*#بين_عالمين🚶🏼♀️❤️.*
*بقلمي: meme mohammed*
*بلسان مدثر*
جيت داخل البيت لقيت الصاله مضلمه استغربت لاني بجي بلقاها في الصاله بتحضر كرتون😂😭❤️.. دخلت الغرفه لقيت غيداء خاته يدها في وشها وبتبكي اتخلعت جريت عليها وقلت ليها : في شنو حبيبي مالك؟
م ردت علي اول م شافتني حضنتني بس وبقت تبكي تاني بقيت اطبطب عليها وساكتين بعد هدت شويه قالت لي : مدثر انت لازم تطلقني
استغرابي زاد بجد! دي بتقول في شنو؟؟
قلت ليها: غيداء انتي جنيتي؟ كيف اطلقك ولشنو اصلاً؟
بقت تبكي تاني وقالت لي: لاني م هاقدر اجيب ليك البيبي النفسك فيهو
قلت ليها: انتي مشيتي وعملتي الفي راسك برضو؟
ردت علي: ااي لازم امشي عشان اعرف ليه نحن للان م جبنا بيبي؟
قلت ليها: وانتي هسي كدا ارتحتي لمن مشيتي؟ غيداء هو نحن تلاته شهور ونص متزوجين معقوله تحملي على طول
قالت لي: برضو خلينا في موضوعنا
قلت ليها: ماف طلاق يا غيداء طلاق م بطلق انا عشان حاجه زي دي ااي انا اتزوجتك بس عشان انتي غيداء م عشان تجيبي لي شفع ودا قضاء ربنا وانا راضي بيهو تاني في شنو؟
بقت تبكي وقالت لي: انا م انانيه للدرجه دي الشرع حلل اربعه في امكانك تتزوج عشان يجيك البيبي النفسك فيهو😭
قلت ليها: وانتي هترضي اتزوج فيك عادي؟
قالت لي: لالا بس اعمل شنو😭😭😭💔
قلت ليها: لو بيبي انتي م امو انا م عايزو يا غيداء
قالت لي: مدثر افهمني عليك الله اصلاً امك م هتخليك في حالك هتقول ليك اتزوج وانا راضيه تتزوج "وبقت تبكي تاني"
قمت من جنبها وانا زعلان وشلت مفتاح عربيتي ومشيت خليتها💔...
*جهاد بتحكي*
انا وهيثم تقريباً كدا بقينا م متواصلين كتير وساعات بشوفو اونلاين بس م بيرسل لي وانا خلاص فاض بي اتصلت عليهو اداني الرقم مشغول تاني اتصلت بعدها بمسافه رد علي قلت ليه: هيثم حرام عليك البتعملو فيني دا لو م عايزني وريني والله انا هاقدر رغبتك وابعد!
قال لي: انتي بتقولي في شنو؟ انا بجد مشغول يا جهاد
انا: مشغول؟ كيف مشغول وانا بشوفك اونلاين وم بترسل لي افهم دا معناه شنو؟
رد علي: هتبدي معاي تحقيق؟
انا: م تحقيق دا بس عشان نحسم الفارغه دي انا م لعبه عندك !
رد علي: بقت كدا يا جهاد؟
انا: تعبت انا تعبت عندي طاقه وبتخلص م ممكن يعني انت تكون بالانانيه دي!
قال لي: انتي عايزه شنو هسي؟
رديت عليهو: تفهمني انت عايزني ولا لا؟
رد علي بعد مسافه: اكيد عايزك
قلت ليهو: طيب خليك جادي شويه ووريني بأفعالك انك عايزني بجد م يكون كلام بس!
رد علي: حاضر اي اوامر تانيه؟
رديت عليه : لالا 🙂
هيثم: طيب انتي هسي كيف؟
انا: كويسه الحمدلله وانت؟
هيثم : انا زاتي كويس الحمدلله مشتاق ليك يا ستهم❤️.
رديت عليهو: والله كتييييير شديد😭❤️❤️❤️❤️.
وبعدها بقينا نتونس وممكن تقولوو من هنا نحن رجعنا تاني واحسن من اول وحددنا العرس خلاص🙈❤️❤️❤️...
*بلسان ليلى*
رجعنا البيت وبتذكر في المواقف بتاعت قبيل وكيف كان صوتو حلو😭❤️❤️❤️.. فجأه اتصل علي وقال لي: يابتنا وصلتي كيف؟
قلت ليهو: كويسه الحمدلله بس معليش هو انت اسمك منو؟
قال لي : خمني😂
قلت ليه: م بعرف اخمن انا هيكون يا احمد يا محمد😂😂💔
رد علي وقال لي: فعلاً انا محمد يا بتنا😂😂😂💔
قلت ليه: يلا وين هديتي؟
رد علي: هديه شنو يابت انتي مجنونه؟
رديت عليه: اجل نعم 😂😂😂💔
قال لي: امشي اتخمدي يا ليلى يلا تصبحي قرد😂😂😂💔
رديت عليه: وانت خروف يارب😂💔💔..
وفعلاً قفلت الخط ورقدت نمت
تاني يوم صحيت لقيت اتصال من محمد م رجعت ليهو عشان م يقول علي خفيفه زي شاي البكا😂😭😂😭😂💔.. مر اليوم كلو وهو م اتصل قلت بيكون داير يلعب ساي زولنا دا💔😂 م عدت دقايق من كلامي دا ولقيتو بيتصل قال لي: هوي يابت عاايز اعرفك على خطيبتي😂😂😂💔
اتخلعت بجد يعني هو خاطب؟ طيب ليه م لابس دبله ولا بيكون لابس فعلاً وانا م شفت؟ رديت عليه انا مستغربه: كيفن يعني خطيبتك😂😂😂💔
ردت علي بت وقالت لي: خطيبتو عديل يابت قال لي الا اعرفك على صحبتي وكدا 😂😂😂❤️..
قلت ليها: اهلين اهلين بخطيبه المجنون😂💔
واتكلمنا عادي وقالت لي لازم نتقابل وبقينا صحبات واخدنا ارقام بعض😂❤️......
*عند اباء*
جيت داخله لقيت سموؤل معصّب شديد استغربت من شكلو قلت ليهو:مالك يا سموؤل؟
رد علي: كيف تطلعي يا مدام من البيت من غير م تديني خبر؟😡
قلت ليهو: والله م كان عندي رصيد مشيت اجيب حاجات للبيت وجبت رصيد معاي عشان كدا
جا علي ومسكني من يدي قوي وقال لي: انا قاعد رجل تربيزه؟ هسي لو حصل ليك شي ها؟ ردي😡😡😡😡😡
قلت ليهو: طيب فك يدي لانها بتوجعني شديد 💔
جراني عليه وقال لي: تاني تستأذني قبل تطلعي يا استاذه فاهمه ؟
مشى وخلاني ببكي هسي دا م سبب يخليهو يتعصب كدا فجأه بيقلب وانا م قادره افسر تصرفاتو دي فعلاا اتصلت على جهاد ووريتها الحاصل شنو بس قالت لي : اباء نحن لازم كان نوريك انو سموؤل نقلو ليهو قلب عشان كدا فجأه بيتقلب لشخصيتو الحقيقيه اللي سموؤل ومره بيكون نفس الشخصيه النقلو منو القلب ولو م متأكده من كلامي ادخلي قوقل وهتتأكدي وفعلاً نحن كنا م مصدقين انو ممكن حاجه زي دي تحصل اول م عمل العمليه كان فجأه يتقلب لمن افتكرنا عندو انفصام الا الدكتور قال لينا الحاصل واانو دا عادي ونحن لازم نسايرو عشان م يعصب اكتر وممكن تتقلب لضرب عديل لانو بيكون م واعي والحاله دي نادر م تلقيها عشان كدا نحن كنا مستغربين
قفلت منها وبقيت ببكي شديد ليه م وروني انو سموؤل عامل عمليه زرع قلب قبل كدا ليه؟ طلعت اشوفو وين لقيتو طالع من الحمام وعادي جا وباسني في راسي وقال لي: يلا حبيبي حضري لي الاكل انا جعان
في اللحظه دي اتأكدت من كلام اختو من غير م ادخل قوقل💔.. ابتسمت ليهو ومشيت اعمل ليهو الاكل بعد جهزت الاكل مشيت وبقيت باكل معاه عادي وبيحكي لي الحاصل معاه في الشغل شنو زي كأنو قبل شويه م شاكلني او غيرو بس يدي كانت بتألمني مكان مسكني قوي بس م وريتو وعدينا اليوم عادي ونمنا زي كأنو م حاصل شي......
#يتبع....
