*#بين_عالمين🚶🏼♀️❤️.*
*بقلمي: meme mohammed*
*ليلى العروس بتحكي😂😭*
طبعاً خلاص حددنا العقد متين وكدا وانا ومحمد تواصلنا قل حبتين والبنات بيجو يبيتو معاي وبجد م قصرو معاي وحتى ملك م قصرت معاي وفعلاً جا يوم العقد وعقدو وانا زي الطيره م قدرت امسك اعصابي وبكيت قدرتي😭😂😭. فجأه اشوف محمد في وشي اتخلعت دا كيف دخل هنا😭😂😭. مسحت دموعي وهو بيضحك فيني والبنات زاتهم يضحكو فيني وانا بقيت امسك روحي عشان م ابكي تاني المهم قالو لينا نطلع انا ومحمد وفعلاً لبست توبي ظبطوهو لي البنات ومحمد كان واقف يعاين ساي ويبتسم وانا احمر ليهو نظام خلي عندك ادب😂😂😂😂💔. المهم طلعنا انا ومحمد وقعدنا في الحوش برا وجابو الدلوكه والحريم يدقو ويغنو ويزغردو ويباركو لينا وفعلاً عدا اليوم على خير وتاني انتظرنا اسبوعين عشان العرس واباء جات باتت معاي من تاني اسبوع والبنات كمان م قصرو ببيتو ومستلمين كل البرنامج😂❤️❤️❤️❤️. وجا يوم العرس ❤️❤️❤️💍. واليوم دا م كنت متوتره براي حتى البنات متوترين معاي😂😂😂💔. وفعلاً جا بليل ومشينا الحفله من الكوافير ورقصنا وانبسطنا وبعدو طرنا على اسبانيا انا ومحمد سيد ريدي وهواي❤️❤️❤️❤️💍..
*شهد بتحكي*
طبعاً بما اني زوجه اخو العروس اليوم كلو انا مع ليلى وطبعاً بعيده من احمد كل البعد وم مدياهو طريقه يقابلني نهائي قلت اشوفو هيتصرف كيف وم قدر يصلني لحدي م جا بليل وساقني من الكوافير وانا التقول العروسه 😂😂😂💔. جا علي وباس راسي ومسك يدي ودخلنا الصاله وانتظرنا العرسان يجو داخلين وبعد دخلو بقينا نرقص ونربها عديل 😂😭😂 . بس فجأه وانا في نص دائره الرقيص المح ليك احمد بيرقص مع واحده بس شلت كرعيني ودفرت البت وبقيت ارقص معاه وهو عاجبو الوضع وانا بحمر ليهو ساي😂❤️❤️❤️❤️. وانتهت الحفله وودعنا العرسان ومشينا بيتنا انا واحمد ❤️......
*احمد بيقول*
شهد دي بقت عندها حركات اليوم كلو م بترد وبس مستلمه الرصه معاهم وانا زهجت بجد مشتاق ليها ياخ لكن هي زفته بس😂😂😂💔 م اكتر المهم قلت انتظر للعرس وانا الهامشي اسوقها من الكوافير وهي م عارفه وفعلاً دا الحصل اتصلت علي ليلى وقالت لي انو شهد خلصت وانا مشيت عليها وجات طالعه وهي لابسه التوب الرصاصي وانا البدله بكرفته رصاصي برضو عاينت لي وابتسمت ومشيت عليها ومسكت ايدها ومشينا بعد دا ودخلنا الصاله وطبعاً شهد والرقيص م بيفترقو 😂😂😂😂😂😂. تاني كان بدت م بتوقف رقيص😂💔. المهم اثناء م انا واقف برقص جات واحده وانا م بعرفها وبقت ترقص معاي وانا قلت اشوف رده فعل شهد شنو بس لقطتني من بعيد برقص مع البت فجأه لقيتها قدامي دفرت البت ووقفت هي وبقت ترقص وانا م قادر امسك الضحكه نهائي😂😭❤️....
*اباء بتحكي*
من الصباح حاسه روحي م كويسه وم قلت لسموؤل عشان م يقلق وبس سكت على كدا وانا حبه اقضيها ونسه مع ميامن وعصماء وسألت من اخبارهم وكدا وانا حاسه روحي م طبيعيه بتجيني دوخه خفيفه بس بقول ارهاق من االعرس وكدا وبس لحدي م جا يوم العرس وانا متظبطه براي في البيت م مشيت الكوافير معاهم لاني تعبانه بجد المهم عدا الوقت وجا سموؤل ومشينا مع بعض وانا بقيت احس بطمام بس ساكته وقلت برضو ارهاق ساي او من الاكل وكدا ومشينا ووصلنا الصاله وبقينا نتونس انا وهو واصلاً م عايزه امشي من جنبو خايفه اقيف واجي واقعه بس قاعده جنبو وبعدو جابو العشا واتعشيت وحسيت بطني قلبت زياده وم قادره اتصرف وم هاقول لسموؤل عشان م يقلق وبس سموؤل قال لي نرقص حبه وكدا قلت ليهو : امشي انت حبيبي
قال لي: ليه انتي مالك؟
قلت ليهو: ماف شي بس رجلي واجعاني عشان كدا
قال لي: طيب خليك هنا ارقص مع العريس شويه وبجي اسوقك نبارك ليها ونمشي طيب؟
قلت ليهو: حاضر حبيبي
وفعلاً مشى وانا ماسكه نفسي وخايفه اقوم واجي واقعه😭😂 بعد بربع ساعه جا سموؤل مسكني من يدي ومشينا سلمنا عليهم والعرس انتهى خلاص ومشينا بيتنا بس اول م وصلت باب العماره كدا رببب جيت واقعه وم قدرت امسك روحي وتاني م عارفه الحصل شنو😭......
*سموؤل قال*
بقيت متحمس اكتر من العريس زاتو عشان اشوف اباء وعرفت انها م هتمشي الكوافير معاهم وبس عرفت اني هامشي اسوقها معاي واول م وصلت عاينت ليها حسيتها زي تعبانه سألتها قالت لي ارهاق بس المهم مشينا العرس وحضرنا الحفله واباء ابت تقوم ترقص معانا وحسيت في شي بس سكت ومشيت الموضوع بعدو جيت سقتها وباركنا للعرسان وطلعنا بس اول م وصلنا باب العماره اباء جات واقعه من طولها طوالي ممن مكاني دا رفعتها ومشيت بيها المستشفى وادوها مويه ملح وبدت تصحصح وعملنا التحاليل والفحوصات وبقينا منتظرين برا واباء خاته راسها في كتفي ونايمه بس لحدي م جات الممرضه وقالت لي: مبروك المدام حامل❤️
بس اللحظه دي اباء قامت مخلوعه وانا بقيت اكورك زي المجنون واضحك بست راس اباء وهي بتبكي مسحت ليها دموعها وبعدو مشينا رجعنا البيت بس كانت شويه مهبطه اول م وصلنا الشقه حضنتها علي شديد واخيراً هيجينا بيبي ينور دنيتنا😭❤️❤️❤️❤️❤️❤️❤️ .
واليوم دا بالذات من الفرح م قدرت انوم 😭❤️....
*جهاد بتقول*
طبعاً خلاص عرس الست هانم جا وكدا وبقينا مشغولين معاها وانا وميامن بايتين معاها قريب الشهر😂❤️❤️❤️❤️. وبس وعدت الايام وجا يوم العرس ومشيت معاهم الكوافير وخليت اباء وعصماء في البيت قالو م محتاجين 😂😂😂😂😂💔. المهم وصلنا الكوافير وبقينا قاعدين واتجهزنا لحدي م جا احمد وساق شهد وانا بقيت قاعده جوا منتظره العريس يجي عشان ارجع معاه وبسسس جا العريس وكان السايق وليد😂😭😂. سلمت عليهو سلام معرفه وكدا وركبت قدام وبقينا منتظرين العرسان يجو ووليد يفتح مواضيع بجي وبجاي وانا برد على حسب كلامو معاي وبس بعدو بشويه جو العرسان واتحركنا والعرسان جابو لي جفاف الله يجازيهم😂😂😂😂💔. اول م وصلنا الصاله دخلنا انا ووليد اول وبعدو جو ليلى ومحمد دخلو وزفيناهم وكدا وطبعاً انا لابسه فستان😭😭. جات واحده ظاهر عليها من اهل محمد سلمت علي سلام حلو قلت بتكون مشبهاني وماف داعي احرجها لحدي م جات وقالت لي: يابنيتي مخطوبه انتي؟
قلت ليها:لالا بس مطلقه
قالت لي: حلاه الدنيا عليك يحليلو طليقك م مقدر النعمه اللهو فيها
ابتسمت ليها وسكت بعدو قالت لي: بدور احجزك لولدي قلتي شنو يابنيه؟
استغربت منها انا بقول ليها مطلقه كيف تحجزني لولدها؟ بعدو قالت لي: بتي والله ولدي دا كان متزوج ومرتو اتوفت بكانسر حمانا الله واياكم بس وخلت ليهو بنيه صغيره فبدور تاخدي بالك من البت ومنو الله يرضى عليك!
قلت ليها: معليش والله ياخالتي م عايزه اكسفك بس م بقدر لاني محيت من راسي دا فكره الزواج اصلاً فمعليش
قالت لي: العفو يابتي نصيبكم م مع بعض لو كدا ربنا يحفظك ويغطيك من العين
ابتسما ليها وقلت ليها: تسلمي
ومشت خلتني وانا بفكر عشان كدا لمن عرفت اني مطلقه قالت لي اعرس ولدها لكن لو م كان متزوج قبل كدا م كانت هتديني ليهو انا متأكده🙄.. المهم قعدت زهجانه بس قلت اقوم ارقص مشيت وحتيتها مع العرسان وانا وليلى والبنات رقصنا كويسس بس اباء م كانت معانا لانو من الصباح تعبانه هي وخلص العرس ورجعنا البيت وطبعاً وليد هو الوصلني وعدا اليوم على خير😂❤️❤️❤️❤️ ...
#يتبع.....
