*#بين_عالمين🚶🏼♀️❤️.*
*بقلمي: meme mohammed*
*احمد بيحكي*
انا بقيت حاسي بفراغ شديد شهد شالت حس البيت ومشت اشتقت ليها واشتقت لولدي البسببو حبيتها وفي نفس الوقت بعدنا عن بعض💔. في مره قلت اتصل عليها اطمن عليها وفعلاً دا الحصل بس م ردت علي اضطريت اكلم وليد يجيب لي شريحه وجابها لي واتصلت عليها ردت عادي م استغربت من حركتها قلت ليها : انا محتاجك يا شهد💔
م ردت علي وقفلت الخط وانا بجد موجوع من حكايه اني عاجز وم قادر افهمها انو دا قضاء وقدر وانا م بيدي عملت كدا دي حاجه خارج ارادتي بس شهد البيفهمها منو؟ يومي كلو بيعدي نفس الروتين من الزهج حسيتوو كأنو نفس اليوم بيتعاد ووليد م مقصر معاي بس شهد هي القصرت معاي مرات بخت اللوم فيها ومرات بقول ليها حق في النهايه فقدت ولدها💔💔....جاني وليد وقعد جنبي وقال لي: اسمعني يا احمد ارح نسافر برا نشوف صرفه لموضوع الشلل المؤقت دا م مطمن لدكاتره هنا والله
قلت ليهو: ماف داعي امشي لشنو انا؟
قال لي: امشي عشان شهد عشان تحاول معاها م حاسي روحك عاجز وم قادر تتصرف؟
دنقرت راسي وقلت ليهو: فعلاً انا عاجز بس شهد راسها قوي وم بترضى بالساهل
قال لي: طيب لو مشينا عشان تتعالج يا احمد انا بطريقتي بجيب ليك شهد وتتكلم معاها !
قلت ليهو: خير يا زول احجز لينا انا وانت
ضرب كتفي وقال لي: عديله ياخوي
وفات وخلاني افكر في شهد وهي كيف هسي؟💔
*اباء بتحكي*
الايام المرت دي شهد محيراني عديل م بتاكل زي الناس والييوم كلو نايمه وبجد بقيت م عارفه اتصرف معاها وطبعاً يومي كلو بيكون معاها وبعيده من سموؤل في يوم سموؤل جا داخل البيت مشيت عليه وسلمت عليه ومشيت عملت ليهو الاكل وجيت قعدت معاه شويه وبجد مشتاقه ليهو انا😭❤️.. بعد خلص اكل وقفت عشان اشيل الصانيه مسك يدي ورجعني وقعدني جنبو قلت ليهو: الله ؟ سموؤل مالك ياخ
قال لي وهو ماسك يدي وبضغط عليها : ياخ انا مشتاق ليك م ممكن
دنقرت راسي وابتسمت ليهو وقلت ليهو: انا زاتي والله
جراني عليهو وحضني مسافه بعدو باس راسي وقال لي: يلا ممكن تطيري بعد دا😂😂💔
ضربتو في يدو ضربه خفيفه وضحكت وقمت 😂😂😂❤️..
مشيت لشهد قلت لازم اتكلم معاها دخلت الغرفه لقيتها راقده وعامله روحها نايمه فتحت النور وقلت ليها: شهد قومي عايزه اتكلم معاك بعد دا
قعدت ومسحت دمعتها وربعت رجلينا وعاينت لي قلت ليها: مش راضيه بقضاء ربنا وقدره؟
هزت لي راسها بمعني"اي" قلت ليها: طيب ولدك اتوفى واكيد لخير يمكن لمن يكبر كان ممكن يطلع حرامي او بتاع مخدرات او يعصي ربنا او م يبر ليك انتي واحمد ونحن م عارفين اكيد السبب شنو بس احمد م ذنبو شي احمد هسي فاقدك ياشهد وين حبك ليهو؟ يمشي بسبب حاجه هو م ليهو يد فيها اصلاً ليه ياشهد؟ م ملاحظه انو احمد بقى يحبك وقت عرفك حامل بجاسم؟ يمكن دا الخير الجابو جاسم صح ولا لا؟ طيب يرضيك احمد يتوجع براه ويكون بيتجارا في المستشفيات براه؟ حتى لو معاه وليد هل وليد هيسد خانه الفراغ الجواه؟ خليك عاقله وواعيه وياستي م قلت ليك م تحزني ولا تبكي بس ادي احمد فرصه مع انو م عندو يد في الموضوع احمدي ربنا احمد م فات مع جاسم كانت هتكون صدمه بالنسبه ليك واكبر من دي عشان كدا شوفي راجلك لانو محتاجك وحالتو صعبه شديد يا شهد وعشان م تقولي م وريتك احمد مسافر بعد بكره عشان يتعالج وطبعاً الخطوه دي هيعملها وانتي بعيده منو والانتي بتقولي عليهو حب دا م اسمو حب الحب تصرفات م كلام تقيفي مع البيحبك قبل يطلب منك عشان كدا فكري تاني وفي اقرب وقت عشان لو هتقرري تمشي مع احمد اجراءاتك جاهزه قبيل وليد صاحب احمد كلم سموؤل ...
طلعت وخليتها سرحانه يمكن بتفكر في كلامي ويمكن لا بس ان شاء الله الفيهو الخير بيحصل وان شاء الله يرجعو لبعض ياخ❤️❤️❤️.
