بصيت للسما بحالمية
_ جدا بحبه جدا ، بس صحيح أنتَ إيه إلي جابك ورايا ؟
_ فضول عادي
_ من ناحية ايه بالظبط
_ واحدة قلت لها متثقيش في حد قعدت تعيط
بصيت قدامي وتجاهلته
_ الفكرة في إني عشرية زيادة عن اللزوم ومش بحب حد يتجاهلني أو يرد عليا ببرود
سكت مكنش في حاجة نقولها فسكتنا ، حط ورقة في إيدي
_ ده رقمي ، رني عليا وهسجلك ونبقى نتفق نروح المكتبة سوا
روحت وانا مُبتسمة بس حسيت بشوية تأنيب ضمير أنا كده غلط ، مينفعش أكلم شاب غريب ولا اقعد معاه كده
، وفيها إيه يعني ده مجرد شات و لما قعدنا سوا كُنا في وسط الناس مفيهاش حاجة خالص إيه المشكلة يعني
_ إزيك يا آسيف ، أنا وتين
بعتله ماسدج واستنيت يرد
_ أهلاً وتين إزيك ؟
_ انا كويسة وأنتَ ؟
_ أنا الحمد لله
قعدنا نتكلم شوية وأستئذن إنه يكمل شغله وبعدين نتكلم
_ إيه رأيك نروح ستار باكس بكرة ؟
نخرج و لوحدنا ؟ طب وماما وبابا اقولهم إيه ، وإيه المشكلة هما الي تفكيرهم بقى دقة قديمة ما كل أصحابي ليهم أصحاب ولاد بيخرجوا معاهم جت على أرمط
_ إشطا جدا ، هنروح امتى
_ على الساعة أربعة العصر أكون خلصت شغل
_ تمام
حضرت همومي كعادتي ساعة الخروج بنطلون وسويت شيرت وحجاب سوري وطبعا الكوتشي الجميل
_ ماما
_ نعم يا وتين
_ انا هخرج بكرة مع صاحبتي هنروح ستار باكس
_ ماشي يا حبيبتي ، هتتقابلوا الساعة كام ؟
_ أربعة العصر كده
_ متتأخريش بس
_ حاضر
قلبي وجعني لأني كذبت عليها ، ماما طيبة أوي ومش بترفض لي طلب خاصةً بعد موت بابا ، كانت دايماً جمبي وفي ضهري في وقت ما كان هي ضهرها مِتعري
مسحت دموعي في وقت ما كانت دموعها مش بتنشف
مقدرش أنكر أفضالها لو أنكرتها أبقى جاحدة ، وكالعادة سكت ضميري ونمت .
_____________
_ أتأخرت عليك ؟
كان قاعد قدامه قهوة تركي ولابس كاچول على غير العادي ، حاطط الـ " ear buds " وبيسمع حاجة مش عرفاها بصلي وإبتسم
_ لأ خالص ، إتفضلي أقعدي
_ شكراً
_ تشربي إيه
_ قهوة تركي زيك
انا بكره القهوة التركي بكرهها جدا وبتوجعلي بطني ، بس مش عارفة ليه حسيت إني عايزة ابقى شبهه في أي حاجة
_ إنتِ بتدرسي إيه ؟
_ أنا في تانية هندسة
_ مهندسين زي بعض يعني
_ إنتَ خريج هندسة
_ اها
الإسكريبت الخامس | The fifth
ابدأ من البداية
