*#بين_عالمين🚶🏼♀️❤️.*
*بقلمي: meme mohammed*
*في جانب احمد*
دخلت البيت وبقيت اعاين افتش امي هتكون مشت غرفتها طلعت ليها لقيتها نايمه بستها في راسها ومشيت على غرفتي جاتني ليلى ناطه
ليلى:م كفاك يا احمد شيل رضا امك وخلي البت في حالها
انا: لا يا ليلى امي هترضى والعرس هيتم
جات علي بخطوات بطيئه ووقفت قدامي وعاينت لي قوي ورفعت لي اصبعها وقالت : اقسم بالله تكون سبب في انو انا وصحبتي نفترق م هيحصل خير لانك عارف انها م عايزاك !
عاينت ليها ونزلت ليها اصبعها وقلت ليها: من ناحيه اباء فاطمني هتعرف هتعرف وهتتختى امام الامر الواقع
ليلى وهي قبلت عشان تمشي قالت: الله يساامحك ع الهتعملو دا قلت ليك خلي البت في حالها الله يسامحك يا احمد يا اخوي🙂....
*اباء بتحكي*
بعد قفلت بقيت م عارفه اتصرف وراسي شاطب مره واحده طوالي اتصلت على ليلى م بترد! بقيت قاعده وسرحانه لحدي م امي جات
قالت لي:يابتي حبوبتك وولد اخوي جايين بكره
انا:ليه فجأه كدا؟
امي:يابت ناس وقالو جايين نقول ليهم لا؟
عاينت ليها وقبلت وشي ورقدت قلت ليها اقفلي الباب معاك 🙂.....
امي طلعت وانا طوالي غرقت في النوم😫....
*مريم بتحكي*
والله تعبت منها البت دي بس مصيرها تحبني وتعرف ليه انا عملت كدا كل العملتو عشان احميها هي واختها عشان اختي كانت بتهددني بحاجات نحن زمان م كان لينا يد فيها!💔💔💔 بقيت بعاين لبتي البتدخل من غير م تسلم علينا ولا قادره تستوعب انو ديل اخوانها واهلها بس كل م اشوف ايثار بطمن شويه الشبه بينهم مبالغه انا ساعات بعجز افرق بينهم 😕..... مشيت لاسماعيل لقيتو خاتي يدو في راسو وبعاين للارض ختيت يدي في كتفو رفع راسو وعاين لي
انا:مالك يا اسماعيل؟
اسماعيل اخد نفس وبعدو اتكلم: جاتني سفره ضروريه لازم امشي الحق اخوي ... اخوي بيلعب بالاسهم بتاعت الشركه لعب خيالي
انا عاينت ليه بخلعه:كيفن يعني ؟ اخوك المن لحمك ودمك يعمل فيك كدا!
اسماعيل:واالله تقولي شنو انا النبهني عميل في قسم الديزاين كنت حاسي انو انور دا بعد مرتو دي اتوفت بقى م تمام م عارفو مالو يا مريم م عارف
ربت على كتفو وقلت ليه: بتتسهل ان شاء الله بتتسهل خت الرحمن في قلبك واتوكل ❤️....
*سموؤل بيحكي*
بعد سمعت كلام ميامن انو اباء هتتزوج بقيت م سامع شي بس سامع صوتها بعيد وبحاول اخد نفسي بكل صعوبه جات داخله جهاد وبقت تكورك وتاني م حسيت بشي صحيت لقيت روحي في سرير وجنبي اجهزه وجهاز الاكسجين في وشي بقيت بعاين يمين وشمال جا الدكتور داخل ووراه امي وبتبكي💔... الدكتور عاين لي وشاف مكان العمليه وابتسم وقبل على امي وقال:م تخافي ياوالده الولد في ايدي امينه بس كان هيدخل في نوبه سكته قلبيه لو م لحقتوهو❤️
امي وهي بتبكي :الحمدلله م تشوف شر يا جناي😭❤️❤️❤️
الدكتور: بس لازم يكون معانا هنا تحت المراقبه عشان م تحصل اي مضاعفات تاني!
امي: طيب ان شاء الله م بتقصر والله
الدكتور:ولو دا الواجب ... يلا بالاذن
الدكتور طلع ووامي قاعده في راسي وتبكي نزلت جهاز الاكسجين وقلت ليها: امي مالك والله انا كويس مافيني شي الحمدلله
امي:ياولدي كنت بين الحياه والموت وتقول لي ماف شي؟ ربنا ستر واختك جات داخله بس وشافتك💔.
مديت يدي الفيها الدرب ومسكت يدها وبقيت اربت عليها ووابتسمت وقلت ليها:امي الحمدلله عدت على خير وانا هسي كويس الحمدلله ... بس وين جهاد!؟
امي وهي بتمسح دموعها : مشت تجيب ليك اكل من البيت يا ولدي م اكل المستشفى دا انا م بقتنع بيه وارفع الاكسجين دا قبل اجي ادقك يولد "قالتها بهظار"
ابتسمت ليها ورفعتو ورفعت راسي وبقيت اعاين للسقف وامي تقرا في قرآن وبقيت بفكر فيها وفي زواجها💔💔...
