*#بين_عالمين🚶🏼♀️❤️.*
*بقلمي: meme mohammed*
*سموؤل بيحكي*
م عارف انا ليه بعمل كدا بس بحس براحه لمن اشوفها بحس انو الدنيا ضحكت لي لو شفت ضحكتها ساي طيب انا زاتي م فاهم انا عايز شنو منها بس عايزها تكون جنبي عارف انو زعلانه او في شي مضايقها من تعابير وشها او يمكن من عصبيتها الزايده م عارف بس وراها سر وانا لازم اعرفو مش كفايه اني عايز اطمن عليها بس انا لازم اقل شي اجيب رقمها واتكلم معاها من غير م تعرف انا منو بس منو الهيساعدني في خطوه زي دي؟😫💔.
اثناء م انا قاعد وبفكر في طريقه
......:حبيبي قاعد براك مالك؟
انا عاينت ليها من فوق لي تحت ورجعت افكر تاني وم اشتغلت بيها
......:ع الاقل قول لي اتفضلي
انا برضو م رديت بس قعدت وختت شنطها قدامها وبقت تتكلم وتتكلم وانا سرحان في موضوعي
......:طيب خلي عندك زوق واتكلم معاي بدل انا قاعده اتكلم مع روحي كدا
انا:يا غيداء! نحن مش واضحين من الااول انا وانتي م ينفع نرجع لبعض تاني واكيد طبعا انتي اتصلتي على مدثر وعرفتي مكاني وجيتي لي هنا صح؟
غيداء:وليه م اجي مش خطيبي؟ وبعدين عايزه اقعد معاك شويه عان الهواء دا حلو كيف😔
غمضت عيونها وعملت شهيق وزفير م رديت عليها وم حبيت اعصب عشان ممكن عادي ارميها في البحر القدامي دا🙂.... بقينا ساكتين وانا سرحان فيها ومنو غيرها الملكت قلبي من اول م شفتها ؟❤️.... عارف غيداء بتحبني ومجنونه فيني عديل بسس انا م الزول الهي تستاهلو وهي م عايزه تفهم كدا عايزه تعمل الفي راسها وخلاص بس م قادر اخت ليها حدد للبتعمل فيهو وبقيت مكتف اليدين في الموضوع دا بالذات 💔....
*اباء بتحكي*
صحيت على صوت كواريك م عرفت دا شنو ؟ الحاصل شنو م عرفت! جات من بعيد ايثار نطت فيني وطبعا انا بلز فيها ساي قالت لي هيعقدو لينا مع بعضض💃🏽💃🏽💃🏽💃🏽❤️❤️❤️❤️❤️❤️. عاينت ليها قوي وقلت ليها : اها وبعدين الهيحصل شنو هيعقدو هعقدو
ايثار: حبيبي جا لابوي في الشغل والحمدلله ابوي وافق اخيراااا💃🏽❤️❤️❤️❤️...
عاينت ليها وطوالي قبلت على الحيطه وم اديت للموضوع اهميه بقيت بفكر ليه انا م مكتوب لي افرح بس فرحت ٥ شهور في حياتي كلها ...ااي كنت عايشه مع خالتي بس برضو بتألم اني م مع اخواتي ولا امي وقاعده براي بين اربعه حيطان 💔.... اوفف يارب لطفك ورضاك😭... م جاني نوم تاني قمت على طول لقيتهم كلهم في الصاله بيحضرو في مسرحيه ومعاهم ابوي زاتو
ابوي:تعالي يا بت احضري معانا
انا:لا م عايزه ماشه ارجع انوم
ابوي:م تنسي الموضوع لسه م اتكلمنا فيهو ! وانا م ناسي اسبقيني ع الحوش وجهزي السريرين وانا جاي
انا وماشه ع المطبخ وم قبلت وراي قلت ليه: طيب 💔... مشيت شربت مويه وشلت المراتب وفرشتهم وناديت ابوي وبقينا نتونس شويه حتى قال لي في نص كلامنا: يابتي انا عارف انك م بتريدي الولد دا ولسه م شفتيهو بس يابتي سند ومات الله يرحمو تاني بعد دا تشوفي حياتك وطبعا عارفك م هتتقدمي في خطوه زي دي اول م لقيت الولد دا م اترددت اديهو ليك ادب واخلاق ماشاء الله والله مافيهو كلمه ويابتي انا عارف م عشتي معانا كتير بس الله عالم من حبي ليك بعمل كدا انا م عايزك تتأذي من شي زي دا ولا موت سند يأثر عليك يابتي الحياه م كدا الحياه عترات وقت نقع لازم نقوم ونرجع زي اول وسند م غالي على ربو وهو في مكان احسن من هنا بس! لو كان عايش م كان هيرضى بالبتعملي فيهو دا ! اتوكلي على الله يمكن ربنا كاتب ليك الخير والاحسن في العرسه دي يابتي الله يرضى عليك❤️
رديت عليه والدموع في عيوني :الله يرحمو ياابوي ان شاء الله الانت شايفو اعملو
بستو في راسو ومشيت طوالي الغرفه وبقيت ابكي واتذكر في سند 😭💔💔💔.. نمت في مكاني والدموع في عيوني زي كل مره💔.....صحيت تاني يوم ولبست لبسي ومشيت الجامعه اول م وصلت م لقيت الولد داك بس م اشتغلت بالموضوع كتير قلت احسن برضو دخلت لقيت ميامن بس الجات
ميامن:يامزه وينك ياخ ليه الاختفاء دا😂😂
انا:والله ماف لي اختفاء بس عدم الموضوع مشكله دا كلو عشان م رديت عليك امبارح؟😂😂💔
ميامن:يعني شفتي المكالمه ايتها المجرمه
انا: شفتها بليل شديييد والله وم حبيت اصحيك
ميامن:خلاص ياستي عفيتك اها وريني الشاغل بالك شنو م على طبيعتك؟
انا "بديت ادمع ": والله يا ميامن في واحد متقدم لي وانا بجد م عايزاه😭💔 وكلمت اهلي بس هم قالو كلمتهم وخلاص فاكرين كدا هيسعدوني ! انا سعادتي كانت مع سند وخلاص انتهت من هو مات الله يرحمو😭💔.
ميامن حضنتني عليها وبقت تمشي يدها في راسي بعدها جات شهد ناطه من وين الله اعلم بس جات لقتنا في قعدتنا اول م سمعت صوتها طوالي مسحت دموعي عشان م تشوفها وبعدو قمت من ميامن.. عاينت ليها كدا ولوت خشمها وم قالت شي🤣💔... بعد جو كلهم بقيت اتلفت واشوف الولد داك وين؟ ميامن لاحظت لي وسألتني:مالك يابت مش كلنا جينا مالك بتتلفتي زي مروحه التربيزه كدا؟
انا:هاااا! لا ماف شي😅
سكت وتاني بقيت اتونس معاهم عادي وحضرنا محاضرتنا وطلعنا وكل واحده على بيتها وللان م شفتو وما عارفه الحاصل شنو بالظبط!🌚.
*في حته تانيه*
.....:امي في شنو ؟
الام:ياولدي تعال اقعد هنا
احمد:اها يا امي قعدت احكي
الام:ياولد اسمع هنا انا سمعت كلام م كدا عن خطيبتك دي
احمد:مالها اباء يا امي مهما تقولي لي م هاصدق كلام حريم ساي دا
الام:م تسمع في الاول انت
احمد:اها يا امي بس خليك عارفه بعد الهتقوليهو دا انا برضو مُصر على موقفي وهنتم العرس
الام: البت كانت مخطوبه قبل كدا
طوالي قاطعتها :عارف كل شي انا واسماء ورتني كل شي وقبلان بيها كدا يا امي
الام:اقسم بالله العرس دا يتم لا عافيه لليك ولا انت ولدي ولا شي ودا كلامي وقلتوو عايزها تقتلك زي م قتلت ود الناس؟
احمدد:كيف يعني هي م قتلتو ولا شي دا قضاء وقدر يا امي هنعترض عليه؟
الام:كلمتك انا وم يبقى اسمي نوال لو العرس دا تم يا احمد
احمد بزهج طوالي قام شال مفتاح عربيتو وبقى سايق بسرعه شديده وبفكر في كلام امو ليه كدا ليه هي بتعمل كدا ؟ عشان خطيبها الفات اتوفى وهم لسه م اتهنو هي خاته في بالها انها برضو ممكن تقتلني البيقتل اليوم م السبب اصلا💔💔... رقت شويه بعدو ركبت عربيتي تاني ورجعت البيت وانا ماخد قرار وم هتنازل عنو مهما حصل.....
*عند ميامن*
قاعده في امان االله مع اخواتي فجأه لقيت التلفون بيرن عاينت ليه لقيتو رقم غريب م اشتغلت بيهو هيكون عايز يعاكس ساي وانا م فاضيه ليهو تاني التلفون رن برضو م رديت وبقيت ع الحاله دي لحدي م زهجت ورديت بزهج :خير عايز شنو؟
.....:ميامن عليك الله ساعديني والله م لقيت غيرك قريب منها وممكن يساعدني عليك الله بس رقمها او حسابها في الفيس او اي شي
انا:سموؤل؟ جبت رقمي من وين
سموؤل:البيسأل م بيتوه بس حلفتك ساعديني
انا:انت مكرهها الجامعه بسببك ياخ م ممككن معاك وانا اصلا عايزه اخت حد للموضوع دا كفايه لحدي هنا البت هتعرس خلاص وانت لسه بتعمل في حركاتك دي؟
سموؤل:هتعرس ؟ لا م تقولي لي م بستحمل كدا حرام عليك💔
ميامن: م حرام ع.......
فجأه الخط قفل قلت احسن برضو كويس الجات منو وطالما رقمو معاي انا هاحل الموضوع دا🙂...
*اباء بتحكي*
رجعت البيت بعد اخدنا ونستنا زيين طبعا لسه بفكر فيهو ليه م جا الليله يضايقني زي كل مره ضحكت في نفسي بجد هو لو ماف م مريحني وحتى لو في م مريحني اما امرك عجيب يا اباء ... نمت وصحيت ع تلفون من ميامن وهي بتسأل فيني اذا كويسه ولا لا ! استغربت مالها وليه بتحذرر فيني كدا وتقول لي خلي بالك من نفسك وم تردي ع اي رقم غريب استغربت شديد وهي بتوصي فيني كدا ياربي الحاصل شنو ومالها هي بتقول كدا الحاصل شنو بالظبط ؟!!.....
#يتبع......
