بين عالمين

_5_

*#بين_عالمين🚶🏼‍♀️❤️.*

*بقلمي: meme mohammed*

*شهد بتحكي*
جيت داخله البيت وانا مخلوعه شايفه امي هايجه استغربت طبعاً! في شنو والحاصل شنو اصلا ديل مالهم هايجين كدا😂💔 . سلمت عليهم ماف زول رد علي لا اخوي لا امي الله! قعدت وعاينت ليهم باستغراب  سألتهم : في شنو يخوانا
محمد اخوي قال لي: جاك عريس🤣
عاينت ليه بعدم تصديق كدا وحمرت ليه قلت ليه : م سألتك انا بتكلم مع امي
امي: هيي يابتي جاك عريس ولد نوال لو بتعرفيهو؟
انا رديت: اجي يا امي مش خاطب؟😏
امي ردت لي وهي متفاجأه من رده فعلي🤣 : اي بس نوال اتصلت قالت لي جايين نحن ناس خطوبه 
انا: كيفف يعني والحصل شنو لخطيبتو؟
امي :م بعرف يابتي بس الحصل وخلاص قومي امشي ارتاحي ولا اكلي ليك شي بالله وبطلي كلام كتير
طوالي قمت بكرامتي😂😂💔 . مشيت غرفتي وانا فرحانه من غير م اغير ملابسي زاتو طوالي اتصلت على عصماء وانا بكورك:هييييي الكراش شخصياً جاي يخطبني💃🏽❤️❤️❤️❤️❤️❤️❤️❤️❤️
عصماء:ياتو واحد فيهم🤣🤣
انا:يجزمه انتي قصدي احمد ولد خالتو نوال💃🏽❤️❤️
عصماء ردت لي باستغراب: اجي يابت مش خاطب؟🙄
انا: كانن خاطب لو سسمحتي😆
عصماء: والسبب ايه طيب؟
انا: ايش عرفني المهم جايي يخطبني وخلاص💅🏼🤣
عصماء: اوك مبروك ياستي😂❤️❤️❤️❤️
رديت على طول: الله يبارك فيك ياخ ماشه اغير ملابسي وهاجي القروب اكلمهم اوووعك توريهم لحدي م اجي
عصماء: هههه طيب م هاوريهم لبعدين يحرم استاذ احمد🤣🤣...

*بلسان ليلى*
انا: اجي يا احمد؟كيف تخطب ليك كدا ساي؟
احمد: دا كلامها يا ليلى م عارف امي دي مالها ؟ خاته في راسها اني هاموت لو عرستها زي م خطيبها اتوفى؟🙄
انا: كيف كيف !
احمد: ياخ م عارف شكلو ربنا م كاتب لي افرح انا زاتي
انا: تففف من خشمك اتوكل على االله يمكن تكون بتحبك لانو اباء دي لا هتحبك لا شي!
احمد: كلو لخير .... شايف امي كلمتهم غايتو م عارف🙂
انا : غريبه لكنن م اتصلت على اباء!
احمد: ربنا يستر بس ... الحمدلله على كل حال💔💔....
بعد احمد قفل مني بقيت متحيره افرح لاباء ولا ازعل لاخوي قلت اتصل لاباء واكلمها بس تاني اتراجعت هي للان م عارفه اني اختو🙂...

*اباء بتحكي*
استغربت امي دي مالها وكيف يعني رفضوها هي منو زاتو ! معقوله تكون ايثار! طلعت برا وانا معصبه كيف يعمل كدا المتخلف دا!
انا: في شنو يا امي ماللك بتكوركي كدا ومنوو الرفضوها دي؟
امي عاينت لي بعد مسافه وقالت: انتي يا بت حشاي انتي اها كدا ارتحتي؟ كلام الناس عننا تاني هيكون كيف واقول شنو انا؟
عاينت لامي بزعل على قدر م فرحانه على قدر م زعلانه من رده فعل امي كل همها كلام الناس عني؟ هي زاتو  لو اشتغلت بكلام الناس لا هتتقدم لا هتتأخر هنكون كدا بس 💔 هو كلام الناس بينتهي! لكن يعني امي هاميها كلام الناس اكتر مني! رديت بعد حراق روح وقلت: كلام الناس! ياتو يوم بيهمك كلام الناس انتي؟
حبوبتي ردت لي طوالي: يابتي روقي شويه امشي غرفتك لحدي م امك دي تروق يابتي امشي الله يرضى عليك
كوركت شديد وقلت: انتو اصلاً بتعملو الفي راسكم وخلاص زي كأني م بتكم هو فعلا انا م بتكم لاني لو بتكم م كان رميتوني الرميه ديك😏
امي هاجت فيني :انتي يابت لمتين هتفضلي كدا تعبت منك ومن عبطك دا هسي انتي مالك هايجه كدا ولا في احترام لا لي ولا لامي دي؟ انتي متخلفه ولا شنو؟ م تتكلمي ساي وانتي م عارفه شي وم تعاتبيني ساي ؟سريع امشي من قدامي قبل ارتكب فيك جريمه هسي
عاينت ليها قوي ودموعي حلفت م تنزل مشيت طوالي دخلت غرفتي وقفلتها علي قعدت وبقيت سرحانه لحدي م مسكت التلفون لقيت شهد بتتصل علي م رديت عليها لا طايقه ادخل في نقاش ولا طايقه زول انا... رقدت ونمت زي كأنو م حاصل شي💔......

*جهاد بتحكي*
جيت داخله لقيت سموؤل بيتكلم في موضوع مع امي مع حبيت اسألهم لانو صوتكم م كان واضح م اشتغلت بالموضوع كتير اتصلت على ميامن وبقينا نتونس بمزاج والله البت دي تتحبى 😂❤️❤️❤️❤️❤️❤️. .... اثناء ونستنا قالت لي : انا اليوم داك جيت عشان اتكلم مع سموؤل انو يبعدد عن اباء وكدا وتقريباً انا السبب في حالتو دي💔
طوالي طلعت عشان سموؤل م يسمعني بعد طلعت رديت ليها طوالي: لا م تخافي اصلاً بتحصل ليهو الحاجه دي بعد عمل العمليه بقى كدا وحتى اتغير علينا بيتعصب شديد وفجأه بيرجع زي اول حتى شخصيتو م كنا فاهمنها لحدي م جا يوم حكي لي عن انو بحب واحده اسمها اباء وطبعاً بعد عرف بحبو ليها بقى هادي وم بيعصب كتير والحمدلله غايتو
ردت علي ميامن: يعني انا كنت هاطربق الدنيا فوق راسكم لو جيت وختيت للموضوع دا حد ؟ بس البت دي خلاص ايام وتبقى في زمه راجل تاني 💔
انا: ااي كلمني سموؤل بس شكلو خااتي حاجه في راسو لحدي م يطلع من هنا ان شاء الله نشوف هيحصل شنو
ميامن: طيب خير ان شاء الله يلا لبكره ان شاء الله 🤣❤️
انا: اوك يلا سلام😂❤️ ...
قفلت الخط ورجعت غرفتي وبقيت اتونس مع سموؤل وحاسه بيهو مبسوط لمن الفرحه ظاهره في ملامحو❤️❤️...

*بلسان مريم ام اباء*
بقيت م عارفه اعمل شنو لحدي م اسماعيل اتصل علي وقال لي انا مسافر رتبي لي شنطتي! كيف يمشي ويخلينا في الحاله دي! بتي رفضوها وكلام الناس هتقول شنو علينا! بقيت افكر في طريقه تنقذنا من الموقف دا بس شنو البينقذنا بتي كدا هتكون فرحانه ولا راجلي الهيمشي ويخليني معاها واحاول اتماسك لحدي م يجي انا عارفه اسماعيل مضطر يمشي  عشان النور وانا عارفاه ممكن يعمل شنو انا زاتي م عارفه دا اخ شنو زاتو من جيت البلد دي م مريحني في حياتي نهائي دا كلو حقد وكرهه اتجاهنا لمن يعمل كدا؟💔.....

*عند احمد*
لا بقيت عارف اتصرف ولا عارف هاعمل شنو مع البت الخطبتها لي امي دي انا زاتي كدا هاظلمها وهاظلم روحي معاي ياربي اباء هسي كيف؟ اكيد فرحانه م هي اصلاً م عايزاني براي اتشالقت انا بس البت دي م عارف عنها اي شي  غير اسمها بس *شهد!...*

#يتبع..........