائي ، ولاني عارفه قُصي وازاي أكسبه عدى الاسبوعين وكان الي حدا ما صفي من ناحيتي ، وبحمد ربنا اني أدركت غلطي قبل ما بيتي ينهار وحب عمري يبعد عني .
_ بعد سنه _
جهزت الغدا وحطيت الطبق الصغنن على السفرة جمب طبق قُصي ، وجيه قُصي من الشغل جريت عليه حضتنه زي ما بقالي سنه بعمل ، قعدنا وقصي شاف الطبق والمعلقه الصغننين
_ ايه ده ؟!
= أصل انا مستينه ضيف هيوصل كمان ٦ شهور .
_ مريم أنتِ ؟!
= انا حامل يا قُصي خلاص عقده وخوف الخلفه دول انتهوا طول مانت جمبي انا مش خايفه من حاجه واقدر اقف قصاد الدنيا كلها .
حضني وهو بيقولي
_ انا بحبك يا مريومتي ! ♥
= وانا كمان يا قلب مريومتك. ♥
" وياك نسيت حبيبي عمري كام
ونسيت حاجات كتير عشان بحبك
بقى شئ طبيعي بينا في الكلام بين كلمتين بقول بحبك ♥ "_ رُميساء عمرو .. "