_ يا آنسة دَه مكاني
بصتله ببرود
_ المكتبة قدامك واسعة مفيش حاجة اسمها مكاني
سحب رواية لدوستويفسكي وقعد على الكرسي قدامي وبدأ يقرأ في هدوء وهو متجاهلني تماماً كأني مستغلنش أنه راح يرجع الكتاب وقعدت مكانه
كملت قراءة في الكتاب وأنا بحاول مَبصلوش بس عنيا خانتني ، جميل ومُرتب لابس قميص أزرق وبنطلون بيچ
و لابس نضارة مدورة ، كل المقومات لخطف قلبي أهي
كملت قراءة وانا بحاول أركز في الكتاب ولكن مقدرتش
_ هو أنتَ مدايقتش عشان أخدت مكانك ؟
رفع عيونه من على الرواية وبصلي بثبات
_ أصلي مش بزعل من أطفال
وكمل قراءة وأنا متغاظة جداً من بروده و وصفه ليا بالطفلة
_ قصدك إني طفلة
رفع عيونه تاني بزهق هو زهق مني معقول ؟ بس صوته كان ثابت
_ انا قلت إنك طفلة ؟
_ لأ ، بس قلت ...
قاطعني
_ ما لم أبوح به لا تفترضه
إقتباسي المُفضل معقول ؟ بس سكت وانا بكمل قراءة
خلصت ورجعت الكتاب مكانه وخدت شنطتي ومشيت وانا ببتسم
________________
في الأسبوع التاني روحت المكتبة لقيته قاعد حاطط الاب قدامه لابس لبس كلاسيك قميص أبيض وبنطلون ونضارته الي خطفت قلبي ، رفع عيونه من على الكتاب وبصلي وبعدين رجع كمل قراءة قعدت في نفس المكان الي قعدت في
_ وتين
_ ها ؟
_ اسمي وتين
كمل قراءة ومهتمش بكلامي أتعصبت وبدأت الدموع تتجمع في عيوني ، سمعت صوته
_ آسيف ، ومتثقيش في حد بسهولة أنت متعرفيش نوايا الناس
أنا إنسانة حساسة أو عيوطة أيهما أقرب ، فقعدت أعيط وأعيط وأعيط
_ يا بنتي الله يهديكي بتعيطي ليه ؟
_ أنت أنت ....
عيطت اكتر بكره تهتهتي وأنا بعيط
_ مشش بعررف اتكلمم وأنا بعيط
سكت وبصلي لحد ما هديت
_ إيه إلي حصل بقى ؟
_ أنتَ أحرجتني
_ أنا جيت جنبك
نبرته باردة هو ليه بارد كده حسيت بالدموع بتتجمع تاني في عيني
_ مجتش جمبي
مشيت وسبته أنا ليه هاممني رد فعله أوي كده ، قعدت على البحر وانا حزينة
_ قل الي بينا بالايام وصبح كلامنا فاتر
مش لاقي حد غيرك حتى في البِعاد أغازل
قعد جمبي وهو بيكمل
_ آخر الطريق ملقتش غير لحني حزين
جف البُكا من فرط صبري ع السنين
_ صدق الي قالك أنه بعض العشق دين
جف البكا معدتش باقي في عيني شئ
_ بتحبي ؟
_ هو مين ده ؟
_ مسلم
