အပိုင်း ၂၅ [ Unicode Version ]
1 ညအိပ် 2 ရက် ကမ်းခြေခရီးကနေ သူတို့ Seoul ပြန်ရောက်တဲ့အချိန်က ညနေစောင်းနေပြီ ။ ဝယ်လာတဲ့ ဒေသထွက် လက်ဆောင်တွေကို ကားနောက်ခန်းကနေ ပါမောက္ခ Park သယ်ယူလာတဲ့အချိန် တစ်ဦးတည်းသော ကောင်လေးက အင်္ကျီတောင် မလဲနိုင်ပဲ ဆိုဖာပေါ်ထက် တန်းခွေနေတာကို တွေ့လိုက်ရတယ် ။
" မမှောင်ခင် ရေအရင်ချိုးလေကွာ
မဟုတ်ရင် အအေးမိချင် မိမှာ "" ခဏလေးပဲ... ခဏလေးပဲ ဒီမှာတစ်မှေး မှေးဦးမယ် "
" ညနေဘက် အိပ်တာ မကောင်းဘူးဆိုမှ !
လာခဲ့ "ပါမောက္ခ Park ဟာ လက်ထဲက ပစ္စည်းထုတ်တွေ အကုန်လုံးကို ကြမ်းပေါ်မှာ ချထားခဲ့ပြီး ဆိုဖာပေါ်ထက်က Baekhyun ကို ပွေ့ပြီး ချီယူပစ်လိုက်တယ် ။
ခပ်ရွှင်ရွှင်လေး ရယ်ပစ်လိုက်တဲ့ Baekhyun က ရုန်းကန်မနေတော့ပဲ ပါမောက္ခ Park ရဲ့ လည်တိုင်ကို ဖက်တွယ်ရင်း ရင်ပေါ် ခေါင်းလေးမှီလို့ အလိုက်သင့် လိုက်ပါခဲ့တော့တယ် ။
___________________________________
ညစာပြင်နေတဲ့ ပါမောက္ခ Park ဟာ ရေချိုးပြီးခါစ ဖွေးသန့်နေတဲ့ ကောင်လေး ဘေးမှာလာရပ်တော့ ပါးလေးကို ရွှတ်ခနဲ မြည်အောင် နမ်းရှိုက်ပစ်လိုက်တယ် ။
" မွှေးနေပါလား ၊ cream တစ်ခုခု လိမ်းထားတာလား "
" အင်း... အပြင်ခဏ သွားမလို့လေ "
" ညဘက်ကြီးသွားမလို့လား "
" အွန်း... ear phone က မမိဘူးဖြစ်နေတယ် ။
အဲ့တာ အသစ်သွားဝယ်မလို့ "" ဒါဆို ခဏစောင့် ကိုယ်လိုက်ပို့ပေးမယ် "
" ညစာပြင်လက်စကြီးကို ။
နေခဲ့ပါ... ကျွန်တော်က ကလေးလည်း မဟုတ်ပဲနဲ့ ။
ပြန်လာရင် သောက်စရာလေး နည်းနည်းပါ ဝယ်ခဲ့မယ် "Baekhyun အစိုးရိမ်လွန်နေတဲ့ ပါမောက္ခ Park ရဲ့ ဆံပင်တွေကို ချစ်စနိုးနဲ့ ဖွပစ်ခဲ့ပြီး ပြုံးပြလို့ အခန်းထဲကို ပြန်ဝင်လာခဲ့တယ်။ ပိုက်ဆံအိတ်နဲ့အတူ ဒိုင်ယာရီ စာအုပ်လေးကိုပါ အင်္ကျီအတွင်းဘက်အိတ်ထဲ ထည့်ပြီးတဲ့ နောက်မှာတော့ စျေးထွက်ဝယ်ဖို့ အကြောင်းပြချက်နဲ့ အိမ်ကနေ ထွက်လာခဲ့တော့တယ် ။
![](https://img.wattpad.com/cover/276484549-288-k505946.jpg)
YOU ARE READING
Saving Myself From the Future [ အနာဂါတ်မှ မိမိကိုယ်ကို ကယ်တင်ခြင်း ]
Fanfiction( Completed ) သူ့ဘဝကြီးက လုံးဝ ပျက်စီးသွားပြီ ။ အသက်ရှင်ရတာ အဓိပ္ပါယ်မရှိတော့ဘူးလို့ Baekhyun ခံစားလာရတယ်။ ဒီအိမ်ထောင်ရေးကြီးကနေ သူလွတ်မြောက်ချင်နေပြီ ။ အကယ်၍များ ငယ်ရွယ်သေးတဲ့ အချိန်တွေကို ပြန်ရမယ်ဆိုရင် သူလဲလှယ်ဖို့ ဆုံးဖြတ်မိမလားဆိုတာ ~