*#بين_عالمين🚶🏼♀️❤️.*
*بقلمي: meme mohammed*
*شهد بتحكي*
م عارفه ليه سألتو وقلت ليه كدا بس بجد م قادره اشوفو كدا اشوفو جنبي وهو لسه بحبها وانا لا 💔💔.. دخلت غرفتي بس م قدرت انوم بقيت ببكي واحمد م فكر يجيني تاني 💔... شلت باقي يومي كلو وانا ببكي لحدي م غفيت والدموع لسه في وشي💔....
*بلسان اباء*
بعد طلعنا اتصلنا على جهاد واتونسنا معاها فيديو كول واثناء م هي بتتكلم معانا سمعت صوت بس متأكده الصوت دا م غريب علي سكت وم اديت للموضوع اهميه بس ورجعنا البيت اول م دخلت غرفتي كدا سموؤل اتصل م رديت عليه مشيت عملت حاجاتي ورقدت بس م نمت فتحت تلفوني وبقيت اشوف في الاستوريات ورفعت كم صوره لينا انا والبنات وبقيت لافه ساي من قروب لقروب لحدي م لقيت رساله من سموؤل كاتب فيها: والله ايامك م كلمتيني ليه انك طالعه معاهم؟
انا: واكلمك ليه؟
سموؤل : عشان انا زفت خطيبك😡
انا: كلمتك انا م بعتبرك خطيبي ولا غيرو
سموؤل: اباء تصبحي على خير
انا:وانت من اهله
وطلع طوالي م اشتغلت بيهو طوالي رقدت نممت🚶🏼♀️❤️..
*عند سموؤل*
بعد م رجعنا انا وجهاد طلعت غرفتي واتصلت على اباء م ردت علي م رجعت ليها تاني امي نادتني مشيت ليها لقيتها عايزاني اصلح ليها ماسوره المطبخ المهم صلحتها ليها ورجعت مسكت التلفون اشوف اباء اونلاين ولا لا لقيتها فعلاً اونلاين م رسلت ليها لحدي م رفعت استوري رديت عليها بعد اتناقشنا قلت ليها تصحبي على خير وقفلت الشبكه ولا انتظرتها تكتب حتى انا بعد دا هاتبع خطتي الجديده واليحصل يحصل😄....
*جهاد بتحكي*
بعد وصلنا البيت دخلت غرفتي صليت صلواتي وجيت لامي لقيتها شغاله في المطبخ ساعدتها ومشيت عملت لي فشار وجيت احضر التلفزيون في الصاله بمزاج شلت تلفوني وقعدت بمزاج عملتو وضع اهتزاز عشان م يزعجني المهم بقيت بحضر لحدي م لقيت تلفوني بيتحرك شفت مين المتصل لقيتو رقم غريب م اشتغلت بيه وواصلت فيلمي وتاني الرقم اتصل برضو م اشتغلت بيه طوالي حولت التلفون من وضع اهتزاز لصامت م ناقصاه انا كمان🙄 خلصت فيلمي ورتبت مكاني ومشيت غرفتي ورقدت نمت ❤️....
*بلسان احمد*
صحيت تاني يوم ولقيت شهد ماف جنبي اتذكرت انا امبارح عملت شنو ختيت يدي في راسي وبقيت قاعد لحدي م لقيتها داخله علي بابتسامه وختت لي صانيه الشاي وقالت لي : يا يا ابواحميد نشرب الشاي عشان نطلع ولا م ناوي تفسحني؟
عاينت ليهها باستغراب وقمت مشيت قعدت في الارض وهي كانت قاعده في الكرسي ختيت راسي في رجلها وقلت ليها: انا اسف عشان بعمل فيك كل دا والله م قصدي يا شهد بس ختي نفسك مكاني اعمل شنو اذا امي م رضت تزوجني للعايزها انا؟ "ختت يدها في شعري وبقت تمرر باصابعها براحه في شعري❤️" قلت ليها : استحمليني يا شهد عليك الله استحمليني لحدي م اقدر اتجاوز الموضوع دا
قالت لي: م مشكله يا احمد اخد وقتك ويللا قوم على حيلك انا م هارضى بانو يومي دا يتخرب قوم على حيلك يلا😂😂💔
قمت على حيلي وبستها في راسها ومشيت الحمام وجيت شربنا الشاي مع بعض ومره نتونس ومره نضحك ❤️❤️❤️.. طلعنا وم خلينا مكان م مشيناه ... الملاهي والمطاعم والسينمات بجد اليوم دا تعبتني البت دي لكن كلو فداها اهم شي اراضيها ❤️❤️❤️❤️❤️....
*بلسان غيداء*
الايام دي طبيعي بقينا انا ومدثر بنتونس مره نتشاكل ومره نتعابط وابداً م بيزعلني بجد مدثر كان صاحب واخ وكلو في سويعات بس بقى كل شي بقيت اتكلم معاه كتير ولمن يكون مشغول بيتصل علي يقول لي انا مشغول الليله اعذريني يالسمحه❤️❤️ بجد مدثر قدر يغير فيني حاجات كتيره بقيت م بخت ميكب كتير وم بيجيب لي سيره سموؤل نهائي ااي انا اليوم كلو بكون بتكلم مع مدثر بس سموؤل شاغل بالي طول الفتره دي وم قادره انساه نهائي
اتصل علي مدثر وقال لي: يالسمحه وينك الليله؟
انا: يا مستهبل انا برضو الوين ؟ ولا انت؟
ضحك وقال لي:معليش والله بس في شويه حاجات كدا في الشغل محتاجه مني مهارات خاصه وكدا يعني😂😂💔
انا: ياخي؟ مهارات ومدثر؟ م بيجو ديل😂😂😂💔
مدثر: ااي استهوني بقدراتي كويس يكلبه😂😂 المهم بس قلت اطمن عليك وارجع اشوف مشاغلي دي
انا: اطمن انا كويسه الحمدلله ❤️طمني عليك انت
مدثر: يارب دايما ❤️انا كويس الحمدلله اطمني❤️ يلا لبعدين اوعا اجي القاك نايمه عشان م اكفتك😂💔
انا: لالا ياخ معقوله ؟ يلا😂😂💔
قفل الخط قمت ماشه على المطبخ لقيت عمر اخوي واقف جنب الباب قلت ليه: كمان بقيت تتصنت علي؟
عمر مسكني من يدي وقال لي : م اتصنت عليك انا ولا دي اخلاقي وانتي عارفه كنتي بتتكلمي مع منو يا غيداء؟
انا: مع صحبتي
عمر: صحبتك برضو بتقولي ليها يا مستهبل؟
مسكني من شعري وجراني عليه وقال لي:اسمعي هنا قله ادب م بتنفع معاي وتلفونك دا هيتشال منك لمده اسبوع عشان تاني تتأدبي فكاني ومشى شال التلفون وطلع وبقيت ببكي 💔 عارفه عمر بيعمل كدا عشان خايف علينا خاصه بعد م ابوي اتوفى وبقى هو الكبير وهو راجل البيت وانا عاذراه برضو بس كيف اسبوع م هتكلم مع مدثر💔😭 واكلمو كيف بعد عمر شال التلفون ومشى....
#يتبع........
