*#بين_عالمين🚶🏼♀️❤️.*
*بقلمي: meme mohammed*
*اباء بتحكي*
في مره وانا قاعده براي وطبعاً سموؤل في الشغل قلت امشي بيتنا اتصلت على سموؤل وكلمتو ولبست ومشيت بس م كلمت امي اول م دخلت لقيت امي قاعده في العريشه سلمت عليها وطبعاً المطبخ قريب من العريشه سمعت صوت واحده وامي متوتره كدا
المره قالت: اباء يفترض تعرف بعد دا
امي بتوتر: اهلين اباء كيفك؟
حتى المره سكتت وجات طالعه سلمت علي عادي وقعدنا وانا بالي مشغول بالكلام السمعتو اعرف شنو يعني؟ انتظرت مره جيرانا تطلع وانا قعدت اعاين لامي وهي بتتحاشى تعاين لي قلت ليها: هتحكي ولا كيف؟
امي: احكي شنو😅
قلت ليها: براك عارفه يا امي احكي وانا سامعه
امي قالت لي: طيب بجد يفترض تعرفي بعد دا
قلت ليها: سامعاك انا
قالت لي: زمان يابتي قبل انا وابووك نعرس الله يرحمه اتقدم لي واحد وانا رفضتو بحكم اني بحب اسماعيل وفعلاً رفضتو بس هو ملا لابوي راسو وقال الا يخطبني بس وانا ابيت وكلمت امي اني م عايزاه وفعلاً دا الحصل وانا انتظرت اسماعيل لحدي م يتم الجامعه بس في يوم جا لخالتك عريس ونحن فرحنا وهي وافقت وجا يوم التعارف وياريتو م جا لقيتو هو نفسو الكان عايز يخطبني وانا سكت برضو بعد انتهت الجلسه اسماعيل اتصل علي وقال لي نحن هنجي ونتقدم ليك بعد كلمني مشيت لامي وكلمتها وفعلاً حدد موعد وقال هيجي وطبعاً اكتشفت انو اسماعيل هو نفسو اخو الكان عايز يخطبني قلت الحمدلله انو اتفك مني بس م كنت عارفه انو النور حقود للدرجه دي ومتكبر اتزوج خالتك ععشان ينتقم مني وانا عشان م كنت شغاله بيهو قال لاسماعيل يتزوجني في اقرب وقت وددا الحصل بجد بعد اتزوجت اسماعيل وهو اتزوج خالتك بقينا عايشين عادي وقلت يمكن النور نسى الموضوع خلاص لحدي م حملت باختك الكبيره وجا عادي وحتى خالتك قعدت معاي قريب الشهر والنور م بيسألها ..في مره جاني وقال لي اني بحب اختك بس في االاول م كنت بحبها وانا فرحت شديد انو هيخلينا وطبعاً اسماعيل م عارف اصلاً انو كان في زول خطبني وكدا ومرت الايام لحدي م جيتي انتي وايثار وخالتك طلعت ليها بفهم جديد الا تشيلك بحكم اني بقى عندي اتنين غيرك رفضت وابيت لحدي م جا النور وهددني انو هيكلم اسماعيل وطبعااً عارفه زعل ابوك كيف انتي لو عرف عادي هيحصل طلاق وانا عشان بحب اسماعيل وخفت على زعلو وعليكم سكت واديتك ليهم والكان مطمني انها اختي ااي م كنت مطمنه من النور وخايفه يعمل فيك شي لكن قلت برضو دا عمك مهما كان وفعلاً رباك احسن تربيه لحدي م اختي اتوفت والنور اتغير خالص زي كأنو فقدتكم الاتنين مش مرتو بس لانك جيتي راجعه بيتك هنا وفتره كدا كان بيلعب باسهم الشركه بتاعت ابوك واسماعيل طبعاً الله يرحمو كان مستغرب الحاصل شنو وليه بيعمل كدا لحدي يوم وفاتو الله يرحمو هو كان بيتكلم في مكالمه وبعدها وقع وياهو دخل العنايه الله يرحمو وطلع النور كان بيلعب باعصابو واعصابي معاه لانو كان بيقول انو هيكلم اسماعيل وهو لو عرف عادي هيطلقني لاني خبيت عليه كل الفتره دي ودا كل الحصل يابتي انا خفت على بيتنا يتخرب فيهو تلاته بنات يتخرب لسبب تافهه زي دا عشان كدا وديتك لخالتك وعمك ويربوك عشان م يكون الذنب فيني وابوك يطلقني وتعيشو من غير اب 💔
انا اتأثرت بجد هو دا اخ بيعمل كدا؟ عشان كدا امي كانت بتتوتر لمن اتكلم عن عمي النور او ماشه ليهو وكدا؟طيب ليه كدا اخدت صدمتي وم قرت اواصل باقي القعده قمت مشيت بيتي اول م وصلت كلمت سموؤل اني في البيت 💔....
*بلسان شهد*
جاني احمد داخل وشايل اللابتوب وقعد في الكرسي وانا شايله جاسم وبرضع فيهو احمد بقى شغال وجاسم صحصح خلاص وقام عليهو بقى يعمل في اصوات غريبه وشايفه احمد م شغال بيهو وهو زاتو نفس الشي زعل😂😂💔.. بعدو بشويه جا احمد وشال جاسم وطلع بيهو وانا مشيت رتبت البيت سريع سريع وغسلت العده وبقيت منتظراهم وهم اتأخرو وانا خلاص اتوترت واحمد تلفونو هنا وهو لسه م جا وانا م حاسه نمت .... صحيت نص الليل مخلوعه ولقيت احمد برضو ماف انا هنا اتوترت شديد بجد جاسم واحمد ماف هيكونو مشو وين اتصل على خالتو يمكن عندهم؟ قلت هاوترها ساي وانا بقيت ابكي ومنتظراهم وما جو 😭😭😭💔💔... اتصل علي رقم غريب وقال لي : انتي حرم احمد؟
قلت ليهو : اي في شنو خير؟
قال لي: خير ااي تعالي مستشفى....
اتخلعت احمد وجاسم في المستشفى كيف😭😭😭😭😭💔. لبست اقرب عبايه ونسيت تلفوني وقفلت الباب ومشيت المستشفى سألت البت من احمد وجاسم قالت لي: اااا الراجل وولدو الكانوو في حادث؟
انا خفت شديد فجأه جاني صاحب احمد وساقني لغرفه احمد 😭💔💔 احمد كان كويس بس جاسم في العنايه بس انا وقعت وتاني م حسيت بشي😭💔💔💔💔..انا قلت جاسم هيروح مني خلاص💔 صحيت لقيت احمد جنبي وببكي شديد قلت ليهو: قول لي انو جاسم كويس 😭💔
قال لي: حبيبتي انتي مؤمنه بقضاء ربنا صح؟ عليك الله روقي واسمعيني كويس ربنا عشان بيحبنا اخد مننا جاسم اتصبري حبيبتي😭💔💔💔
وقفت على حيلي وقلت ليهو: انت السبب اخدتو معاك ليه؟ اااا؟ ليه 😭😭😭😭😭😭😭😭😭
بقيت ابكي شديد واضرب في احمد بكل قوتي واحممد قاعد في الكرسي قلت ليهو:قوم معاي ارح لجاسم😭😭😭😭😭😭😭
قال لي: م هو انا م بقدر اقوم عشان ....
قلت ليهو: اها عشان شنو اتشليت يعني ولا شنو مثلا؟😭😭😭
احمد: فعلاً انا اتشليت يا شهد بس مؤقت وفي امل اقوم بس انتي روقي
بقيت اكورك شديد لحدي م جو الدكاتره وادوني منوم ورقدت نمت بعد تعب😭😭😭😭😭😭💔..
*بلسان جهاد*
بقيت م مطمنه لحركات هيثم بقى يساهر برا عادي ويخليني براي وبقول م مشكله مشغول عادي اعملي رايحه وخليهو على راحتو وبجد خليتوو على راحتو بس هو لسه مواصل وبقى يجي من الشغل وينوم ويصحى تاني يجي بليل شديد بقيت اتابع تصرفاتو 💔💔💔.. لحدي م اتصل علي احمد وهو ببيبكي شديد وبيكورك ويقول لي صحبتك محتاجاك ولدنا مات جاسم مات 😭💔.. اتخلعت شديد م عرفت اتصرف كيف شلت قروش وطلعت مشيت ونسيت اكلم هيثم مشيت المستشفى ولقيت شهد في العرفه ولسه م عارفه انو جاسم اتوفى💔.. لمن صحت وعرفت م استحملت ونوموها تاني بقيت قاعده ساي واحمد كان تعبان بس قلبو واجعو اكتر شي قال لي امشي البيت واجي راجعه الصباح مشيت البيت بعد تحانييس ولقيت عربيه هيثم تحت طلعت البيت وفتحت الباب مشيت الغرفه قبل افتح الباب سمعت هيثم ببقول: بنتزوج حبيبتي بس اصبري علي شويه💔
بقيت م قادره اقيف بس عملت روحي م عارفه ودخلت بعد خلص مكالمتوو مع الست هانم قال لي: جيتي ؟
قلت ليهو: اييي
حتى م فكر يسألني مالي ولا كنت وين ولا شاكلني عشان م وريتو اني طلعت رقدت نمت وانا موجوعه بجد من هيثم وحركاتو💔💔💔.....
#يتبع......
